Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

"Аԥсныргылара" Аҟәатәи апантеон аҿы арҽеиратә усурақәа хнаркәшеит

© SputnikСухумский пантеон приводят в порядок
Сухумский пантеон приводят в порядок - Sputnik Аҧсны, 1920, 12.05.2023
Анапаҵаҩра
Аҟәатәи ашьхаҿы иҟоу аԥсуа шәҟәыҩҩцәеи ауаажәларратә усзуҩцәеи рпантеон аҟны аремонттә усурақәа ирылагеит 2022 шықәса жьҭаарамзазы.
АҞӘА, лаҵара 12 - Sputnik. Аҟәатәи ашьхаҿы иҟоу аԥсуа шәҟәыҩҩцәеи ауаажәларратә усзуҩцәеи рпантеон аҟны аремонттә усурақәа хдыркәшеит. Абри атәы радио Sputnik иазеиҭеиҳәеит аилахәыра "Аԥсныргылара" адиректор хада Руслан Тәанба.
Иара иажәақәа рыла, уаҟа арыцқьаратә усурақәа мҩаԥгоуп, 400 метра иҟоу аанда ҟаҵоуп, 14 баҟа ықәыргылоуп, анышәыҭра-кәыршақәа шәуп.
Уи адагьы апантеон ахь инагоуп аӡи афымцалашареи. Апантеон иааиԥмырҟьаӡакәа фымцалашарала аиқәыршәаразы атрансформатор ҿыц аахәоуп, аҟарулцәа рзы аҩны ргылоуп, авидеогәаҭагақәа ықәыргылоуп.
Аусурақәа аа-миллионк инареиҳаны ирзоужьын. Апантеон ахаҭа ақалақь ахадара абаланс иаҭоуп.
Тәанба Аҟәатәи апантеон азы: уахьынаԥшы-ааԥшуа угәы иахәаратәы иҟалеит - Sputnik Аҧсны, 1920, 11.05.2023
Арадио
Тәанба Аҟәатәи апантеон азы: уахьынаԥшы-ааԥшуа угәы иахәаратәы иҟалеит
Аҟәатәи ашьхаҿы атәыла иналукааша ауаажәларратә усзуҩцәеи ашәҟәыҩҩцәеи рпантеон аартра аидеиа цәырҵит 1959 шықәса рзы апоет Алықьса Лашәриа иԥсҭазаара даналҵ, аха иара аартра алыршахеит 1965 шықәса рзы. Раԥхьа ара анышә дамардеит Гәылрыԥшь араион апартиа актәи амаӡаныҟәгаҩ Григори Ԥлиа.
Апантеон аҿы анышә иамадоуп еицырдыруа ареспублика ауааԥсыра: ашәҟәыҩҩцәа Қьаазым Агәмаа, Иван Ҭарба, актриса Минадора Зыхәԥҳа, актиор Шәарах Ԥачалиа, аҵарауаҩ Михаил Ҭраԥшь уҳәа ирацәаҩны.
Ажәабжьқәа зегьы
0