https://sputnik-abkhazia.info/20230730/khytaba-auay-dyzlaam-ala-ikhtsazharazy-azakan-ariasharaa-alagalara-aty-dalatsazheit-1047230448.html
Хәытаба ауаҩы дызлаҟам ала ихцәажәаразы азакәан ариашарақәа алагалара атәы далацәажәеит
Хәытаба ауаҩы дызлаҟам ала ихцәажәаразы азакәан ариашарақәа алагалара атәы далацәажәеит
Sputnik Аҧсны
Аԥсны Апарламент ашьаус ҭакԥхықәра шьақәнаргылеит иҟам-ианым ала цәаԥҽрыла иаартны аинформациа-телекоммуникациатә ҳақәеи "Аинтернети" рыҟны ахцәажәаразы. 30.07.2023, Sputnik Аҧсны
2023-07-30T16:05+0300
2023-07-30T16:05+0300
2023-07-31T09:48+0300
аԥсны
аԥсны
ажәабжьқәа
https://cdnn1.img.sputnik-abkhazia.info/img/07e6/05/05/1038974004_0:85:1620:996_1920x0_80_0_0_5b7652e036c0b0c1beb06d4a6b5b06c9.jpg
АҞӘА, ԥхынгәы 30 – Sputnik. Аусеилыргара еснагь иацәыуадаҩуп ашьақәырӷәӷәара, ауаҩы дызлаҟам ала ихцәажәаз иаарԥшра, убри аҟынтәи ари ахәҭаҷ ала аусеиларгара шамахамзар ихацдыркӡом ҳәа иҳәеит арадио Sputnik аинтервиу азҭаз Жәлар Реизара адепутат Дауҭ Хәытаба.Хәытаба иажәақәа рыла, Аԥсны ас еиԥш аус ашьақәырӷәӷәара знык-ҩынтә роуп ианзаларшахахьоу.Аԥсны Апарламент аҵыхәтәантәи аԥхьарала иаднакылеит азакәанԥҵаратә шәҟәынҵақәа рахь ариашарақәа ахаша, ԥхынгәы 26 рзы.Аилыркааратә цҵаҿы ишаҳәо ала, ариашарақәа рзырхоуп ареспублика азакәанԥҵара ашьауӷатәи ашьауӷа-процессуалтә нормақәеи реиӷьтәра.Аԥсахрақәа аинтернет назлоу аинформациа-телекоммуникациатә ҳақәа рҿы иҟам ала ахцәажәараз ашьауӷатә ҭакԥхықәра шьақәдыргылоит.Уи адагьы ишьҭыххоит ахараԥса:
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
Хәытаба ауаҩы дызлаҟам ала ихцәажәаразы азакәан ариашарақәа алагалара атәы далацәажәеит
16:05 30.07.2023 (ирҿыцуп: 09:48 31.07.2023) Аԥсны Апарламент ашьаус ҭакԥхықәра шьақәнаргылеит иҟам-ианым ала цәаԥҽрыла иаартны аинформациа-телекоммуникациатә ҳақәеи "Аинтернети" рыҟны ахцәажәаразы.
АҞӘА, ԥхынгәы 30 – Sputnik. Аусеилыргара еснагь иацәыуадаҩуп ашьақәырӷәӷәара, ауаҩы дызлаҟам ала ихцәажәаз иаарԥшра, убри аҟынтәи ари ахәҭаҷ ала аусеиларгара шамахамзар ихацдыркӡом ҳәа иҳәеит арадио Sputnik аинтервиу азҭаз Жәлар Реизара адепутат Дауҭ Хәытаба.
"Ауаҩы дызлаҟам ала ихцәажәара - ари даара зышьақәырӷәӷәара уадаҩу хәҭаҷуп, убри аҟнытә ара ихымԥадатәиуп аацҳамҭа шымцу адырра. Аусеиларгаратә усбарҭақәа хымԥада ишьақәдырӷәӷәароуп, ахара здырҵо, ишидыруаз ауаҩы дызлаҟм ала дышихцәажәаз. Убри аан ажәабжь, пату зқәу ауаҩы иаҳаҭыри, изанааҭтә-усура хаҭабзиареи ланырҟәуеит", - ҳәа иҳәеит Хәытаба.
Хәытаба иажәақәа рыла, Аԥсны ас еиԥш аус ашьақәырӷәӷәара знык-ҩынтә роуп ианзаларшахахьоу.
Аԥсны Апарламент аҵыхәтәантәи аԥхьарала иаднакылеит азакәанԥҵаратә шәҟәынҵақәа рахь ариашарақәа ахаша, ԥхынгәы 26 рзы.
Аилыркааратә цҵаҿы ишаҳәо ала, ариашарақәа рзырхоуп ареспублика азакәанԥҵара ашьауӷатәи ашьауӷа-процессуалтә нормақәеи реиӷьтәра.
Аԥсахрақәа аинтернет назлоу аинформациа-телекоммуникациатә ҳақәа рҿы иҟам ала ахцәажәараз ашьауӷатә ҭакԥхықәра шьақәдыргылоит.
Уи адагьы ишьҭыххоит ахараԥса:
иҟам-ианым ала цәаԥҽрыла ахцәажәаразы – 50 - 100 нызқьмааҭ (уаанӡа 10 - 25 нызқьмааҭ),
иҟам-ианым ала цәаԥҽрыла ауаа ирбо-ираҳауа ала ақәгылара, "Интернет" налаҵаны АИХқәа рҿгьы – 50 - 100 нызқьмааҭ (уаанӡа 20 - 40 нызқьмааҭ),
ауаҩы ихьанҭоу ма даара ихьанҭоу ацәгьоура ҟаиҵеит ҳәа иҟам-ианым ала цәаԥҽрыла ахцәажәаразы – 150 - 200 нызқьмааҭ ма 2-5 шықәса ихақәиҭра иалхәдатәра (уаанӡа 2-5 шықәса ихақәиҭра иалхәдатәра).
