Ситуация на границе Крыма с Украиной - Sputnik Аҧсны, 1920
Урыстәыла Донбасс имҩаԥнаго арратә операциа ҷыда
Урыстәыла Донбасс имҩаԥнагоит арратә операциа ҷыда, ДЖәРи ЛЖәРи иҟарҵаз аҳәарала. Владимир Путин Донецки Лугански жәлар рреспубликақәа рхьыԥшымра азхаиҵеит.

Урыстәылатәи аруаа аеродром "Днепр" ааха арҭеит

© Sputnik / Министерство обороны РФ / Амедиаҵәахырҭахь аиасраПервый полет новейшего беспилотника "Охотник"
Первый полет новейшего беспилотника Охотник - Sputnik Аҧсны, 1920, 22.05.2023
Анапаҵаҩра
Ааха ҟаҵан ахарантә ихысуа, амшын ихгылоу абџьар аҟынтә.
АҞӘА, лаҵара 22 - Sputnik. Урыстәылатәи аруаа аеродром "Днепр" аобиектқәа ааха рырҭеит ҳәа аанацҳауеит Атәылахьчара аминистрра апресс-маҵзура.
"Ахықәкы иҳамаз нагӡоуп. Иарбаз аобиектқәа зегьы ықәыцҟьаауп. Ааха рыҭоуп абџьари аџьаԥҳани ахьышьҭаз ангарқәа, авиациатә техника, иара убасгьы аракетақәа ртехникатә позициақәа", - аҳәоит адырраҭара.
Аусбарҭа адыррала, Купиансктәи ахырхарҭаҿы уахыки-ҽнаки рыла иаԥырҟәҟәаан адиверсиа-ԥшыхәратә гәыԥқәа хԥа ржәыларақәа. Абри аамҭа иалагӡаны ари ахырхарҭаҿы Киев иацәыӡит 50-ҩык асолдаҭцәа, ҩ-автомашьынак, агаубица Д-30, 103-тәи аҵакыратә хьчара абригада аџьаԥҳанышьҭаҵарҭа.
Красно-Лимантәи ахырхарҭаҿы иҭархоуп 55-ҩык украинатәи аибашьцәа, акәылӡмашьынақәа ҩба, автомашьынақәа хԥа, агаубицақәа "Мста-Б", Д-30, Донецктәи ахырхарҭаҿы – УАМ аибашьцәа 270 ҭархоуп, иҭархоуп акәылӡмашьынақәа ԥшьба, автомашьынақәа хԥа, агаубица Д-20, агаубица Д-30.
Алада-Донецктәии Запорожиатәии ахырхарҭақәа рҿы аӷа ицәыӡит 150-ҩык аибашьцәа, апикапқәа ҩба, ҩ-гаубицак Д-30, 65-тәи амеханизациа зызуу абригада аџьаԥҳанышьҭаҵарҭа.
Херсонтәи ахырхарҭаҿы иҭархоуп УАМ асолдаҭцәа 20-ҩык, автомашьынақәа ԥшьба, апушка "Гиацинт-Б", агаубица "Мста-Б", 123-тәи абригада аџьаԥҳанышьҭаҵарҭа.
Аоператив-тактикатә авиациеи артиллериеи иҭадырхеит УАМ артиллериатә ҟәшақәа 98, 107 раион рҿы – аруааи атехникеи.
Аҳауаҽацәыхьчаратә хархәагақәа икарыжьит украинатәи авертолиот Ми-8, аԥырҩы дызҭам ахархәагақәа 17, аицҭырҟьаратә система HIMARS ареактивтә хгәыцәқәа хәба.
Работа морской пехоты в зоне СВО - Sputnik Аҧсны, 1920, 21.05.2023
Урыстәыла Донбасс имҩаԥнаго арратә операциа ҷыда
Урыстәыла Атәылахьчара аминистрра Артиомовск ахы иақәиҭтәуп ҳәа аҳәамҭа ҟанаҵеит
Ажәабжьқәа зегьы
0