https://sputnik-abkhazia.info/20230610/atskhyraara-lasy-aya-aadyrtueit-asny-arespublikat-madu-ayan-1046258049.html
Ацхыраара ласы аҭыԥқәа аадыртуеит Аԥсны ареспубликатә мҩаду аҿықәан
Ацхыраара ласы аҭыԥқәа аадыртуеит Аԥсны ареспубликатә мҩаду аҿықәан
Sputnik Аҧсны
Ацхыраара ласы аҭыԥқәа аадыртуеит хыџьара - агәаҭара-аушьҭратә ҭыԥ "Мысра", Риҵатәи апарк, Тамшь ақыҭан. 10.06.2023, Sputnik Аҧсны
2023-06-10T09:20+0300
2023-06-10T09:20+0300
2023-06-10T09:20+0300
аԥсны
ажәабжьқәа
ауаажәларра
https://cdnn1.img.sputnik-abkhazia.info/img/07e4/0c/07/1031418795_0:320:3073:2048_1920x0_80_0_0_cf0e1f3c6db13d8d82c7176274ac219b.jpg
АҞӘА, рашәара 10 – Sputnik. Ацхыраара ласы аҭыԥқәа хԥа аадыртуеит Аԥсны ареспубликатә мҩаду аҿықәан. Абри атәы аанацҳауеит Аԥсны агәабзиарахьчара аминистрра апресс-маҵзура.Актәи аҭыԥ ҟалоит агәаҭара-аушьҭратә ҭыԥ "Мысра" аҿы. Аҩнуҵҟатәи аусқәа рминистр ихаҭыԥуаҩ Беслан Ҷкадуа иажәақәа рыла, ари аушьҭырҭатә ҭыԥ инаркны Гәдоуҭа ақалақь аҟынӡа акырџьара амҩатә машәырқәа ҟалалоит. Иара иазгәеиҭеит ацхыраара аҭарҭа аартра иабзоураны ацхыраара ласы амашьына ааира аамҭа акыр имаҷхоит, "ахьтәы сааҭ" захьӡу аамҭа амырӡра алнаршоит.Аԥхьаҟа агәаҭара-аушьҭратә ҭыԥ "Мысра" аҿы амедицинатә ҭыԥ ду дыргылоит. Агәабзиарахьчара аминистр Едуард Быҭәба иажәақәа рыла, уа аус рулоит аоператор, амашьынарныҟәцаҩ, афельдшер."Ианаҭаххалак, амашьына Гагра араион ахьгьы, Гәдоуҭа араион ахьгьы анеира алшоит. 30-40 километра аҵакыраҿы ашәарҭадара иацхраалоит. Уи иабзоураны жәаҩыла ауаа рыԥсҭазаарақәа реиқәырхара ауеит", – иҳәеит Быҭәба.Даҽа цхыраара ҭыԥк аадыртуеит Риҵатәи аредикттә милаҭтә парк аҿы. Едуард Быҭәба иазгәеиҭеит уа уаҳа назҭахым амедицинатә ҭыԥ рымоуп, аха атранспорт рымаӡам."Арантәи ак ҟаланы аӡә дырзасыр, Гәдоуҭантәи ма Гагрантәи ауп ацхыраара ласы амашьына шаауа. Аха аԥхын амҩа сааҭки бжаки аамҭа агоит. Убри азы акурорттә сезон аан апарк ацхыраара ласы амашьына аҳҭоит. Уи иабзоураны апациент иаҳа ирласны ахәшәтәырҭахь инагара алшоит", - иҳәеит Едуард Быҭәба.Даҽа цхыраара ҭыԥк аадыртуеит Очамчыра араион Тамшь ақыҭан.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, ауаажәларра
Ацхыраара ласы аҭыԥқәа аадыртуеит Аԥсны ареспубликатә мҩаду аҿықәан
Ацхыраара ласы аҭыԥқәа аадыртуеит хыџьара - агәаҭара-аушьҭратә ҭыԥ "Мысра", Риҵатәи апарк, Тамшь ақыҭан.
АҞӘА, рашәара 10 – Sputnik. Ацхыраара ласы аҭыԥқәа хԥа аадыртуеит Аԥсны ареспубликатә мҩаду аҿықәан. Абри атәы аанацҳауеит Аԥсны агәабзиарахьчара аминистрра апресс-маҵзура.
Актәи аҭыԥ ҟалоит агәаҭара-аушьҭратә ҭыԥ "Мысра" аҿы. Аҩнуҵҟатәи аусқәа рминистр ихаҭыԥуаҩ Беслан Ҷкадуа иажәақәа рыла, ари аушьҭырҭатә ҭыԥ инаркны Гәдоуҭа ақалақь аҟынӡа акырџьара амҩатә машәырқәа ҟалалоит.
Иара иазгәеиҭеит ацхыраара аҭарҭа аартра иабзоураны ацхыраара ласы амашьына ааира аамҭа акыр имаҷхоит, "ахьтәы сааҭ" захьӡу аамҭа амырӡра алнаршоит.
Аԥхьаҟа агәаҭара-аушьҭратә ҭыԥ "Мысра" аҿы амедицинатә ҭыԥ ду дыргылоит. Агәабзиарахьчара аминистр Едуард Быҭәба иажәақәа рыла, уа аус рулоит аоператор, амашьынарныҟәцаҩ, афельдшер.
"Ианаҭаххалак, амашьына Гагра араион ахьгьы, Гәдоуҭа араион ахьгьы анеира алшоит. 30-40 километра аҵакыраҿы ашәарҭадара иацхраалоит. Уи иабзоураны жәаҩыла ауаа рыԥсҭазаарақәа реиқәырхара ауеит", – иҳәеит Быҭәба.
Даҽа цхыраара ҭыԥк аадыртуеит Риҵатәи аредикттә милаҭтә парк аҿы. Едуард Быҭәба иазгәеиҭеит уа уаҳа назҭахым амедицинатә ҭыԥ рымоуп, аха атранспорт рымаӡам.
"Арантәи ак ҟаланы аӡә дырзасыр, Гәдоуҭантәи ма Гагрантәи ауп ацхыраара ласы амашьына шаауа. Аха аԥхын амҩа сааҭки бжаки аамҭа агоит. Убри азы акурорттә сезон аан апарк ацхыраара ласы амашьына аҳҭоит. Уи иабзоураны апациент иаҳа ирласны ахәшәтәырҭахь инагара алшоит", - иҳәеит Едуард Быҭәба.
Даҽа цхыраара ҭыԥк аадыртуеит Очамчыра араион Тамшь ақыҭан.
