https://sputnik-abkhazia.info/20230720/akhyraa-ryshakh-gagra-araion-ay-aturistt-obiekta-zegy-eiashayrgyloup-1047037098.html
Аӡхыҵрақәа рышьҭахь Гагра араион аҿы атуристтә обиектқәа зегьы еиҭашьақәыргылоуп
Аӡхыҵрақәа рышьҭахь Гагра араион аҿы атуристтә обиектқәа зегьы еиҭашьақәыргылоуп
Sputnik Аҧсны
Гагра араион аҿы ԥхынгәы 8-9 рзы илеиз ақәаршҩы иахҟьаны зқьыла аҩнқәа аӡы рыҵалеит. 20.07.2023, Sputnik Аҧсны
2023-07-20T11:20+0300
2023-07-20T11:20+0300
2023-07-20T11:20+0300
аԥсны
ажәабжьқәа
гагра араион
https://cdnn1.img.sputnik-abkhazia.info/img/07e5/06/16/1032677481_2:0:2598:1460_1920x0_80_0_0_f2262dcfe438a5803763abb84ccbd06f.jpg
АҞӘА, ԥхынгәы 20 – Sputnik. Аӡхыҵрақәа рышьҭахь Гагра араион аҿы атуристтә обиектқәа зегьы еиҭашьақәыргылоуп ҳәа арадио Sputnik иазеиҭеиҳәеит араион ахадара атуризм аҟәша аиҳабы Ахра Бганба. Атуристтә обиектқәа абжьааԥнеиԥш аус руеит, асасцәа рыдыркылоит иҳәеит Бганба. Иара иазгәеиҭеит аиҳарак ааха зауз ахатәыҩнқәа шракәу. Араион ахада Иури Ҳагәышь идҵала иаԥҵоуп аус аҭышәныртәалараз аштаби акомиссиеи. "Акомиссиа алахәылацәа аҭыԥ ахь инеины ахәшьаратә шәҟәынҵақәа аздырхиоит, ауааԥсыра ироуз аԥхасҭа ахә ахшәааразы. Ҭабуп ҳәа расҳәар сҭахуп араион ауааԥсыра, иаӡәыкны арыцҳараан еидгылаз, ишалшо ала арыцҳара ахҟьаԥҟьақәа раԥыхра зҽазызшәо", - иҳәеит Бганба. Русура хацдыркит аквапарк, анаԥшааԥшырҭатә барбал, Гагра уаанӡатәи аԥсҭазаара иазыхынҳәит. Амшцәгьақәа раан Лӡааи Алаҳаӡи рҟынтәи 560-ҩык "Акурорт Пицунда" ахьи ахатә сасааирҭақәа рахьи ииаган. Амҩақәа аӡы иахьықәнаӡәӡәааз аҟынтә атуристцәа ииаргон мшынла, ахатә фирмақәа иртәыз аӷба маҷқәа рыла иҳәеит Бганба. Аӡхыҵра ашьҭахь асасцәа рҟынтә аԥхасҭа ахә ахшәааразы аӡәгьы дҳадымҵаалеит иҳәеит иара. Гагра араион аҿы ԥхынгәы 8-9 рзы илеиз ақәаршҩы иахҟьаны зқьыла аҩнқәа аӡы рыҵалеит. Лӡаа ақыҭаҿы 120 обиект аԥхасҭа роуит. Аԥхасҭа роуит Алаҳаӡи Баӷрыԥсҭеи ақыҭақәагьы. Ақалақь аҿы Гьечба, Султан Сосналиев, Баграт Шьынқәба рымҩақәа, Аҟәатәи амҩаду еиҳа ааха роуит. Иаԥҵоу акомиссиахь инаргахьеит 65 рзаҳал.
https://sputnik-abkhazia.info/20230719/laa-akhyra-akhaaa-raykhra-mchybzhyk-aaara-aakhkhoit--1047005107.html
https://sputnik-abkhazia.info/20230718/akhyraan-akhasa-zauz-rzy-agumanitart-tskhyraara-aizgara-ya-aadyrtit-1046988152.html
гагра араион
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, гагра араион
Аӡхыҵрақәа рышьҭахь Гагра араион аҿы атуристтә обиектқәа зегьы еиҭашьақәыргылоуп
Гагра араион аҿы ԥхынгәы 8-9 рзы илеиз ақәаршҩы иахҟьаны зқьыла аҩнқәа аӡы рыҵалеит.
АҞӘА, ԥхынгәы 20 – Sputnik. Аӡхыҵрақәа рышьҭахь Гагра араион аҿы атуристтә обиектқәа зегьы еиҭашьақәыргылоуп ҳәа арадио Sputnik иазеиҭеиҳәеит араион ахадара атуризм аҟәша аиҳабы Ахра Бганба.
"Аҭагылазаашьа ҭышәынтәалеит. Ҳәарада, ӷәӷәала аԥхасҭа зауз ақыҭақәа ыҟоуп: Лӡаа, Алаҳаӡы. Ақалақь аҿы аус руеит акаҳуажәырҭақәа, аресторанқәа, асасааирҭақәа, апансионатқәа. Ахаҿрарԥшӡаратә усурақәа мҩаԥысуеит - ахаҳәҟьаԥс, акаҭран ықәырҵоит, аӡымҩангагақәа рыԥсахуеит", - иҳәеит иара.
Атуристтә обиектқәа абжьааԥнеиԥш аус руеит, асасцәа рыдыркылоит иҳәеит Бганба. Иара иазгәеиҭеит аиҳарак ааха зауз ахатәыҩнқәа шракәу. Араион ахада Иури Ҳагәышь идҵала иаԥҵоуп аус аҭышәныртәалараз аштаби акомиссиеи.
"Акомиссиа алахәылацәа аҭыԥ ахь инеины ахәшьаратә шәҟәынҵақәа аздырхиоит, ауааԥсыра ироуз аԥхасҭа ахә ахшәааразы. Ҭабуп ҳәа расҳәар сҭахуп араион ауааԥсыра, иаӡәыкны арыцҳараан еидгылаз, ишалшо ала арыцҳара ахҟьаԥҟьақәа раԥыхра зҽазызшәо", - иҳәеит Бганба.
Русура хацдыркит аквапарк, анаԥшааԥшырҭатә барбал, Гагра уаанӡатәи аԥсҭазаара иазыхынҳәит.
"Аԥхьатәи амшқәа рзы арҭ аобиектқәа аус руӡомызт, аӡы ахаҳәымҿыхә рацәаны иқәнажьит, ҭыԥқәак рҿы иаргьы ықәымҵкәа игылан. Исҳәар сҭахуп атуристцәагьы шҳавагылаз, ақалақь арыцқьара рхы шаладырхәыз. Гагра уаанӡатәи аритм иазыхынҳәуеит ауаа реидгылара иабзоураны", - иҳәеит Бганба.
Амшцәгьақәа раан Лӡааи Алаҳаӡи рҟынтәи 560-ҩык "Акурорт Пицунда" ахьи ахатә сасааирҭақәа рахьи ииаган. Амҩақәа аӡы иахьықәнаӡәӡәааз аҟынтә атуристцәа ииаргон мшынла, ахатә фирмақәа иртәыз аӷба маҷқәа рыла иҳәеит Бганба. Аӡхыҵра ашьҭахь асасцәа рҟынтә аԥхасҭа ахә ахшәааразы аӡәгьы дҳадымҵаалеит иҳәеит иара.
Гагра араион аҿы ԥхынгәы 8-9 рзы илеиз ақәаршҩы иахҟьаны зқьыла аҩнқәа аӡы рыҵалеит. Лӡаа ақыҭаҿы 120 обиект аԥхасҭа роуит.
Аԥхасҭа роуит Алаҳаӡи Баӷрыԥсҭеи ақыҭақәагьы. Ақалақь аҿы Гьечба, Султан Сосналиев, Баграт Шьынқәба рымҩақәа, Аҟәатәи амҩаду еиҳа ааха роуит. Иаԥҵоу акомиссиахь инаргахьеит 65 рзаҳал.
