Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥснынтәи Ҭырқәтәылаҟа агуманитартә цхыраара наргеит

© Foto / МЧС АбхазииДелегация из Абхазии в Турции
Делегация из Абхазии в Турции  - Sputnik Аҧсны, 1920, 14.04.2023
Анапаҵаҩра
Агуманитартә миссиа иалоуп Аԥсны Апарламент адепутатцәа Аслан Лакоба, Алхас Барцыц, Инар Гыцба, Аҭагылазаашьа ҷыдақәа рзы аминистр Лев Кәыҵниа.
АҞӘА, мшаԥы 14 - Sputnik. Аԥснынтәи агуманитартә цхыраара неит Ҭырқәтәыла адгьылҵысра ахьыҟалаз араионқәа рахь. Абри атәы и-Telegram-канал аҿы адырра ҟаиҵеит Аԥсны Жәлар Реизара адепутат Инар Гыцба.
"Ҳара ақалақь Каҳраманмарашь ҳаҟоуп, аброуп адгьылҵысра агәҭаҵәҟьа ахьыҟаз. Ҳгуманитартә миссиа абра ихыркәшахоит. Аԥсны еиҿкааз агуманитартә цхыраара Ҭырқәтәылатәи ареспублика аофициалтә мчқәа ирыҭахоит, хықәкыла Аҭагылазаашьа ҷыдақәеи урҭ раԥыхреи ирызку аминистрра аусбарҭа", - иҳәеит иара.
Адгьылҵысра ааха знаҭаз Шьамтәылеи Ҭырқәтәылеи рзы агуманитартә цхыраара аизгара хыркәшахеит Аԥсны хәажәкыра 17 рзы.
Згәы иалсыз Аԥсны ауааԥсыра 20 тонна аидара еизган, уи иалан аҽрыцқьагақәа, акыраамҭа ибжьымсуа афатә, аӡрыжәтә.
© Foto / МЧС АбхазииАԥснынтәи Ҭырқәтәылаҟа адгьылҵысра ахьыҟалаз араионқәа рахь агуманитартә цхыраара назгаз аделегациа.
Делегация из Абхазии в Турции  - Sputnik Аҧсны, 1920, 14.04.2023
Аԥснынтәи Ҭырқәтәылаҟа адгьылҵысра ахьыҟалаз араионқәа рахь агуманитартә цхыраара назгаз аделегациа.
Ҭырқәтәыла алада-мрагылара Каҳраманмарашь апровинциаҟны жәсааҭк рыбжьаны 7,7, 7,6 балл зымчхара ыҟаз адгьылҵысрақәа ҩба ҟалеит жәабран 6 рзы. Адгьылҵысра рнырит атәыла апровинциақәа 11, ааигәатәи аҳәынҭқаррақәа, Шьамтәыла назлоу.
Ҭырқәтәыла мацара иҭахаз 50 нызқьҩык иреиҳауп.
Аԥсны, егьырҭ атәылақәа жәпакы реиԥш, арыцҳара иақәшәаз ауаа ацхыраара рыҭара ишазыхиоу атәы аҳәеит. Жәлар Реизара Ҭырқәтәыла ацхрааразы шә-нызқь мааҭи Шьамтәылазы ҩышә нызқь мааҭи рзоужьра иазыразхеит. Иара убас ацхыраара ҟарҵеит Акультура аминистрреи ауаажәлар рыбжьара активистцәеи.
Ажәабжьқәа зегьы
0