https://sputnik-abkhazia.info/20230425/adygaa-rbira-amsh-azgareit-aa-1045458509.html
Адыгақәа рбираҟ амш азгәарҭеит Аҟәа
Адыгақәа рбираҟ амш азгәарҭеит Аҟәа
Sputnik Аҧсны
Раԥхьаӡа акәны Аԥсны Ачерқьесцәа рбираҟ амш азгәаҭан 2016 шықәса рзы. Иара амш азгәаҭара иалагеит 2010 шықәса рзы. 25.04.2023, Sputnik Аҧсны
2023-04-25T21:34+0300
2023-04-25T21:34+0300
2023-04-30T21:55+0300
аԥсны
аԥсны
ажәабжьқәа
кавказ
акультура
аспорт
https://cdnn1.img.sputnik-abkhazia.info/img/07e7/04/19/1045455002_0:85:1620:996_1920x0_80_0_0_a44cb89c70c3e0debe3cd50ca7c98d2a.jpg
АҞӘА, мшаԥы 25 – Sputnik. Аҿари аспорти русқәа рзы Аҳәынҭеилакы аԥшгьарала Адыгақәа рбираҟ амш азгәарҭеит Аҟәа.Ашьыжь, аҿари аспорти русқәа рзы Аҳәынҭеилакы ахаҭарнакцәеи, адыга диаспореи, ауаажәларратә еиҿкаара "Адыгэ Хасэ" анапхгареи, аҿартә хеилакқәеи Гәдоуҭа араион Бармышь ақыҭан игылоу адыга-аԥсуа аешьаратә баҟа аҿаԥхьа ашәҭқәа шьҭарҵеит.Уи ашьҭахь Амҳаџьырқәа рыԥшаҳәаҿы ахыци ахәымпали рыла ахысразы аицлабра мҩаԥган. 6-10 шықәса зхыҵуа аспортсменцәа рыбжьара актәи аҭыԥ игеит Шамиль Киут, аҩбатәи- Маркел Чкадуа, ахԥатәи- Рамиль Гәынба.11-16 шықәса зхыҵуа аспортсменцәа рыбжьара актәи аҭыԥ игеит Нестор Кәыҵниа, аҩбатәи- Самир Гәниа, ахԥатәи- Ераст Антелаа.Ахәылбыҽха Аԥсуа драматә театр аҿаԥхьа адыгакәашарақәа мҩаԥысит.1830 шықәсазы Ачерқьес милаҭтә еизараҟны ишьақәырӷәӷәан ачерқьестә бираҟ. Ари абираҟ – адунеи иалаԥсоу адыга жәлар еидызкыло символуп. Иара иаҵагылан ауп Аԥсны Аџьынџьтәылатә еибашьра ианалага хатәгәаԥхарала арахь ишааз ҳашьцәагьы.Адыгеиа аҳәынҭқарратә бираҟ зкәакьҭа иашоу аиаҵәаҧшшәы змоу асахьа амоуп, уаҟа иарбоуп аиаҵәақәа 12, зыхҿа хыхьҟа иҧшуа еихдоу ахьтәы хыцқәа хҧа.Аиаҵәақәа 12 адыга (ачерқьес) хылҵшьҭрақәа 12 ирхаҿроуп, ахыцқәа 3 ижәытәӡатәиу адыга ҭауадшьҭра иадыргоуп. Еихдоу ахыцқәа хҧа иаадырҧшуеит акзаара. Аиаҵәаҧшшәы аҧсҭазаара иасимволуп, иара убас атәыла аҧсабара аҷыдарақәа ируакуп, 40% инарзынаҧшуа адгьылҵакыра бнара ҭыԥуп.Аш иара убас адыгақәеи(ачерқьесқәеи) зегьы ирмилаҭтә бираҟны иҧхьаӡоуп, ҳааамҭазы ҵакырадгьылла еиҩшоу аҟабардақәеи, адыгақәеи, ачерқьесқәеи, ашаԥсыӷқәеи, адыга (ачерқьес) диаспорақәеи ҳәа.Раԥхьаӡа акәны Аԥсны Ачерқьесцәа рбираҟ амш азгәаҭан 2016 шықәса рзы. Иара амш азгәаҭара иалагеит 2010 шықәса рзы. Адыгатәыла, Ҟабарда-Балкариа, Ҟарачы-Черқьесск ари амш инарҭбааны традициак аҳасабала иазгәарҭоит.Иара убасгьы ари амш азгәарҭоит ачерқьесцәа ахьынхо атәылақәа 50 рҟны. Адыгатәыла аҳәынҭқарратә бираҟ 1992 шықәса рзы ҳәынҭқарратә бираҟк аҳасабала ишьақәырӷәӷәан.
https://sputnik-abkhazia.info/20230425/azlatsazhasha-amoup-aynal-asuaai-adyga-zhlari-reimadarei-reibabarei-iryzkny--1045445231.html
Sputnik Аҧсны
media@sputniknews.com
+74956456601
MIA „Rosiya Segodnya“
2023
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
аԥсны, ажәабжьқәа, кавказ, акультура, аспорт
аԥсны, ажәабжьқәа, кавказ, акультура, аспорт
Адыгақәа рбираҟ амш азгәарҭеит Аҟәа
21:34 25.04.2023 (ирҿыцуп: 21:55 30.04.2023) Раԥхьаӡа акәны Аԥсны Ачерқьесцәа рбираҟ амш азгәаҭан 2016 шықәса рзы. Иара амш азгәаҭара иалагеит 2010 шықәса рзы.
АҞӘА, мшаԥы 25 – Sputnik. Аҿари аспорти русқәа рзы Аҳәынҭеилакы аԥшгьарала Адыгақәа рбираҟ амш азгәарҭеит Аҟәа.
Ашьыжь, аҿари аспорти русқәа рзы Аҳәынҭеилакы ахаҭарнакцәеи, адыга диаспореи, ауаажәларратә еиҿкаара "Адыгэ Хасэ" анапхгареи, аҿартә хеилакқәеи Гәдоуҭа араион Бармышь ақыҭан игылоу адыга-аԥсуа аешьаратә баҟа аҿаԥхьа ашәҭқәа шьҭарҵеит.
Уи ашьҭахь Амҳаџьырқәа рыԥшаҳәаҿы ахыци ахәымпали рыла ахысразы аицлабра мҩаԥган. 6-10 шықәса зхыҵуа аспортсменцәа рыбжьара актәи аҭыԥ игеит Шамиль Киут, аҩбатәи- Маркел Чкадуа, ахԥатәи- Рамиль Гәынба.
11-16 шықәса зхыҵуа аспортсменцәа рыбжьара актәи аҭыԥ игеит Нестор Кәыҵниа, аҩбатәи- Самир Гәниа, ахԥатәи- Ераст Антелаа.
Ахәылбыҽха Аԥсуа драматә театр аҿаԥхьа адыгакәашарақәа мҩаԥысит.
1830 шықәсазы Ачерқьес милаҭтә еизараҟны ишьақәырӷәӷәан ачерқьестә бираҟ. Ари абираҟ – адунеи иалаԥсоу адыга жәлар еидызкыло символуп. Иара иаҵагылан ауп Аԥсны Аџьынџьтәылатә еибашьра ианалага хатәгәаԥхарала арахь ишааз ҳашьцәагьы.
Адыгеиа аҳәынҭқарратә бираҟ зкәакьҭа иашоу аиаҵәаҧшшәы змоу асахьа амоуп, уаҟа иарбоуп аиаҵәақәа 12, зыхҿа хыхьҟа иҧшуа еихдоу ахьтәы хыцқәа хҧа.
Аиаҵәақәа 12 адыга (ачерқьес) хылҵшьҭрақәа 12 ирхаҿроуп, ахыцқәа 3 ижәытәӡатәиу адыга ҭауадшьҭра иадыргоуп. Еихдоу ахыцқәа хҧа иаадырҧшуеит акзаара. Аиаҵәаҧшшәы аҧсҭазаара иасимволуп, иара убас атәыла аҧсабара аҷыдарақәа ируакуп, 40% инарзынаҧшуа адгьылҵакыра бнара ҭыԥуп.
Аш иара убас адыгақәеи(ачерқьесқәеи) зегьы ирмилаҭтә бираҟны иҧхьаӡоуп, ҳааамҭазы ҵакырадгьылла еиҩшоу аҟабардақәеи, адыгақәеи, ачерқьесқәеи, ашаԥсыӷқәеи, адыга (ачерқьес) диаспорақәеи ҳәа.
Раԥхьаӡа акәны Аԥсны Ачерқьесцәа рбираҟ амш азгәаҭан 2016 шықәса рзы. Иара амш азгәаҭара иалагеит 2010 шықәса рзы. Адыгатәыла, Ҟабарда-Балкариа, Ҟарачы-Черқьесск ари амш инарҭбааны традициак аҳасабала иазгәарҭоит.Иара убасгьы ари амш азгәарҭоит ачерқьесцәа ахьынхо атәылақәа 50 рҟны. Адыгатәыла аҳәынҭқарратә бираҟ 1992 шықәса рзы ҳәынҭқарратә бираҟк аҳасабала ишьақәырӷәӷәан.
