Аракьыҽынтәи Аҭараҟа: иблыз ашкол аҵаҩцәа аҵарашықәс шхацдыркыз

Анапаҵаҩра
Хәажәкыра 23 рзы Аракьыҽытәи аерман школ амца акит. Очамчыра араион аҵара аҟәша аиҳабы Ҭемыр Гындиа иажәақәа рыла, иблыз ашкол аҿы аҵара рҵон 76-ҩык аҵаҩцәа, урҭ аҵарашықәс хдыркәшоит Аҭаратәи абжьаратә школ аҟны. Аҭаранӡа ҩ-километрак рҟынӡа ахьбжьоу ахәыҷқәа автобусла иргалоит. Автобуск аҭаратәи ашкол иатәуп, ҩба Аԥсны иҟоу аерман уаԥшь ирырҭеит.
Аҭаратәи абжьаратә школ адиректор Светлана Быҭәба иазгәалҭеит, Аракьыҽытәи аерман школ блит ҳәа шаараҳаз еиԥшцәҟьа арҵаҩратә еилазаара еилацәажәан ишырӡбыз дара рышкол аҟны аҵара процесс иацырҵартә еиԥш аҭагылазаашьа аԥҵара. Аҭаратәи абжьаратә школ иҭоуп 41-ы аҵаҩцәа.
Ажәабжьқәа зегьы
0