https://sputnik-abkhazia.info/20230921/sy-ayay-shynazhayk-ryna--adispanserizatsia-iakhysit-1048092881.html
Ԥсҳәы ақыҭаҿы ԥшьынҩажәаҩык рҟынӡа адиспансеризациа иахысит
Ԥсҳәы ақыҭаҿы ԥшьынҩажәаҩык рҟынӡа адиспансеризациа иахысит
Sputnik Аҧсны
Ԥсҳәы ақыҭа ауааԥсыра ргәабзиара гәарҭеит Адунеизегьтәи аԥсуа-абаза конгресси Агәабзиарахьчара аминистрреи еицымҩаԥырго апроект аҳәаақәа ирҭагӡаны. 21.09.2023, Sputnik Аҧсны
2023-09-21T11:25+0300
2023-09-21T11:25+0300
2023-09-21T11:25+0300
аԥсны
аԥсны
ажәабжьқәа
агәабзиара
https://cdnn1.img.sputnik-abkhazia.info/img/07e7/09/14/1048079263_0:67:1280:787_1920x0_80_0_0_ac835d9624da5f7eeccd9e7bb58ca16c.jpg
АҞӘА, цәыббра 21 – Sputnik, Бадраҟ Аҩӡба. Ԥсҳәы ԥшьынҩажәаҩык рҟынӡа ақыҭауаа адиспансеризациа иахысит, ари арбагақәа анхаҩцәа рхыԥхьаӡара абжоуп, абри атәы Sputnik иазеиҭалҳәеит Адунеизегьтәи аԥсуа-абаза конгресс аҵареи, асоциалтә активреи, агәабзиарахьчареи рыҟәша анапхгаҩы Изольда Ҳагԥҳа. Амедицинатә пункт ахь изымнеиуаз абыргцәа рыҩныҟақәа аҳақьымцәа УЗИ, ЕКГ аппаратқәа рыманы инеиуан, рҭагылазаашьа ҭырҵаауан. "Акардиолог Инга Ԥиԥиаԥҳа аҭыԥ аҿы иралҳәон иҟарҵаша, иаҭахызар ихарҭәаау агәаҭарақәа алырбон. Аҳақьым-ендокринолог Нана Аргәынԥҳагьы аҭыԥаҟны иаразнак рыхәшәтәразы асхема рыдылгалон. Агинеколог Оксана Чытанааԥҳа аҳәса уаанӡа ргәабзиара иаԥырхагамыз ачымазарақәа рыдылбалеит", - лҳәоит Ҳагԥҳа. Лара иазгәалҭеит иуадаҩыз чмазара шазгәаҭамыз, аха аӡы аҿы ихьанҭоу аметаллқәа ахьыҟоу азы хәыҷи-дуи рхаԥыцқәа апроблемақәа шрымоу. "Агәыԥ далан ахаԥыцхәышәтәҩы Лев Амҷба, уи аҭыԥ аҿы ауаа рхаԥыцқәа ихәышәтәуан ", - лҳәеит Ҳаӷԥҳа. Игәаҭаз ахәыҷқәа реиҳарак ргәы бзиоуп. "Ахәыҷқәа аиҳарак рхаԥыцқәа рыпроблема ыҟоуп. Иара убасгьы агаджетқәа раамҭазы ицәырҵит алабара апроблема, ареабилитологцәа иазгәарҭоит ашьапашҵаҩызара, арентген иаҳнарбоит абӷашша апроблемақәа. Ари ишьақәнарӷәӷәоит ахәыҷқәа шыхәыҷу азхьаԥшра шрыҭалатәу", - лҳәоит Изольда Ҳагԥҳа. Раԥхьаӡакәны Ԥсҳәыҟа ихагалан УЗИ, ЕКГ аппаратқәа, еиҭарго арентгенодиагностиатә комплекс. "Аҳақьымцәа аҭыԥ аҿы аҭҵаарақәа мҩаԥганы аҽыхәышәтәразы арбарақәа ҟарҵон, анализқәа анаҩс Аҟәаҟа иааганы агәаҭара иахрыжьуеит. Ҳара арахь ҳанаауаз аҳаирплан ала даагеит зыла ԥҟатәыз аԥҳәыс", - еиҭалҳәоит лара. Аҟәа ари аԥҳәыс длыдылкылеит аофтальмолог Анна Ақаҩԥҳа. Уи аԥҟара иаҭахыз ахарџьқәа зегьылхахьы илгеит. Агәабзиарахьчара аминистрра акәзар иахәҭаны иҟаз ахәшәқәа хәыдаԥсада илызнаргеит. Изольда Ҳагԥҳа илҳәеит апроект аиҿкааҩцәа рыпланқәа рыла адиспансеризациа мҩаԥгахоит 2023 шықәса нҵәаанӡа. Апроект мҩаԥнагоит Адунеизегьтәи аԥсуа-абаза конгресс, Агәабзиарахьчара аминистрреи Аҵара аминистрреи рыцхыраарала. Апроект хацыркын 2023 шықәса хәажәкырамзазы. Уи аамҭа иалагӡаны ргәабзиара ҭҵаауп 718-ҩык, урҭ рахьтә 605-ҩык школхәыҷқәоуп, 113-ҩык рҵаҩцәоуп.Ԥсҳәы ақыҭаҿтәи адиспансеризациа иалахәын: акардиолог Инга Ԥиԥиаԥҳа, амедиеҳәшьа Ева Нарманиаԥҳа, арентгенолог Аслан Берзениа, ахаԥыцхәышәтәҩы Лев Амҷба, агинеколог Оксана Чытанааԥҳа, ахәыҷтәы хирург Зита Апԥҳа, аневропатолог Фатима Сангәлиаԥҳа, аендокринолог Нана Аргәынԥҳа, аофтальмолог Анна Ақаҩԥҳа, амедиеҳәшьа Мадина Царгәышԥҳа, ауролог Давид Смыр, атерапевт Андреи Ҭыжәба, Аԥсны аҭҵаарадыррақәа Ракадемиа ИЕПиТ аусзуҩцәа Фаина Горухчиевеи Ҳамида Ҭраԥшьԥҳаи.
https://sputnik-abkhazia.info/20230916/ashkhaya-sy-auaasyra-ameditsinat-gaara-iakhysueit-1048016925.html
https://sputnik-abkhazia.info/20230912/amba-ashkolkhya-rgabziara-aaarazy-garda-ui-azhabzh-gakharyla-irydyrkyleit--1047944889.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа, агәабзиара
аԥсны, ажәабжьқәа, агәабзиара
Ԥсҳәы ақыҭаҿы ԥшьынҩажәаҩык рҟынӡа адиспансеризациа иахысит
Ԥсҳәы ақыҭа ауааԥсыра ргәабзиара гәарҭеит Адунеизегьтәи аԥсуа-абаза конгресси Агәабзиарахьчара аминистрреи еицымҩаԥырго апроект аҳәаақәа ирҭагӡаны.
АҞӘА, цәыббра 21 – Sputnik, Бадраҟ Аҩӡба. Ԥсҳәы ԥшьынҩажәаҩык рҟынӡа ақыҭауаа адиспансеризациа иахысит, ари арбагақәа анхаҩцәа рхыԥхьаӡара абжоуп, абри атәы Sputnik иазеиҭалҳәеит Адунеизегьтәи аԥсуа-абаза конгресс аҵареи, асоциалтә активреи, агәабзиарахьчареи рыҟәша анапхгаҩы Изольда Ҳагԥҳа.
"АААК уаанӡа ақыҭақәа рҿы адиспансеризациа мҩаԥнагон арҵаҩцәеи аҵаҩцәеи рзы, аха Ԥсҳәы азы иӡбан ҽакала азнеишьа, ақыҭауаа арахь рылбаара ахьыуадаҩу азы. Убри азы адуцәагьы ахәыҷқәагьы амедицинатә гәаҭара иахыжьын", - лҳәеит лара.
Амедицинатә пункт ахь изымнеиуаз абыргцәа рыҩныҟақәа аҳақьымцәа УЗИ, ЕКГ аппаратқәа рыманы инеиуан, рҭагылазаашьа ҭырҵаауан.
"Акардиолог Инга Ԥиԥиаԥҳа аҭыԥ аҿы иралҳәон иҟарҵаша, иаҭахызар ихарҭәаау агәаҭарақәа алырбон. Аҳақьым-ендокринолог Нана Аргәынԥҳагьы аҭыԥаҟны иаразнак рыхәшәтәразы асхема рыдылгалон. Агинеколог Оксана Чытанааԥҳа аҳәса уаанӡа ргәабзиара иаԥырхагамыз ачымазарақәа рыдылбалеит", - лҳәоит Ҳагԥҳа.
Лара иазгәалҭеит иуадаҩыз чмазара шазгәаҭамыз, аха аӡы аҿы ихьанҭоу аметаллқәа ахьыҟоу азы хәыҷи-дуи рхаԥыцқәа апроблемақәа шрымоу.
"Агәыԥ далан ахаԥыцхәышәтәҩы Лев Амҷба, уи аҭыԥ аҿы ауаа рхаԥыцқәа ихәышәтәуан ", - лҳәеит Ҳаӷԥҳа.
Игәаҭаз ахәыҷқәа реиҳарак ргәы бзиоуп.
"Ахәыҷқәа аиҳарак рхаԥыцқәа рыпроблема ыҟоуп. Иара убасгьы агаджетқәа раамҭазы ицәырҵит алабара апроблема, ареабилитологцәа иазгәарҭоит ашьапашҵаҩызара, арентген иаҳнарбоит абӷашша апроблемақәа. Ари ишьақәнарӷәӷәоит ахәыҷқәа шыхәыҷу азхьаԥшра шрыҭалатәу", - лҳәоит Изольда Ҳагԥҳа.
Раԥхьаӡакәны Ԥсҳәыҟа ихагалан УЗИ, ЕКГ аппаратқәа, еиҭарго арентгенодиагностиатә комплекс.
"Аҳақьымцәа аҭыԥ аҿы аҭҵаарақәа мҩаԥганы аҽыхәышәтәразы арбарақәа ҟарҵон, анализқәа анаҩс Аҟәаҟа иааганы агәаҭара иахрыжьуеит. Ҳара арахь ҳанаауаз аҳаирплан ала даагеит зыла ԥҟатәыз аԥҳәыс", - еиҭалҳәоит лара.
Аҟәа ари аԥҳәыс длыдылкылеит аофтальмолог Анна Ақаҩԥҳа. Уи аԥҟара иаҭахыз ахарџьқәа зегьылхахьы илгеит. Агәабзиарахьчара аминистрра акәзар иахәҭаны иҟаз ахәшәқәа хәыдаԥсада илызнаргеит.
Изольда Ҳагԥҳа илҳәеит апроект аиҿкааҩцәа рыпланқәа рыла адиспансеризациа мҩаԥгахоит 2023 шықәса нҵәаанӡа.
Апроект мҩаԥнагоит Адунеизегьтәи аԥсуа-абаза конгресс, Агәабзиарахьчара аминистрреи Аҵара аминистрреи рыцхыраарала. Апроект хацыркын 2023 шықәса хәажәкырамзазы. Уи аамҭа иалагӡаны ргәабзиара ҭҵаауп 718-ҩык, урҭ рахьтә 605-ҩык школхәыҷқәоуп, 113-ҩык рҵаҩцәоуп.
Ԥсҳәы ақыҭаҿтәи адиспансеризациа иалахәын: акардиолог Инга Ԥиԥиаԥҳа, амедиеҳәшьа Ева Нарманиаԥҳа, арентгенолог Аслан Берзениа, ахаԥыцхәышәтәҩы Лев Амҷба, агинеколог Оксана Чытанааԥҳа, ахәыҷтәы хирург Зита Апԥҳа, аневропатолог Фатима Сангәлиаԥҳа, аендокринолог Нана Аргәынԥҳа, аофтальмолог Анна Ақаҩԥҳа, амедиеҳәшьа Мадина Царгәышԥҳа, ауролог Давид Смыр, атерапевт Андреи Ҭыжәба, Аԥсны аҭҵаарадыррақәа Ракадемиа ИЕПиТ аусзуҩцәа Фаина Горухчиевеи Ҳамида Ҭраԥшьԥҳаи.
