Микрофон  - Sputnik Аҧсны, 1920
Арадио

Шамԥҳа еиҭалҳәеит амузеиқәа рымш аҽны аҭааҩцәа ирзыԥшу атәы

Хра злоу ахҭысқәа: Шамԥҳа «Аҵх амузеи аҿы» иазкны
Анапаҵаҩра
Аԥсуа ҳәынҭқарратә музеи аҭҵаарадырратә усзуҩ еиҳабы Инга Шамԥҳа арадио Sputnik аефир аҿы еиҭалҳәеит, амузеиқәа рымш аҽны еиҿкаахо аусмҩаԥгатә атәы, "Аҵх амузеи аҿы" захьӡу акциа ҳтәылаҿы аларҵәара ахьынӡамоу. Убри аан иазгәаҭатәуп, Аԥснытәи аҳәынҭқарратә музеи ахаҭа иахьа 106 шықәса шахыҵыз.
Амузеиқәа рымш аҽны аҳәынҭқарратә музеи аартхоит асааҭ быжьба рзы. Ахәаԥшцәа ирыдгалахоит ҩ-цәыргақәҵак, аҭоурыхи аетнографиеи рыҟәшақәа рҿы ҳәа адырра ҟалҵеит Шамԥҳа.
"Исҭахуп амузеи иаҭаауа агәахәара рнаҭар, уи азы иҷыдоу знеишьак ҳаԥшаауеит есышықәса. Аетнографиа аҟәшаҿы сынтәатәи атема духоит, асырҭа иазкуп. Аԥсуаа напҟазауаан. Ауарҳалқәа роума, акыдыршәылақәа, ампахьшьқәа роума напыла иҟарҵон. Урҭ амаҭәарқәеи дара излаҟарҵоз амаругақәеи, еиҭа аинтерес змоу ӡыргахоит", - ҳәа лҳәеит Шамԥҳа.
Ари атема зышьҭырхыз атәы еиҭаҳәо амузеи аусзуҩ иазгәалҭеит, аԥсуа џьоуҳар(орнамент -азгә.), еиуеиԥшым арҩычагақәеи иразҵаауа шырацәоу.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0