https://sputnik-abkhazia.info/20230905/azhurnalist-lana-ashlaaa-lproekt-idyrym-aibashy-yrgakhoit-aa-1047839718.html
Ажурналист Лана Аԥшьлааԥҳа лпроект "Идырым аибашьҩы" ӡыргахоит Аҟәа
Ажурналист Лана Аԥшьлааԥҳа лпроект "Идырым аибашьҩы" ӡыргахоит Аҟәа
Sputnik Аҧсны
АҞӘА, цәыббра 5 - Sputnik. Ажурналист, арадио Sputnik амҩаԥгаҩ Лана Аԥшьлааԥҳа лпроект "Идырым аибашьҩы" акультура-усутә ҭыԥ "Гәыма" аҟны иӡыргахоит, цәыббра 8... 05.09.2023, Sputnik Аҧсны
2023-09-05T20:37+0300
2023-09-05T20:37+0300
2023-09-05T20:37+0300
аԥсны
аԥсны
ажәабжьқәа
https://cdnn1.img.sputnik-abkhazia.info/img/07e5/07/0d/1032828858_0:0:2600:1463_1920x0_80_0_0_87ba0c8649b8fdd726a2d10af08c96b8.jpg
АҞӘА, цәыббра 5 - Sputnik. Ажурналист, арадио Sputnik амҩаԥгаҩ Лана Аԥшьлааԥҳа лпроект "Идырым аибашьҩы" акультура-усутә ҭыԥ "Гәыма" аҟны иӡыргахоит, цәыббра 8 рзы.Лана Аԥшьлааԥҳа лажәақәа рыла, апроект анагӡаразы агәҭакы лызцәырҵит 2021 шықәсазы дызлахәыз афотоконкурс "Абхазия в фокусе" ашьҭахь."Уи апроект Аиааира амш иазкын. Аибашьра аветеран ифотоҭыхымҭеи иҿцәажәареи аҭахын. Усҟан сара иҟасҵеит Зураб Аԥшьлаа ипортрет. Ус иҟалеит ари афотоконкурс аҿы сусумҭа актәи аҭыԥ анашьахеит. Уи аахыс сгәы иҵхон сыгәҭакы, еилыскаауан иаҳдыруа раасҭа иаҳзымдыруа, зныкгьы зҭоурых еиҭазымҳәац аветеранцәа рхыԥхьаӡара шеиҳау. Уи аҟнытә Аиааира 30 шықәса ахыҵра аҳаҭыразы сыгәҭакы насыгӡеит", - лҳәеит апроект автор.Апроект адгылара анаҭеит амобилтә еимадара "Амобаил", нанҳәамзазы аҭыхрақәа ирылагеит лҳәеит ажурналист."Арежиссиор Беслан Лагәлааи сареи мызкы иалагӡаны аиҿцәажәарақәа анаҳҵеит. Анагӡара ауадаҩрақәа шацыз еилыскаауан, аха ас сақәгәыӷәуамызт. Ауаа аинтервиу ҳарҭарц азы азин рымхра аамҭа рацәа ҳцәагеит. 30 шықәса рыҩнуҵҟа аибашьра ицара шыҟалаз, иваршьааз иҩызцәа игәаларшәара, ԥхьаҟа ацара амч изҭоз атәы зныкгьы еиҭазымҳәацыз аветеран аиҿцәажәаразы азин имхра уадаҩын. Угәаҵанӡа инеиуаз ахҭысқәа еиҭарҳәон дара", - лҳәеит Аԥшьлааԥҳа.Аҭыхрақәа хыркәшоуп. Зынӡа иҭаҩуп 15 ҭоурых аԥсуа-аурыс бызшәеи рыла. Апроект иалахәуп Аԥсны араионқәа зегьы рхаҭарнакцәа.Иахьазы авидеонҵамҭақәа рмонтаж ҟарҵоит. Цәыббра 8 рзы акультура-усутә ҭыԥ "Гәыма" аҟны апроект ӡыргахоит, уи аҳәаақәа ирҭагӡаны арежиссиор Беслан Лагәлаа апроект афырхацәа аазырԥшуа ифотоҭыхымҭақәа рцәыргақәҵа еиҿкаахоит.
https://sputnik-abkhazia.info/20220102/aradio-sputnik-amaga-asny-aynchra-akhcharazy-amedal-lanarsheit--1037004266.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
АҞӘА, цәыббра 5 - Sputnik. Ажурналист, арадио Sputnik амҩаԥгаҩ Лана Аԥшьлааԥҳа лпроект "Идырым аибашьҩы" акультура-усутә ҭыԥ "Гәыма" аҟны иӡыргахоит, цәыббра 8 рзы.
Авидеопроект еиҿкаауп Аԥсны Аџьынџьтәылатә еибашьраҟны игаз аиааира 30 шықәса ахыҵра аҳаҭыраз. Уаҟа иазгәаҭоуп 30 шықәса рыҩнуҵҟа зныкгьы аинтервиу азымҭац, зеибашьратә мҩа еиҭазымҳәац аибашьра аветеранцәа рыҿцәажәарақәа. Зынӡа иҭаҩуп 15 ҭоурых.
Лана Аԥшьлааԥҳа лажәақәа рыла, апроект анагӡаразы агәҭакы лызцәырҵит 2021 шықәсазы дызлахәыз афотоконкурс "Абхазия в фокусе" ашьҭахь.
"Уи апроект Аиааира амш иазкын. Аибашьра аветеран ифотоҭыхымҭеи иҿцәажәареи аҭахын. Усҟан сара иҟасҵеит Зураб Аԥшьлаа ипортрет. Ус иҟалеит ари афотоконкурс аҿы сусумҭа актәи аҭыԥ анашьахеит. Уи аахыс сгәы иҵхон сыгәҭакы, еилыскаауан иаҳдыруа раасҭа иаҳзымдыруа, зныкгьы зҭоурых еиҭазымҳәац аветеранцәа рхыԥхьаӡара шеиҳау. Уи аҟнытә Аиааира 30 шықәса ахыҵра аҳаҭыразы сыгәҭакы насыгӡеит", - лҳәеит апроект автор.
Апроект адгылара анаҭеит амобилтә еимадара "Амобаил", нанҳәамзазы аҭыхрақәа ирылагеит лҳәеит ажурналист.
"Арежиссиор Беслан Лагәлааи сареи мызкы иалагӡаны аиҿцәажәарақәа анаҳҵеит. Анагӡара ауадаҩрақәа шацыз еилыскаауан, аха ас сақәгәыӷәуамызт. Ауаа аинтервиу ҳарҭарц азы азин рымхра аамҭа рацәа ҳцәагеит. 30 шықәса рыҩнуҵҟа аибашьра ицара шыҟалаз, иваршьааз иҩызцәа игәаларшәара, ԥхьаҟа ацара амч изҭоз атәы зныкгьы еиҭазымҳәацыз аветеран аиҿцәажәаразы азин имхра уадаҩын. Угәаҵанӡа инеиуаз ахҭысқәа еиҭарҳәон дара", - лҳәеит Аԥшьлааԥҳа.
Аҭыхрақәа хыркәшоуп. Зынӡа иҭаҩуп 15 ҭоурых аԥсуа-аурыс бызшәеи рыла. Апроект иалахәуп Аԥсны араионқәа зегьы рхаҭарнакцәа.
Иахьазы авидеонҵамҭақәа рмонтаж ҟарҵоит. Цәыббра 8 рзы акультура-усутә ҭыԥ "Гәыма" аҟны апроект ӡыргахоит, уи аҳәаақәа ирҭагӡаны арежиссиор Беслан Лагәлаа апроект афырхацәа аазырԥшуа ифотоҭыхымҭақәа рцәыргақәҵа еиҿкаахоит.
