https://sputnik-abkhazia.info/20230912/akhyty-ombudsmen-erik-matua-iychra-aagylazaasha-akhylashra-alaloit-1047936712.html
Ахәыҷтәы омбудсмен Ерик Матуа иӷьычра аҭагылазаашьа ахылаԥшра алҭалоит
Ахәыҷтәы омбудсмен Ерик Матуа иӷьычра аҭагылазаашьа ахылаԥшра алҭалоит
Sputnik Аҧсны
Хышықәса зхыҵуа Ерик Матуа дызӷьычыз ҩыџьа урыстәылауаа, анду Елена Леушкинои Федора Повесмеи рганахьала ашьаус хацыркуп. 12.09.2023, Sputnik Аҧсны
2023-09-12T09:00+0300
2023-09-12T09:00+0300
2023-09-12T09:00+0300
аԥсны
ажәабжьқәа
https://cdnn1.img.sputnik-abkhazia.info/img/07e7/03/1e/1044951087_0:23:3067:1748_1920x0_80_0_0_ba329495f7f2722b1fc9ebda14a9ae56.jpg
АҞӘА, цәыббра 12 - Sputnik. Аԥсны ахәыҷы изинқәа рыхьчаҩ Мактина Џьынџьалԥҳа Ерик Матуа иӷьычра аҭагылазаашьа ахылаԥшра алҭалоит ҳәа аанацҳауеит омбудсмен лаппарат. Аҳәамҭаҿ иазгәаҭоуп ареспублика азакәанԥҵара инақәыршәаны, аомбудсмен ахәыҷы изинқәа роуп илыхьчо, ахԥатәи ахаҿқәа рзинқәа ракәымкәа. Ани уи лыуацәа ааигәақәа – андуи абдуи налаҵаны рзинқәа шыркьаҿу атәы аҳәоит арзаҳал. Аӡбарҭа аӡбарала ахәыҷы, Ерик Матуа дицынхозар акәын, аха 2023 шықәса ԥхынгәымзазы аб, уигьы Ерик Матуа захьӡу, даҽа хаҿқәак алархәны, заанаҵы еилацәажәаны арҳәра мҩаԥигеит ҳәа иҟаз агәызҩарала ҩымз дырбаандаҩын. Иара ахылаԥшартә усбарҭақәа рахь аҳәара ҟаиҵеит ахәыҷы хылаԥшҩыс димазарц иԥшәмаԥҳәыс М.Хуршудиан. Аппарат адырра ҟанаҵоит аомбудсмен азинмч шлымам ахәыҷқәа рхылаԥшра аиҿкааразы. Цәыббра 5, 2023 шықәсазы ахәыҷы иӷьычраз аҽазышәара мҩаԥган. Аԥсны Апрокуратура хада алаҳәара ҟанаҵеит Елена Леушкинеи Федор Повесмеи рганахьала ашьаус хацыркуп ҳәа. Аусҭҵаара адыррақәа рыла, Леушкинеи дзыцынхоз ахаҵа Повесмеи нанҳәа 10 рзы Матуаа рыҩнаҭаҿы рмоҭа дырбон. Нанҳәа 14 рзы аиԥылара мҩаԥысит ахәыҷы ианԥса Хуршудиани ианду Шьониеи алархәны. Дара ахәыҷы дрыманы аурыс-аԥсуа ҳәаахь идәықәлеит атәыла далыргарц. Леушкинеи Повесмеи ахәыҷы иан Александра Леушкина лҟынтәи Урыстәыла ишьақәырӷәӷәаз аршаҳаҭга рыман. Мысра агәаҭарҭаҟны дара мҩанызгоз амашьына ааныркылеит Аҳәынҭавтоинспекциа аусзуҩцәа.
https://sputnik-abkhazia.info/20230727/aa-aala-aprokuratura-ashaus-khatsnarkit-aychra-aganakh-ala-1047138856.html
https://sputnik-abkhazia.info/20230905/akhyy-dyzychyz-ya-urystylauaa-rganakhala-ashaus-khatsyrkup--1047826668.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Ахәыҷтәы омбудсмен Ерик Матуа иӷьычра аҭагылазаашьа ахылаԥшра алҭалоит
Хышықәса зхыҵуа Ерик Матуа дызӷьычыз ҩыџьа урыстәылауаа, анду Елена Леушкинои Федора Повесмеи рганахьала ашьаус хацыркуп.
АҞӘА, цәыббра 12 - Sputnik. Аԥсны ахәыҷы изинқәа рыхьчаҩ Мактина Џьынџьалԥҳа Ерик Матуа иӷьычра аҭагылазаашьа ахылаԥшра алҭалоит ҳәа аанацҳауеит омбудсмен лаппарат.
Аҳәамҭаҿ иазгәаҭоуп ареспублика азакәанԥҵара инақәыршәаны, аомбудсмен ахәыҷы изинқәа роуп илыхьчо, ахԥатәи ахаҿқәа рзинқәа ракәымкәа.
Ерик Матуа иан Александра Леушкина, 2023 шықәса мшаԥы 18 рзы Аҟәатәи ақалақьтә ӡбарҭа аӡбарала аҭаацәаратә зинқәа лзыркьаҿын. Ари аӡбара Иреиҳаӡоу аӡбарҭа Ахашшааратә коллегиа иаԥсахит, аха 20-мш рыҩнуҵҟа ан лганахьала аӡәгьы дыдымҵаалацызт.
Ани уи лыуацәа ааигәақәа – андуи абдуи налаҵаны рзинқәа шыркьаҿу атәы аҳәоит арзаҳал. Аӡбарҭа аӡбарала ахәыҷы, Ерик Матуа дицынхозар акәын, аха 2023 шықәса ԥхынгәымзазы аб, уигьы Ерик Матуа захьӡу, даҽа хаҿқәак алархәны, заанаҵы еилацәажәаны арҳәра мҩаԥигеит ҳәа иҟаз агәызҩарала ҩымз дырбаандаҩын. Иара ахылаԥшартә усбарҭақәа рахь аҳәара ҟаиҵеит ахәыҷы хылаԥшҩыс димазарц иԥшәмаԥҳәыс М.Хуршудиан.
Аппарат адырра ҟанаҵоит аомбудсмен азинмч шлымам ахәыҷқәа рхылаԥшра аиҿкааразы.
Цәыббра 5, 2023 шықәсазы ахәыҷы иӷьычраз аҽазышәара мҩаԥган. Аԥсны Апрокуратура хада алаҳәара ҟанаҵеит Елена Леушкинеи Федор Повесмеи рганахьала ашьаус хацыркуп ҳәа.
Аусҭҵаара адыррақәа рыла, Леушкинеи дзыцынхоз ахаҵа Повесмеи нанҳәа 10 рзы Матуаа рыҩнаҭаҿы рмоҭа дырбон. Нанҳәа 14 рзы аиԥылара мҩаԥысит ахәыҷы ианԥса Хуршудиани ианду Шьониеи алархәны. Дара ахәыҷы дрыманы аурыс-аԥсуа ҳәаахь идәықәлеит атәыла далыргарц. Леушкинеи Повесмеи ахәыҷы иан Александра Леушкина лҟынтәи Урыстәыла ишьақәырӷәӷәаз аршаҳаҭга рыман. Мысра агәаҭарҭаҟны дара мҩанызгоз амашьына ааныркылеит Аҳәынҭавтоинспекциа аусзуҩцәа.
