https://sputnik-abkhazia.info/20230906/afonytsti-aaay-aikhabetont-shpalaa-shadyrgyloit-1047861178.html
Афонҿыцтәи аҳаԥаҿы аихабетонтә шпалақәа шьақәдыргылоит
Афонҿыцтәи аҳаԥаҿы аихабетонтә шпалақәа шьақәдыргылоит
Sputnik Аҧсны
Афонҿыцтәи аҳаԥы абиуџьет аҟынтә иажәхьоу амҿтәы шпалақәа рыԥсахразы иазоужьхоит 12 миллион мааҭ. 06.09.2023, Sputnik Аҧсны
2023-09-06T16:00+0300
2023-09-06T16:00+0300
2023-09-21T16:42+0300
аԥсны
ажәабжьқәа
аԥсны араионқәеи ақалақьқәеи реиҿкаара
https://cdnn1.img.sputnik-abkhazia.info/img/07e4/08/04/1030682543_0:104:2000:1229_1920x0_80_0_0_6d54d54b5fbb160191fc290fa9c8c51c.jpg
АҞӘА, цәыббра 6 – Sputnik, Бадри Есиава. Афонҿыцтәи аҳаԥаҿы ажәытә шпалақәа рыԥсахразы 1800 цыра аихабетонтә шпалақәа аархәеит, абри атәы Sputnik иазеиҭеиҳәеит аҳаԥы ахада ихаҭыԥуаҩ Дамеи Смыр. Смыр иажәақәа рыла, аҳаԥаҟынӡа афымцадәыӷба знысуа амҩа аура 1,3 километра иҟоуп. Ҷыдала иҿаҵоуп ашпалақәа урыстәылатәи азауадқәа руак аҿы. Аԥсныҟа иааргараны иҟоуп хымз ирхымгакәа. Афонҿыцтәи аҳаԥы абиуџьет аҟынтә иажәхьоу амҿтәы шпалақәа рыԥсахразы иазоужьхоит 12 миллион мааҭ.Смыр иҳәеит аҳаԥы анапхгара арельсқәа рыԥсахрагьы шырҭахәу, аха урҭ ҟазҵо макьана иԥшаам. "Ашпалақәеи арельсқәеи аамҭак ала еицыԥсахзароуп, аха урҭ ҟазҵо даҳзымԥшаац, уи иахҟьаны асуурақәа анынагӡахо аҿҳәарақәа макьаназы еилкаам. Аусурақәа раан аҳаԥы аркхоит, иҟалап 2-3 мзы ҳагар", - иҳәеит иара. Смыр иазгәеиҭеит аҳаԥы ахаҿра арҽеиразы аусурақәа шцо, уажәазы ирыԥсаххьеит абыркьылҭаԥсақәа, иқәыргылоуп аԥенџьыр ҿыцқәа. Аусурақәа зегьы ирықәхарџьхоит 25 миллион, аӡынразы ихыркәшахоит. Анаҩсан, ахыбра ахԥатәи аихагылаҟынӡа амардуан ҿарҵоит, иажәыз абарҵақәа хԥа ықәганы аҿыцқәа рыла ирыԥсахуеит.
https://sputnik-abkhazia.info/20230906/afonytsti-aay-synta-akhynraz-iaaait-230-nyzyk-asshatsa-1047839063.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
Афонҿыцтәи аҳаԥаҿы аихабетонтә шпалақәа шьақәдыргылоит
16:00 06.09.2023 (ирҿыцуп: 16:42 21.09.2023) Афонҿыцтәи аҳаԥы абиуџьет аҟынтә иажәхьоу амҿтәы шпалақәа рыԥсахразы иазоужьхоит 12 миллион мааҭ.
АҞӘА, цәыббра 6 – Sputnik, Бадри Есиава. Афонҿыцтәи аҳаԥаҿы ажәытә шпалақәа рыԥсахразы 1800 цыра аихабетонтә шпалақәа аархәеит, абри атәы Sputnik иазеиҭеиҳәеит аҳаԥы ахада ихаҭыԥуаҩ Дамеи Смыр.
"Иҳамоу адәыӷба ҿыцуп уҳәар алшоит. 2014 шықәсазы Рига иаахәан, уи аахыс еиԥҟьарада аус ауеит. Аха аихамҩа уашәшәыроуп. Асовет аамҭақәа раахыс иԥсахым. Амҿы иалху ашпалақәа ракәзар 100% ацәаакыра илоуп. Ишәарҭоу ҭыԥқәак ҳамчқәа рыла абетон ҭаҳарҭәалоит", - иҳәеит иара.
Смыр иажәақәа рыла, аҳаԥаҟынӡа афымцадәыӷба знысуа амҩа аура 1,3 километра иҟоуп. Ҷыдала иҿаҵоуп ашпалақәа урыстәылатәи азауадқәа руак аҿы. Аԥсныҟа иааргараны иҟоуп хымз ирхымгакәа. Афонҿыцтәи аҳаԥы абиуџьет аҟынтә иажәхьоу амҿтәы шпалақәа рыԥсахразы иазоужьхоит 12 миллион мааҭ.
Смыр иҳәеит аҳаԥы анапхгара арельсқәа рыԥсахрагьы шырҭахәу, аха урҭ ҟазҵо макьана иԥшаам.
"Ашпалақәеи арельсқәеи аамҭак ала еицыԥсахзароуп, аха урҭ ҟазҵо даҳзымԥшаац, уи иахҟьаны асуурақәа анынагӡахо аҿҳәарақәа макьаназы еилкаам. Аусурақәа раан аҳаԥы аркхоит, иҟалап 2-3 мзы ҳагар", - иҳәеит иара.
Смыр иазгәеиҭеит аҳаԥы ахаҿра арҽеиразы аусурақәа шцо, уажәазы ирыԥсаххьеит абыркьылҭаԥсақәа, иқәыргылоуп аԥенџьыр ҿыцқәа. Аусурақәа зегьы ирықәхарџьхоит 25 миллион, аӡынразы ихыркәшахоит. Анаҩсан, ахыбра ахԥатәи аихагылаҟынӡа амардуан ҿарҵоит, иажәыз абарҵақәа хԥа ықәганы аҿыцқәа рыла ирыԥсахуеит.
