https://sputnik-abkhazia.info/20230426/ainternet-mtsatsa-rsait-arsheia-irylasheit-gagrati-sasaairak--1045476319.html
Аинтернет-мцҳәаҩцәа рсаит ԥаршеиқәа ирылашәеит Гагратәи сасааирҭак
Аинтернет-мцҳәаҩцәа рсаит ԥаршеиқәа ирылашәеит Гагратәи сасааирҭак
Sputnik Аҧсны
Абжьаратә ԥхьаӡарала амцҳәаҩцәа иҟамыз 20 путиовка рҭиит, иааизакны 500 000 мааҭ рыхә. 26.04.2023, Sputnik Аҧсны
2023-04-26T17:15+0300
2023-04-26T17:15+0300
2023-04-26T17:28+0300
аԥсны
аԥсны
ажәабжьқәа
аԥсшьара
https://cdnn1.img.sputnik-abkhazia.info/img/07e5/09/0e/1033208706_0:135:2601:1598_1920x0_80_0_0_c687c547b07dfce98b7d41d1c1691b6f.jpg
АҞӘА, мшаԥы 26 – Sputnik, Бадри Есиава. Гагра сасааирҭак иҟам апутиовкақәа зҭиуаз аинтернет-мцҳәаҩцәа ирԥыхьашәеит ҳәа Sputnik иазеиҭалҳәеит асасааирҭа аԥшәма Ирина Хышԥҳа. Хышԥҳа илымоу аинформациала, иахьазы амцҳәаҩцәа 20 путиовка рҭихьеит, 500 000 мааҭ рыхә. Асасааирҭа аԥшәмацәа хықәкыла ирыдҵаалахьеит ижьоу аахәаҩцәа, 19 нызқь инаркны 90 нызқь мааҭ рҟынӡа аԥсшьара ахә ахызшәаахьоу. "Мшаԥы 1 азы 19 000 мааҭ зшәаз ауаа ҳзааит. Уажәы инхоит 26 000 мааҭ зшәаз. Дара амилициа рахь ашәҟәы аларҵеит. Ҳәарада ҳаргьы Аԥсны атуризм аминистрреи Аҩнуҵҟатәи аусқәа иаку ринформациа-еиҿкааратә Центри рахь ҳашшит", - ҳәа лҳәеит Хышԥҳа. Атуризм аминистрра аимиџьтә политикеи аинформациатә мҩангареи рыҟәша аиҳабы Оксаны Табаӷәуаԥҳа ишылҳәаз ала, аусбарҭа ари ахҭыс ахаҵгылара анаҭахьеит, Аԥсны ААР ахь аофициалтә шәҟәы нанашьҭит, адипломатиатә каналқәа рыла Роскомнадзор ахьгьы. Убри аан, лара илҳәеит асаит аркра апроцесс аамҭа рацәа шаҭаху – азинхьчаратә усбарҭақәа иҭырҵаар шакәу, аинформациа шеизгатәу, аԥхасҭа зауз рҿахәы рҳәар шаҭаххо. Табаӷәуаԥҳа абжьгара ҟалҵеит Аԥсны асасцәа апутиовкақәа аархәаанӡа асаитқәеи асасааирҭақәеи ҭырҵааларц. Усеиԥш алшара ыҟоуп Атуризм аминистрра асаит, анхарҭа ҭыԥқәа рышәҟәынҵа аҟәшаҿы. "Иара убасгьы уахи-ҽни аус ауеит ацәаҳәа ҷыда аҭел: 8-800-505-42-40. Ҳара еснагь аҭел шьҭаҳхуеит, азҵаарақәа рҭак ҟаҳҵоит, аинформациа раҳҭоит, ашәҟәынҵаҿы асасааирҭақәа еиҿҳарԥшуеит. Иҟалалоит аргылара анҿыцу ашәҟәынҵа аҭагалара иахьымӡацзар. Усҟан хаҭала иԥшааны азҵаарақәа рҭакқәа шьақәҳаргылоит. Аинформациа иазҵаауа ираҳҭоит", - ҳәа лҳәеит лара. Асаит ҿыцқәа рцәырҵра узаԥырҟәҟәаауам ҳәа лҳәеит Табаӷәуаԥҳа. Амцҳәаҩцәа иржьаз ирабжьылгоит хымԥада иахьынхо азинхьчаратә усбарҭақәа ирыдҵааларц, аԥара шыршәаз азы аршаҳаҭгақәа адырбарц. Аԥснытәи асасааирҭақәа рыԥшәмацәа ирабжьылгеит аминистрреи дареи аимадара рыбжьазарц, асаит азы аинформациа рырҭаларц. 2023 шықәсазы абри аусхк аҿы ҩынтәны абри аҩыза аҭагылазаашаьқәа аҭыԥ рыман. Шықәсык аԥхьа х-саитк раркра рылдыршахьан.
https://sputnik-abkhazia.info/20230412/asny-aturizm-aministrray-eiareit-amtsatsa-ayrtsykhchara-shaakhu-aty-1045219905.html
https://sputnik-abkhazia.info/20230423/asnya-auaa-sshara-iaar-rakhup-30-ryla-eiany-ykh-aasa-1045408177.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа, аԥсшьара
аԥсны, ажәабжьқәа, аԥсшьара
Аинтернет-мцҳәаҩцәа рсаит ԥаршеиқәа ирылашәеит Гагратәи сасааирҭак
17:15 26.04.2023 (ирҿыцуп: 17:28 26.04.2023) Абжьаратә ԥхьаӡарала амцҳәаҩцәа иҟамыз 20 путиовка рҭиит, иааизакны 500 000 мааҭ рыхә.
АҞӘА, мшаԥы 26 – Sputnik, Бадри Есиава. Гагра сасааирҭак иҟам апутиовкақәа зҭиуаз аинтернет-мцҳәаҩцәа ирԥыхьашәеит ҳәа Sputnik иазеиҭалҳәеит асасааирҭа аԥшәма Ирина Хышԥҳа.
"Уаанӡа асасааирҭа "Триглит" ахьӡын. Уажәы аиҭашьақәыргыларатә усурақәа ахыркәшарахь инеиуеит, макьана иаҳмыӡбӡацт иаҳҭо ахьӡ ҿыцгьы. Мызқәак раԥхьа ицәырҵит асаит "Триглит" афотосахьақәа ацны. Дара апутиовкақәа рҭиуеит, акрыфарҭа ыҟоушәа адырбоит, ишҳамамгьы. Апутиовкақәа рыхә 30% иагдырхоит", –лҳәеит лара.
Хышԥҳа илымоу аинформациала, иахьазы амцҳәаҩцәа 20 путиовка рҭихьеит, 500 000 мааҭ рыхә.
Асасааирҭа аԥшәмацәа хықәкыла ирыдҵаалахьеит ижьоу аахәаҩцәа, 19 нызқь инаркны 90 нызқь мааҭ рҟынӡа аԥсшьара ахә ахызшәаахьоу.
"Мшаԥы 1 азы 19 000 мааҭ зшәаз ауаа ҳзааит. Уажәы инхоит 26 000 мааҭ зшәаз. Дара амилициа рахь ашәҟәы аларҵеит. Ҳәарада ҳаргьы Аԥсны атуризм аминистрреи Аҩнуҵҟатәи аусқәа иаку ринформациа-еиҿкааратә Центри рахь ҳашшит", - ҳәа лҳәеит Хышԥҳа.
Атуризм аминистрра аимиџьтә политикеи аинформациатә мҩангареи рыҟәша аиҳабы Оксаны Табаӷәуаԥҳа ишылҳәаз ала, аусбарҭа ари ахҭыс ахаҵгылара анаҭахьеит, Аԥсны ААР ахь аофициалтә шәҟәы нанашьҭит, адипломатиатә каналқәа рыла Роскомнадзор ахьгьы.
Убри аан, лара илҳәеит асаит аркра апроцесс аамҭа рацәа шаҭаху – азинхьчаратә усбарҭақәа иҭырҵаар шакәу, аинформациа шеизгатәу, аԥхасҭа зауз рҿахәы рҳәар шаҭаххо.
Табаӷәуаԥҳа абжьгара ҟалҵеит Аԥсны асасцәа апутиовкақәа аархәаанӡа асаитқәеи асасааирҭақәеи ҭырҵааларц. Усеиԥш алшара ыҟоуп Атуризм аминистрра асаит, анхарҭа ҭыԥқәа рышәҟәынҵа аҟәшаҿы.
"Иара убасгьы уахи-ҽни аус ауеит ацәаҳәа ҷыда аҭел: 8-800-505-42-40. Ҳара еснагь аҭел шьҭаҳхуеит, азҵаарақәа рҭак ҟаҳҵоит, аинформациа раҳҭоит, ашәҟәынҵаҿы асасааирҭақәа еиҿҳарԥшуеит. Иҟалалоит аргылара анҿыцу ашәҟәынҵа аҭагалара иахьымӡацзар. Усҟан хаҭала иԥшааны азҵаарақәа рҭакқәа шьақәҳаргылоит. Аинформациа иазҵаауа ираҳҭоит", - ҳәа лҳәеит лара.
Асаит ҿыцқәа рцәырҵра узаԥырҟәҟәаауам ҳәа лҳәеит Табаӷәуаԥҳа. Амцҳәаҩцәа иржьаз ирабжьылгоит хымԥада иахьынхо азинхьчаратә усбарҭақәа ирыдҵааларц, аԥара шыршәаз азы аршаҳаҭгақәа адырбарц. Аԥснытәи асасааирҭақәа рыԥшәмацәа ирабжьылгеит аминистрреи дареи аимадара рыбжьазарц, асаит азы аинформациа рырҭаларц.
2023 шықәсазы абри аусхк аҿы ҩынтәны абри аҩыза аҭагылазаашаьқәа аҭыԥ рыман. Шықәсык аԥхьа х-саитк раркра рылдыршахьан.
