https://sputnik-abkhazia.info/20230514/1045796855.html
Амилаҭ ԥхьагылаҩ: Владислав Арӡынба илашоу иԥсҭазаара аамҭақәа рҟынтәи
Амилаҭ ԥхьагылаҩ: Владислав Арӡынба илашоу иԥсҭазаара аамҭақәа рҟынтәи
Sputnik Аҧсны
Аԥсны раԥхьатәи ахада, Аԥсны Афырхаҵа, "Ахьӡ-аԥша" I аҩаӡара аорден занашьоу Владислав Григори-иԥа Арӡынба иԥсы ҭаны ижәлар дрылагылазҭгьы иахьа ихыҵуазаарын... 14.05.2023, Sputnik Аҧсны
2023-05-14T17:33+0300
2023-05-14T17:33+0300
2023-05-14T19:20+0300
афотосахьақәа
аԥсны
https://cdnn1.img.sputnik-abkhazia.info/img/102393/69/1023936942_0:0:1025:577_1920x0_80_0_0_3637bbd7c186a8e3692f6907bcf653d8.jpg
Аԥсны аҭоурых аҟны Владислав Арӡынба аҭыԥ ҷыда ааникылоит. Аҵарауаҩ ду, мрагылараҭҵаара знапы алакыз насҭха дымгылеит ижәлар ахьыԥшымра ианазықәԥоз аамҭазы.Иара аполитика ду ахь дааит 80-тәи ашықәсқәа рынҵәамҭазы, 1990 шықәсазы Аԥсны Иреиҳаӡоу Асовет Ахантәаҩыс далырхоит.Аԥсны Аџьынџьтәылатә еибашьраан Владислав Арӡынба атәыла Арбџьармчқәа рхадараҿы дгылеит, ижәлар ражәеи рыгәрагареи иманы. Уи иабзоураны аӷа ҳаԥсадгьыл дықәцаны иган аиааира.Абҵара 26 1994 шықәсазы Владислав Арӡынба раԥхьаӡа акәны Аԥсны ахадас далхын, 1999 шықәса жьҭаара 3 рзы аҩынтә раан Аԥсны ахадас жәлар рыбжьыҭарала деиҭалхын.
Sputnik Аҧсны
media@sputniknews.com
+74956456601
MIA „Rosiya Segodnya“
2023
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
фото, афотосахьақәа
Амилаҭ ԥхьагылаҩ: Владислав Арӡынба илашоу иԥсҭазаара аамҭақәа рҟынтәи
17:33 14.05.2023 (ирҿыцуп: 19:20 14.05.2023) Аԥсны раԥхьатәи ахада, Аԥсны Афырхаҵа, "Ахьӡ-аԥша" I аҩаӡара аорден занашьоу Владислав Григори-иԥа Арӡынба иԥсы ҭаны ижәлар дрылагылазҭгьы иахьа ихыҵуазаарын 78 шықәса.
Аԥсны аҭоурых аҟны Владислав Арӡынба аҭыԥ ҷыда ааникылоит. Аҵарауаҩ ду, мрагылараҭҵаара знапы алакыз насҭха дымгылеит ижәлар ахьыԥшымра ианазықәԥоз аамҭазы.
Иара аполитика ду ахь дааит 80-тәи ашықәсқәа рынҵәамҭазы, 1990 шықәсазы Аԥсны Иреиҳаӡоу Асовет Ахантәаҩыс далырхоит.
Аԥсны Аџьынџьтәылатә еибашьраан Владислав Арӡынба атәыла Арбџьармчқәа рхадараҿы дгылеит, ижәлар ражәеи рыгәрагареи иманы. Уи иабзоураны аӷа ҳаԥсадгьыл дықәцаны иган аиааира.
Абҵара 26 1994 шықәсазы Владислав Арӡынба раԥхьаӡа акәны Аԥсны ахадас далхын, 1999 шықәса жьҭаара 3 рзы аҩынтә раан Аԥсны ахадас жәлар рыбжьыҭарала деиҭалхын.
Аԥсны раԥхьатәи ахада Владислав Григори-иԥа Арӡынба иԥсы ҭаны ижәлар дрылагылазҭгьы иахьа, лаҵара 14 рзы ихыҵуазаарын 78 шықәса.
Владислав Арӡынба диит Аҟәа араион Алада Ешыра ақыҭан 1945 шықәсазы. Афото аҟны иара хәышықәса ихыҵуеит.
В. Арӡынба ихәыҷрашықәсқәа зегьы иқыҭа гәаҟьа Ешыра ихигеит. Иаб Григори Константин-иԥа Арӡынба шықәсы рацәала ашкол аҟны аҭоурых риҭон, ашкол аҵара аҟәша деиҳабын. Иан Надежда Шьабан-иԥҳа Иазычба ашкол аҟны усеилыргаҩыс дыҟан.
Владислав Арӡынба Алада Ешыра иҩны ашҭаҿы.
Владислав Арӡынба – еицырдыруа аҵарауаҩ ду, аҭоурыхҭҵааҩ, инапы алакын ажәытәӡан Азиа Маҷ иқәынхоз ажәларқәа рҭоурых аҭҵаара.
1969-1988 шш. рзын Асовет Еидгыла Аҭҵаарадыррақәа ракадемиа иатәыз Мрагылараҭҵаара аинститут аҿы аус иуан. Ажәытәӡан Азиа Маҷ иқәынхоз ажәларқәа рҭоурыхи, ркультуреи, рхаҵарақәеи ҭиҵаауан.
Владислав Арӡынба аполитика ду ахь дааит Аԥсны амилаҭ-хақәиҭратә қәԥара анеилашуаз, 80-тәи ашықәсқәа рынҵәамҭазы.
1988 шықәса инаркны 1996 шықәсанӡа Д.И. Гәлиа ихьӡ зху Аԥсуа бызшәеи, алитературеи, аҭоурыхи ринститут аиҳабыс дыҟан.
Ҭырқәтәыла иҟоу аԥсуаа ҳхылҵшьҭрақәа рԥылараан.
Владислав Арӡынбеи иԥшәмаԥҳәыс Светлана Џьергьениаԥҳаи рыԥҳа Мадина Арӡынԥҳаи.
1990 шықәсазы Владислав Арӡынба Аԥсны Иреиҳаӡоу Асовет Ахантәаҩыс далырхуеит. Аԥсны Аџьынџьтәылатә еибашьраан Владислав Арӡынба Атәыла Арбџьармчқәа рхадараҿы дгылеит.
Адунеизегьтәи аԥсуа-абаза жәлар актәи аконгресс аҟны В. Арӡынба икәгылара. Лыхны жьҭаарамза 1992 шықәса.
!["Ҳарҭ аибашьра ҳаларгалеит. Ҳрымпыҵархаларц, ҳақәырхырц рыӡбеит. Аха ҳара ҳажәлар аиашара иазықәԥон, иагьаиааит Ҳаԥсадгьыл ҳанызхырц зҭахыз, ҳҳәынҭқарра ашьҭамҭа ыҟамкәа иқәызхырц иашьҭаз рҿаԥхьа. Иԥшьоу ари ахеиқәырхаратә еибашьраҿы рыжәҩахыр ҳадыркылеит Аҩада Кавказ, Алада Урыстәыла иқәынхо ҳаиашьаратә жәларқәа, убасгьы аиашара ҳацрыхьчаразы иааз зыламыс ӷәӷәоу ауаа зегьы!" – Владислав Арӡынба. - Sputnik Аҧсны](https://cdnn1.img.sputnik-abkhazia.info/img/07e7/05/0e/1045799570_0:0:1198:1198_600x0_80_0_1_30e4fe7f23cee860b3a86dba1dd401dd.jpg ""Ҳарҭ аибашьра ҳаларгалеит. Ҳрымпыҵархаларц, ҳақәырхырц рыӡбеит. Аха ҳара ҳажәлар аиашара иазықәԥон, иагьаиааит Ҳаԥсадгьыл ҳанызхырц зҭахыз, ҳҳәынҭқарра ашьҭамҭа ыҟамкәа иқәызхырц иашьҭаз рҿаԥхьа. Иԥшьоу ари ахеиқәырхаратә еибашьраҿы рыжәҩахыр ҳадыркылеит Аҩада Кавказ, Алада Урыстәыла иқәынхо ҳаиашьаратә жәларқәа, убасгьы аиашара ҳацрыхьчаразы иааз зыламыс ӷәӷәоу ауаа зегьы!" – Владислав Арӡынба.")
"Ҳарҭ аибашьра ҳаларгалеит. Ҳрымпыҵархаларц, ҳақәырхырц рыӡбеит. Аха ҳара ҳажәлар аиашара иазықәԥон, иагьаиааит Ҳаԥсадгьыл ҳанызхырц зҭахыз, ҳҳәынҭқарра ашьҭамҭа ыҟамкәа иқәызхырц иашьҭаз рҿаԥхьа. Иԥшьоу ари ахеиқәырхаратә еибашьраҿы рыжәҩахыр ҳадыркылеит Аҩада Кавказ, Алада Урыстәыла иқәынхо ҳаиашьаратә жәларқәа, убасгьы аиашара ҳацрыхьчаразы иааз зыламыс ӷәӷәоу ауаа зегьы!" – Владислав Арӡынба.
Владислав Арӡынба урыстәылатәи абжьаҟазаратә мчқәа рыдҵаҟаҵаҩцәа рԥылараан.
Владислав Арӡынба Қырҭтәыла ахада Едуард Шеварднаӡе иԥыларан. Қарҭ нанҳәа 14, 1997 шықәса.
![Аԥсны раԥхьатәи ахада Владислав Арӡынба, Аԥсны Аиашахаҵаратә уахәама ахада, усҟантәи аамҭазы Симан Канатәи аныхабаа ахылаԥшҩы аб Басариан (Аԥлиа), урыстәылатәи аҵарауаҩ, ателедырраҭара "Клуб путешественников" амҩаԥгаҩ Иури Сенкевич. Афильм "Аԥсны аиашахаҵара" аҭыхраан, 1999 ш. - Sputnik Аҧсны](https://cdnn1.img.sputnik-abkhazia.info/img/07e7/05/0e/1045799969_0:0:2656:4015_600x0_80_0_1_69a2714b9b21bef5c48a75d4cb7f91e0.jpg "Аԥсны раԥхьатәи ахада Владислав Арӡынба, Аԥсны Аиашахаҵаратә уахәама ахада, усҟантәи аамҭазы Симан Канатәи аныхабаа ахылаԥшҩы аб Басариан (Аԥлиа), урыстәылатәи аҵарауаҩ, ателедырраҭара "Клуб путешественников" амҩаԥгаҩ Иури Сенкевич. Афильм "Аԥсны аиашахаҵара" аҭыхраан, 1999 ш.")
Аԥсны раԥхьатәи ахада Владислав Арӡынба, Аԥсны Аиашахаҵаратә уахәама ахада, усҟантәи аамҭазы Симан Канатәи аныхабаа ахылаԥшҩы аб Басариан (Аԥлиа), урыстәылатәи аҵарауаҩ, ателедырраҭара "Клуб путешественников" амҩаԥгаҩ Иури Сенкевич. Афильм "Аԥсны аиашахаҵара" аҭыхраан, 1999 ш.
Владислав Арӡынба Адунеизегьтәи аԥсуа-абаза жәлар актәи аконгресс алахәылацәеи иареи Лыхнытәи Акультура ахан аҿаԥхьа. Жьҭаарамза 1992 ш.
Аԥсны раԥхьатәи ахада Владислав Арӡынба иԥсҭазаара далҵит 65 шықәса дшырҭагылаз, хәажәкыра 4, 2010 шықәсазы.
