Аҩӡба еиҭеиҳәеит аԥсадгьыл ахьчаҩцәа рбаҟақәа Гәдоуҭа араион аҟны ишеиҭашьақәдыргыло
Аҩӡба еиҭеиҳәеит аԥсадгьыл ахьчаҩцәа рбаҟақәа Гәдоуҭа араион аҟны ишеиҭашьақәдыргыло
Анапаҵаҩра
Цәыббра 30 нӡа Аԥсны Аџьынџьтәылатә еибашьраан иҭахаз рыхьӡала игылоу абаҟақәа дырҽеираны иҟоуп Гәдоуҭа араион аҟны. Аиҭашьақәыргылара, мамзаргьы арҽеира зҭаху абаҟақәа рхыԥхьаӡара ахьынӡанаӡо, ақыҭақәа рҟынтә азыҳәақәа араион ахадарахь инарышьҭхьоума, аусурақәа ирықәхарџьхо шышьақәыргылахо атәы арадио Sputnik аефир аҟны еиҭеиҳәеит Гәдоута араион ахада ихаҭыԥуаҩ Валери Аҩӡба.
"Ақалақь-фырхаҵа Гәдоуҭа, Афон ҿыц налаҵаны иахьазы 30 баҟа ыҟоуп ҳраион аҟны Аԥсны Аџьынџьтәылатә еибашьра иазку. Урҭ рахьынтә иахьазы ихымԥадатәны аиҭашьақәыргылара зҭаху абаҟақәа 25 ыҟоуп. Аҳәынҭқарратә комиссиа аилазаараҿы иҟоуп араионқәа рхадацәагьы, макьаназы шаҟа рықәхарџьхо абаҟақәа шьақәырӷәӷәаӡам. Иахьазы аекспертизахь идәықәҵоуп ахәԥса аӡбаразы Анхәа, Приморск, Бармышь иҟоу абаҟақәа. Ақыҭақәа Аҷандара, Мҵара рхадацәа араион ахадарахь арзаҳал аарышьҭуеит, анаҩс архитектор, аргылаҩцәа цаны аиҭашьақәыргыларазы иаҭаху апроект еиқәдыыршәоит, нас Аҟәаҟәа иҳашьҭуеит, уа аекспертиза иахысуеит. Ахәԥсақәа иахьазы ишьақәыргылаӡам, аха агәра ганы сыҟоуп Сентиабр 30 нӡа ҳраион аҟны ҳамч зықәхоны иҟоу, хымԥада, ишеиҭашьақәыргылахо", - иҳәеит Аҩӡба.
Аицәажәара инеиҵыхны ишәаҳар шәылшоит аудиофаил аҟны.
