https://sputnik-abkhazia.info/20230515/byba-iazgeieit-covid-19-iakhany-asbaraa-atylaa-zhpaky-ry-aasa-asny-isheiaz-1045808443.html
Быҭәба иазгәеиҭеит COVID-19 иахҟьаны аԥсҭбарақәа атәылақәа жәпакы рҿы аасҭа Аԥсны ишеиҵаз
Быҭәба иазгәеиҭеит COVID-19 иахҟьаны аԥсҭбарақәа атәылақәа жәпакы рҿы аасҭа Аԥсны ишеиҵаз
Sputnik Аҧсны
2020 шықәса хәажәкыра 11 рзы Агәабзиарахьчараз адунеизегьтәи аиҿкаара ирыланаҳәеит акоронавирус апандемиатә ҟазшьа шьҭнахит ҳәа. Ари ачымазара иахҟьаны Аԥсны... 15.05.2023, Sputnik Аҧсны
2023-05-15T10:29+0300
2023-05-15T10:29+0300
2023-05-15T10:29+0300
аԥсны
аԥсны
ажәабжьқәа
агәабзиара
https://cdnn1.img.sputnik-abkhazia.info/img/07e6/04/06/1038526801_0:167:3051:1883_1920x0_80_0_0_1567222008a075fe354f223563775c13.jpg
АҞӘА, лаҵара 15 - Sputnik. Аԥсны Агәабзиарахьчара аминистр Едуард Быҭәба иазгәеиҭеит Аԥсны COVID-19 иахҟьаны аԥсҭбарақәа зекономика ҳараку атәылақәа жәпакы рҿы аасҭа ишеиҵаз. Иара иҳәеит апандемиа иаалырҟьаны ишцәырҵыз, ачымазара ҿыц ирласны ишҭырҵаазгьы акоронавирус миллионла аԥсҭазаарақәа шҿахнаҵәаз. "698-ҩык ҳтәылауаа ҳцәыӡит. Зегьы рзы ҳақәԥон, иҳалшоз ҟаҳҵон. Убри аан COVID-19 иахҟьаны зыԥсҭазаара иалҵыз ирызку астатистика уахәаԥшуазар ҳреспубликаҿ иаҳцәыӡыз рхыԥхьаӡара 1,45% роуп иартәо", – иҳәеит Быҭәба. Аминистр иҳәеит акоронавирус иахҟьаны зыдунеи зыԥсахыз рхыԥхьаӡара процентла уахәаԥшуазар тәылақәак рҿы Аԥсны аҵкыс акыр еиҳауп: Урыстәыла – 2,07%, Польша - 1,9%. Иара иазгәеиҭеит, ачымазара ахы шаацәырнагаз аиԥш Агәабзиарахьчара аминистрра аиҳабыра рыцхыраарала акоронавирус аԥырҟәҟәаразы ауснагӡатәқәеи атәылауаа рыԥсҭазаарақәа реиқәырхареи нап анаркит. Ареспублика ахәшәтәырҭақәа рзы иаахәан ихымԥадатәиз ахархәагақәа, иаԥҵан хаз игоу астационарқәа, алаҵаҟаҵара хацыркын, амедусзуҩцәа рҟазара аизырҳаразы атәыла анҭыҵҟа ишьҭын. Аусурақәа зегьы акадрқәа разымхареи амедицинатә система ақәыӷәӷәара хьанҭа амани имҩаԥысуан ҳәа азгәеиҭеит аминистр.
Sputnik Аҧсны
media@sputniknews.com
+74956456601
MIA „Rosiya Segodnya“
2023
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
аԥсны, ажәабжьқәа, агәабзиара
аԥсны, ажәабжьқәа, агәабзиара
Быҭәба иазгәеиҭеит COVID-19 иахҟьаны аԥсҭбарақәа атәылақәа жәпакы рҿы аасҭа Аԥсны ишеиҵаз
2020 шықәса хәажәкыра 11 рзы Агәабзиарахьчараз адунеизегьтәи аиҿкаара ирыланаҳәеит акоронавирус апандемиатә ҟазшьа шьҭнахит ҳәа. Ари ачымазара иахҟьаны Аԥсны рыԥсҭазаара иалҵит 700-ҩык.
АҞӘА, лаҵара 15 - Sputnik. Аԥсны Агәабзиарахьчара аминистр Едуард Быҭәба иазгәеиҭеит Аԥсны COVID-19 иахҟьаны аԥсҭбарақәа зекономика ҳараку атәылақәа жәпакы рҿы аасҭа ишеиҵаз.
Иара иҳәеит апандемиа иаалырҟьаны ишцәырҵыз, ачымазара ҿыц ирласны ишҭырҵаазгьы акоронавирус миллионла аԥсҭазаарақәа шҿахнаҵәаз.
"698-ҩык ҳтәылауаа ҳцәыӡит. Зегьы рзы ҳақәԥон, иҳалшоз ҟаҳҵон. Убри аан COVID-19 иахҟьаны зыԥсҭазаара иалҵыз ирызку астатистика уахәаԥшуазар ҳреспубликаҿ иаҳцәыӡыз рхыԥхьаӡара 1,45% роуп иартәо", – иҳәеит Быҭәба.
Аминистр иҳәеит акоронавирус иахҟьаны зыдунеи зыԥсахыз рхыԥхьаӡара процентла уахәаԥшуазар тәылақәак рҿы Аԥсны аҵкыс акыр еиҳауп: Урыстәыла – 2,07%, Польша - 1,9%.
Иара иазгәеиҭеит, ачымазара ахы шаацәырнагаз аиԥш Агәабзиарахьчара аминистрра аиҳабыра рыцхыраарала акоронавирус аԥырҟәҟәаразы ауснагӡатәқәеи атәылауаа рыԥсҭазаарақәа реиқәырхареи нап анаркит. Ареспублика ахәшәтәырҭақәа рзы иаахәан ихымԥадатәиз ахархәагақәа, иаԥҵан хаз игоу астационарқәа, алаҵаҟаҵара хацыркын, амедусзуҩцәа рҟазара аизырҳаразы атәыла анҭыҵҟа ишьҭын.
Аусурақәа зегьы акадрқәа разымхареи амедицинатә система ақәыӷәӷәара хьанҭа амани имҩаԥысуан ҳәа азгәеиҭеит аминистр.
