https://sputnik-abkhazia.info/20230406/gagra-araion-ma-kemping-any-ay-analiz-areit--1045070301.html
Гагра араион маҷ Кемпинг аҟны аӡы анализ ҟарҵеит
Гагра араион маҷ Кемпинг аҟны аӡы анализ ҟарҵеит
Sputnik Аҧсны
Гагра араион маҷ Кемпинг иаҵанакуа аҩнқәа руак ауааԥсыра аӡы афҩы бааԥси аԥшшәыԥсахреи азы ирзашшит. 06.04.2023, Sputnik Аҧсны
2023-04-06T10:21+0300
2023-04-06T10:21+0300
2023-04-06T18:16+0300
аԥсны
аԥсны
ажәабжьқәа
гагра араион
ауаажәларра
агәабзиара
https://cdnn1.img.sputnik-abkhazia.info/img/07e7/04/06/1045115483_0:160:3072:1888_1920x0_80_0_0_98b9d553647e3aa2c5160112a66cc35c.jpg
АҞӘА, мшаԥы 6 – Sputnik, Бадри Есиава. Гагра араион АЕС араион маҷ Кемпинг, Лакәаба имҩа аҿы игылоу аҩнеихагыла ду аҟны аӡы абактериологиа ҭырҵааит. Абри атәы Sputnik иазеиҭалҳәеит араион асанитартә ҳақьым хада Емине Иазычԥҳа. Асанитар-рбагатә флора – ари иааҳакәыршаны иҟоу аԥсабарахь инеиуа амикрофлора иаша иалахәылоу амикроцәеижь ауп. Анормақәа рышьҭыҵра ауаҩы изы ишәарҭоуп. Убри азоуп Иазычԥҳа абжьгара зрылҭаз – агәыхынҳәра, адатра, амгәахьаа реиԥш иҟоу аҭагылазаашьақәа зхы иадызбалаз зыԥшрада аҳақьымцәа рахь идҵааларц. Гагра араион ахада актәи ихаҭыԥуаҩ Адамыр Ҵышәба ишиҳәаз ала, ари аҩнахьы аӡы анашьҭра аанкылоуп. Иара игәаанагарала иҟоу ауадаҩра иажәхьоу аӡымҩангагақәа ирыдҳәалоуп. "Аҩнахьы инеиуа аӡымҩангага ажәхьеит, иҟалоит акылҵәарақәа амазар. Ҳгәаанагарала аӡы аныҟамыз аамҭазы ара инхо ауааԥсыра рӡыҭгагақәа аҿаркуан, ахыхьтә ӡқәа рыҩныҟақәа ироуан", - иҳәеит иара. Иԥсахтәны иҟоуп 80 метра иҟоу аӡымҩангага. Иара ааргараны иҟоуп мшаԥы 6 рзы, ахәаша аԥсахра ҳалагоит. "Аҩны ауааԥсыреи сареи ҳаиԥылеит. Дара аҭагылазаашьа еилыркааит. Абжьгарақәа раҳҭеит. Ҳҭагылазаашьа еилыркааит", - иҳәеит иара. Лакәаба имҩаҿтәи аҩнахьы аӡыржәтә наргоит. Шьыжьы инаркны хәлаанӡа аӡныҟәгага амашьына гылоуп.
https://sputnik-abkhazia.info/20230404/gagra-aes--kemping-araion-auaasyra-ryshshykhya-ryshakh-ay-garoit-1045028344.html
гагра араион
Sputnik Аҧсны
media@sputniknews.com
+74956456601
MIA „Rosiya Segodnya“
2023
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
аԥсны, ажәабжьқәа, гагра араион, ауаажәларра, агәабзиара
аԥсны, ажәабжьқәа, гагра араион, ауаажәларра, агәабзиара
Гагра араион маҷ Кемпинг аҟны аӡы анализ ҟарҵеит
10:21 06.04.2023 (ирҿыцуп: 18:16 06.04.2023) Гагра араион маҷ Кемпинг иаҵанакуа аҩнқәа руак ауааԥсыра аӡы афҩы бааԥси аԥшшәыԥсахреи азы ирзашшит.
АҞӘА, мшаԥы 6 – Sputnik, Бадри Есиава. Гагра араион АЕС араион маҷ Кемпинг, Лакәаба имҩа аҿы игылоу аҩнеихагыла ду аҟны аӡы абактериологиа ҭырҵааит. Абри атәы Sputnik иазеиҭалҳәеит араион асанитартә ҳақьым хада Емине Иазычԥҳа.
"Аӡы иадбалан анормақәа ирхыҳәҳәо асанитар-рбагатә флора. Асеиԥш иҟоу аӡы ажәра ауаҩы игәабзиара иазеицәоуп. Аца-рҳәарахтә ҿкырахь инанагар ҟалоит, агастроентерити аентероколити нацҵаны", - лҳәеит лара.
Асанитар-рбагатә флора – ари иааҳакәыршаны иҟоу аԥсабарахь инеиуа амикрофлора иаша иалахәылоу амикроцәеижь ауп. Анормақәа рышьҭыҵра ауаҩы изы ишәарҭоуп. Убри азоуп Иазычԥҳа абжьгара зрылҭаз – агәыхынҳәра, адатра, амгәахьаа реиԥш иҟоу аҭагылазаашьақәа зхы иадызбалаз зыԥшрада аҳақьымцәа рахь идҵааларц.
Гагра араион ахада актәи ихаҭыԥуаҩ Адамыр Ҵышәба ишиҳәаз ала, ари аҩнахьы аӡы анашьҭра аанкылоуп. Иара игәаанагарала иҟоу ауадаҩра иажәхьоу аӡымҩангагақәа ирыдҳәалоуп.
"Аҩнахьы инеиуа аӡымҩангага ажәхьеит, иҟалоит акылҵәарақәа амазар. Ҳгәаанагарала аӡы аныҟамыз аамҭазы ара инхо ауааԥсыра рӡыҭгагақәа аҿаркуан, ахыхьтә ӡқәа рыҩныҟақәа ироуан", - иҳәеит иара.
Иԥсахтәны иҟоуп 80 метра иҟоу аӡымҩангага. Иара ааргараны иҟоуп мшаԥы 6 рзы, ахәаша аԥсахра ҳалагоит.
"Аҩны ауааԥсыреи сареи ҳаиԥылеит. Дара аҭагылазаашьа еилыркааит. Абжьгарақәа раҳҭеит. Ҳҭагылазаашьа еилыркааит", - иҳәеит иара.
Лакәаба имҩаҿтәи аҩнахьы аӡыржәтә наргоит. Шьыжьы инаркны хәлаанӡа аӡныҟәгага амашьына гылоуп.
