https://sputnik-abkhazia.info/20230329/zhlarbzharati-ashararaei-anuati-ailibamkaaraei-zhlar-rforum-ay-izlatsazhoz-1044937860.html
Жәларбжьаратәи ашәарҭарақәеи аҩнуҵҟатәи аилибамкаарақәеи: Жәлар рфорум аҿы излацәажәоз
Жәларбжьаратәи ашәарҭарақәеи аҩнуҵҟатәи аилибамкаарақәеи: Жәлар рфорум аҿы излацәажәоз
Sputnik Аҧсны
Апартиа "Аԥсны Жәлар ракзаара афорум" аизара ду мҩаԥысит Аҟәа хәажәкыра 29 рзы. 29.03.2023, Sputnik Аҧсны
2023-03-29T19:40+0300
2023-03-29T19:40+0300
2023-03-29T20:04+0300
аԥсны
ажәабжьқәа
аполитика
https://cdnn1.img.sputnik-abkhazia.info/img/07e7/03/1d/1044931505_0:161:3068:1887_1920x0_80_0_0_2e388342539904b112db5999f6306ee0.jpg
Апартиа алахәылацәа аҳәамҭақәа ҟарҵеит аполитикатә, аекономикатә, асоциалтә усхкқәа рҟны Аԥсны иҟоу актуалтә проблемақәа ирызкны, ирыдыркылеит арезолиуциа, ишьақәдырӷәӷәеит аполитхеилак алахәылацәа, ахантәаҩы ихаҭыԥуаа ҿыцқәа алырхит.Асмаҭ Ҵәыџьԥҳа, SputnikАжәа анамыгӡареи амчқәа реидҵареиАизара ду ааиртит апартиа ахантәаҩы Аслан Барцыц. Иара еизаз иргәалаиршәеит "Аԥсны Жәлар ракзаара афорум" есымша Аԥсназы ишәарҭаз аҭагылазаашьақәа ишрықәҿырҭуаз. Иахьатәи Аԥсны аиҳабыра ауаажәлар ргәы змырҭынчша ашьаҿақәа ҟарҵоит ҳәа иԥхьаӡоит иара."Аԥсны Жәлар ракзаара афорум" ахантәаҩы ҿыӷәӷәала иҳәоит иахьатәи Аԥсны анапхгара ишырҭаху аолигархиатә авторитартә мчра шьақәдыргыларц, Аконституциа аԥҟарақәа шеиларго, уи адагьы, алхрақәа раан ауаа зықәдыргәыӷуаз акгьы шыҟарымҵо, афымцамч аусхк аҟны иҟоу апроблемақәа шырмыӡбо, акоронавирус аналаҵәоз ицәырҵыз ауадаҩрақәа ишырзымиааиз, убри аан атәылауаа идырҳауа аԥара ишагхаз, убри аан афымцалашареи абылтәи рыхәқәа ишрыцлаз, жәларбжьаратәи ашәарҭарақәа рықәҿыҭра шрылымшо.Апартиа "Аԥсуа милаҭтә еиҿкаара" ахаҭарнак Лаша Шамба иазгәеиҭеит адунеи аҿы ицәырҵуа ашәарҭарақәа раан ишаҭаху аидгылара, зыҩаӡара ҳараку аҿиарамҩахь ишиастәу.Адемократиа ашьаҭақәаАизараҿы дықәгылеит Аԥсны уаанӡатәи ахада Рауль Ҳаџьымба. Иара иазгәеиҭеит иахьатәи аамҭазы иҿио агеополитикатә хҭысқәа раан Урыстәылеи ҳареи ҳаизыҟазаашьақәа ҳарӷәӷәалароуп, аха убри аан ҳхьыԥшымра аҵакы лаҳмырҟәыроуп, амилаҭтә интересқәа раԥхьа иҳаргылароуп.Ҳаџьымба иазгәеиҭеит ҳҳәынҭқарра аиҭашьақәыргылара алшара анҳау нахыс ҳашрықәныҟәо адемократиатә принципқәа, убри азы аполитикатә процесс аҿы ицәырымҵыр залшо еиуеиԥшым азнеишьақәа, аимак-аиҿакқәа ҳәа."Аҳәынҭқарра аиҳабыреи аоппозициеи реиҿагылара ианакәызаалакгьы изызку аполитикатә, аекономикатә, асоциалтә ҭагылазаашьақәа рырцыхцыхра ауп. Хымԥада, арҭ амчрақәа рыбжьара зҵаарақәак рҿы рҳәоу еизааигәахар алшоит, аха дара рполитикатә дунеихәаԥшышьа ианакәызаалакгьы изеиқәшәаӡом. Аоппозициа еснагь иазыхиазароуп аҳәынҭқаррахь анеира, убри азы аоппозициа аҩнуҵҟа иҟазароуп аидыгалара, аҳәоуеиқәшәара, аизыӡырыҩра. Аиҳабыра рҿаԥхьа иқәшәыргыло азҵаарақәа ирымазароуп ҳауаажәлар рыдгылара, рыжәҩахыр. Ажәлар рхьаа шәара ишәхьаазароуп", - иҳәеит иара. "Аԥсны Жәлар ракзаара афорум" Аизара ду аҟны аполитхеилак ахь иалхын 21-ҩык, ишьақәырӷәӷәан ахантәаҩы ихаҭыԥуаа – Ҳаџьараҭ Ҳаџьымбеи Даур Аршбеи. Даур Аршба ахантәаҩы актәи ихаҭыԥуаҩыс далхуп.
https://sputnik-abkhazia.info/20230329/apartia-asny-zhlar-rakzaara-aforum--aizara-du-maysit-aa---1044936071.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аполитика
Жәларбжьаратәи ашәарҭарақәеи аҩнуҵҟатәи аилибамкаарақәеи: Жәлар рфорум аҿы излацәажәоз
19:40 29.03.2023 (ирҿыцуп: 20:04 29.03.2023) Апартиа "Аԥсны Жәлар ракзаара афорум" аизара ду мҩаԥысит Аҟәа хәажәкыра 29 рзы.
Апартиа алахәылацәа аҳәамҭақәа ҟарҵеит аполитикатә, аекономикатә, асоциалтә усхкқәа рҟны Аԥсны иҟоу актуалтә проблемақәа ирызкны, ирыдыркылеит арезолиуциа, ишьақәдырӷәӷәеит аполитхеилак алахәылацәа, ахантәаҩы ихаҭыԥуаа ҿыцқәа алырхит.
Ажәа анамыгӡареи амчқәа реидҵареи
Аизара ду ааиртит апартиа ахантәаҩы Аслан Барцыц. Иара еизаз иргәалаиршәеит "Аԥсны Жәлар ракзаара афорум" есымша Аԥсназы ишәарҭаз аҭагылазаашьақәа ишрықәҿырҭуаз. Иахьатәи Аԥсны аиҳабыра ауаажәлар ргәы змырҭынчша ашьаҿақәа ҟарҵоит ҳәа иԥхьаӡоит иара.
Барцыц иажәақәа рыла, абар ԥшьышықәса ҵит атәыла анапхгара мап шацәыркуа ҳидеиа хада - ҳхьыԥшымра хыҵхырҭас иамоу амилаҭ-хақәиҭратә мҩеи аконституциатә шьаҭақәа рыламкьысреи.
"Аԥсны Жәлар ракзаара афорум" ахантәаҩы ҿыӷәӷәала иҳәоит иахьатәи Аԥсны анапхгара ишырҭаху аолигархиатә авторитартә мчра шьақәдыргыларц, Аконституциа аԥҟарақәа шеиларго, уи адагьы, алхрақәа раан ауаа зықәдыргәыӷуаз акгьы шыҟарымҵо, афымцамч аусхк аҟны иҟоу апроблемақәа шырмыӡбо, акоронавирус аналаҵәоз ицәырҵыз ауадаҩрақәа ишырзымиааиз, убри аан атәылауаа идырҳауа аԥара ишагхаз, убри аан афымцалашареи абылтәи рыхәқәа ишрыцлаз, жәларбжьаратәи ашәарҭарақәа рықәҿыҭра шрылымшо.
Апартиа "Аԥсуа милаҭтә еиҿкаара" ахаҭарнак Лаша Шамба иазгәеиҭеит адунеи аҿы ицәырҵуа ашәарҭарақәа раан ишаҭаху аидгылара, зыҩаӡара ҳараку аҿиарамҩахь ишиастәу.
Аизараҿы дықәгылеит Аԥсны уаанӡатәи ахада Рауль Ҳаџьымба. Иара иазгәеиҭеит иахьатәи аамҭазы иҿио агеополитикатә хҭысқәа раан Урыстәылеи ҳареи ҳаизыҟазаашьақәа ҳарӷәӷәалароуп, аха убри аан ҳхьыԥшымра аҵакы лаҳмырҟәыроуп, амилаҭтә интересқәа раԥхьа иҳаргылароуп.
"Урыстәыла ҳагәра ганы иҳацхраауанаҵы, иҳалшароуп ҳҳәынҭқарра ашьаҭақәа рырӷәӷәара. Абри инадҳәаланы иазгәасҭарц сҭахуп - ԥсахрак рмоуроуп ҳ-Конституциаҿы иарбоу аԥҟара хадақәа - ҳадгьыл, ҳбызшәа, ҳастатус", - иҳәеит иара.
Ҳаџьымба иазгәеиҭеит ҳҳәынҭқарра аиҭашьақәыргылара алшара анҳау нахыс ҳашрықәныҟәо адемократиатә принципқәа, убри азы аполитикатә процесс аҿы ицәырымҵыр залшо еиуеиԥшым азнеишьақәа, аимак-аиҿакқәа ҳәа.
"Аҳәынҭқарра аиҳабыреи аоппозициеи реиҿагылара ианакәызаалакгьы изызку аполитикатә, аекономикатә, асоциалтә ҭагылазаашьақәа рырцыхцыхра ауп. Хымԥада, арҭ амчрақәа рыбжьара зҵаарақәак рҿы рҳәоу еизааигәахар алшоит, аха дара рполитикатә дунеихәаԥшышьа ианакәызаалакгьы изеиқәшәаӡом. Аоппозициа еснагь иазыхиазароуп аҳәынҭқаррахь анеира, убри азы аоппозициа аҩнуҵҟа иҟазароуп аидыгалара, аҳәоуеиқәшәара, аизыӡырыҩра. Аиҳабыра рҿаԥхьа иқәшәыргыло азҵаарақәа ирымазароуп ҳауаажәлар рыдгылара, рыжәҩахыр. Ажәлар рхьаа шәара ишәхьаазароуп", - иҳәеит иара.
"Аԥсны Жәлар ракзаара афорум" Аизара ду аҟны аполитхеилак ахь иалхын 21-ҩык, ишьақәырӷәӷәан ахантәаҩы ихаҭыԥуаа – Ҳаџьараҭ Ҳаџьымбеи Даур Аршбеи. Даур Аршба ахантәаҩы актәи ихаҭыԥуаҩыс далхуп.
