https://sputnik-abkhazia.info/20230422/asny-mchybzhyk-anua-40-maining-kharkhagaa-rylgoup-1045395631.html

Аԥсны мчыбжьык аҩнуҵҟа 40 маининг хархәагақәа рылгоуп

Аԥсны мчыбжьык аҩнуҵҟа 40 маининг хархәагақәа рылгоуп

Sputnik Аҧсны

Жәабран 5 инаркны мшаԥы 20 рҟынӡа, азинхьчаратә усбарҭақәеи "Амшынеиқәафымцамчи" русзуҩцәа 832 хыбра еимырдааит, иааизакны 1629 маининг хархәагақәа ԥшааны... 22.04.2023, Sputnik Аҧсны

2023-04-22T09:15+0300

2023-04-22T09:15+0300

2023-04-22T10:28+0300

аԥсны

ажәабжьқәа

аԥсны аенергетика апроблемақәа

аԥсны амаинингтә фермақәа раҿыхра

https://cdnn1.img.sputnik-abkhazia.info/img/07e4/09/17/1030987992_0:202:3072:1930_1920x0_80_0_0_ab97bd6629fc40b47d5e006bc7ec7b29.jpg

АҞӘА, мшаԥы 22 - Sputnik. Аԥсны мчыбжьык аҩнуҵҟа 40 маининг хархәагақәа ԥшааны ирылыргеит ҳәа аанацҳауеит ААР апресс-маҵзура.Очамчыра ақалақь аҟны иԥшааны ирымырхит аус зуаз 37 маининг хархәагақәа, ҩба - Гагра, акы - Аҟәа.Иара убасгьы агәаҭарақәа мҩаԥганы Тҟәарчал араион Речхә, Ӷәымрышь, Уақәым ақыҭақәа рҟны. Аҟәа араион ақыҭақәа - Гәымсҭа, Баслаҭа, Ешыра. Гәылрыԥшь араион Маҷареи Мархьаул ақыҭеи рыҟны. Араҟа аус зуаз амаинингқәа ҳәа акагьы ыҟаӡам.Жәабран 6 2023 шықәсазы атәылаҟны иаԥҵан закәаншьаҭада акриптовалиута арҳара аԥырҟәҟәааразы Ареспубликатә штаб. Уи напхгара аиҭоит аԥыза-министр Александр Анқәаб. Ари аамҭа иалагӡаны Аҳәынҭстандарт, ААР, АШәМ русзуҩцәа атәыла аҩнуҵҟа ирылыргахьеит 1600 маининг хархәагақәа. Уи анаҩсгьы, "Амшынеиқәафымцамч" аусзуҩцәеи дареи зинда атрансформаторқәа ахьықәгылоу иаҿырхуеит.

2023

Ажәабжьқәа

ab_AB

ажәабжьқәа, аԥсны аенергетика апроблемақәа, аԥсны амаинингтә фермақәа раҿыхра