https://sputnik-abkhazia.info/20230909/aairbaaza-kaluga-azkhioup-aati-aairbaazei-iarei-auseitsurazy-aishaara-rybzhaara-1047906364.html
Аҳаирбаӷәаза Калуга азхиоуп Аҟәатәи аҳаирбаӷәазеи иареи аусеицуразы аиқәшаҳаҭра рыбжьаҵара
Аҳаирбаӷәаза Калуга азхиоуп Аҟәатәи аҳаирбаӷәазеи иареи аусеицуразы аиқәшаҳаҭра рыбжьаҵара
Sputnik Аҧсны
Аԥснытәи аделегациеи Жәларбжьаратәи аҳаирбаӷәаза "Калуга" анапхгареи еиԥылеит. 09.09.2023, Sputnik Аҧсны
2023-09-09T16:30+0300
2023-09-09T16:30+0300
2023-09-09T16:30+0300
аԥсны
аԥсны
ажәабжьқәа
https://cdnn1.img.sputnik-abkhazia.info/img/07e7/09/09/1047905544_0:347:3023:2047_1920x0_80_0_0_aa9657fd29f6c51615614dd3d5193919.jpg
АҞӘА, цәыббра 9 - Sputnik. Аҳаирбаӷәаза Калуга азхиоуп Аҟәатәи аҳаирбаӷәазеи иареи аусеицуразы аиқәшаҳаҭра рыбжьаҵара, абри азы аҳәамҭа ҟаиҵеит аҳаирбаӷәаза анапхгаҩы Салават Кутушев Аԥсны атуризм азы аминистр Ҭеимыраз Хышбеи иареи реиԥылараан.Аминистр напхгара зиҭо аԥсуа делегациеи Жәларбжьаратәи аҳаирбаӷәаза "Калуга" анапхгареи еиԥылеит.Хышба иажәақәа рыла, ари аиԥылара аҵак ду амоуп.Аҟәатәи аҳаирбаӷәаза ареконструкциа алагаразы аиқәшаҳаҭра 2023 шықәса рашәара 16 рзы Санкт-Петербург рнапы аҵарҩит Аԥсны аекономика аминистр Кристина Озгани Урыстәыла аекономикатә ҿиара аминистр Максим Решетникови. Цәыббра 4 рзы Аҟәатәи аҳаирбаӷәаза ареконструкциазы азыҳәақәа рыдкылара иалагеит. Аинвестициатә проект иазԥхьагәанаҭоит акомплекс зегьы ареконструкциа, аеродром, аеровокзалтә комплекс, ауааи аидарақәеи рымҩангара еиқәзыршәо аобиектқәа. Аеродроми аеровокзалтә комплекси аҳәынҭқарра ишахатәу иаанхоит, аинвестор ихы иаирхәалоит.Аиҳабырабжьаратә еиқәшаҳаҭра 49 шықәса аҿҳәара амоуп, аинвестор изы ашәахтә режим ҷыда 25 шықәса ҳәа иазыԥхьаӡоуп. Иҟоуп аиқәшаҳаҭра аҿҳәара нҵәаанӡа иаанхо альготақәагьы. Убри аан аинвестор адгьыл азы ашәахтә ишәалоит, афондқәа рахь ашәарақәа мҩаԥигалоит. Аԥсны иара убасгьы аинвестор изнархиоит ҷыдала фымцамчхарала иеиқәыршәара.
https://sputnik-abkhazia.info/20230904/aati-aairbaaza-arekonstruktsiazy-azyaa-rydkylara-ialageit-1047805513.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
Аҳаирбаӷәаза Калуга азхиоуп Аҟәатәи аҳаирбаӷәазеи иареи аусеицуразы аиқәшаҳаҭра рыбжьаҵара
Аԥснытәи аделегациеи Жәларбжьаратәи аҳаирбаӷәаза "Калуга" анапхгареи еиԥылеит.
АҞӘА, цәыббра 9 - Sputnik. Аҳаирбаӷәаза Калуга азхиоуп Аҟәатәи аҳаирбаӷәазеи иареи аусеицуразы аиқәшаҳаҭра рыбжьаҵара, абри азы аҳәамҭа ҟаиҵеит аҳаирбаӷәаза анапхгаҩы Салават Кутушев Аԥсны атуризм азы аминистр Ҭеимыраз Хышбеи иареи реиԥылараан.
Аминистр напхгара зиҭо аԥсуа делегациеи Жәларбжьаратәи аҳаирбаӷәаза "Калуга" анапхгареи еиԥылеит.
Хышба иажәақәа рыла, ари аиԥылара аҵак ду амоуп.
"Аԥсны азы кыр аҵанакуеит ари азҵаара. Хыԥхьаӡара рацәала ҳтәыла атуристцәа рҭааразы аҳаирбаӷәаза аартра хымԥадатәиуп", - иҳәеит Хышба.
Аҟәатәи аҳаирбаӷәаза ареконструкциа алагаразы аиқәшаҳаҭра 2023 шықәса рашәара 16 рзы Санкт-Петербург рнапы аҵарҩит Аԥсны аекономика аминистр Кристина Озгани Урыстәыла аекономикатә ҿиара аминистр Максим Решетникови. Цәыббра 4 рзы Аҟәатәи аҳаирбаӷәаза ареконструкциазы азыҳәақәа рыдкылара иалагеит.
Аинвестициатә проект иазԥхьагәанаҭоит акомплекс зегьы ареконструкциа, аеродром, аеровокзалтә комплекс, ауааи аидарақәеи рымҩангара еиқәзыршәо аобиектқәа. Аеродроми аеровокзалтә комплекси аҳәынҭқарра ишахатәу иаанхоит, аинвестор ихы иаирхәалоит.
Аиҳабырабжьаратә еиқәшаҳаҭра 49 шықәса аҿҳәара амоуп, аинвестор изы ашәахтә режим ҷыда 25 шықәса ҳәа иазыԥхьаӡоуп. Иҟоуп аиқәшаҳаҭра аҿҳәара нҵәаанӡа иаанхо альготақәагьы. Убри аан аинвестор адгьыл азы ашәахтә ишәалоит, афондқәа рахь ашәарақәа мҩаԥигалоит. Аԥсны иара убасгьы аинвестор изнархиоит ҷыдала фымцамчхарала иеиқәыршәара.
