"Аԥсны Зҽаԥсазтәыз арҵаҩы" ҳәа аҳаҭырҭә хьыӡқәа рыхҵоуп гәыԥҩык арҵаҩцәа
21:40 05.10.2023 (ирҿыцуп: 22:23 05.10.2023)
© Sputnik / Томас Тхайцук
Анапаҵаҩра
Аҧсны Ахада Аслан Бжьаниа инапы аҵеиҩит аусԥҟа жьҭаара 5, Арҵаҩ имш аҽны арҵаҩцәа аҳаҭырҭә хьӡқәа рыхҵаразы.
АҞӘА, жьҭаара 5 – Sputnik. "Аҧсны Аҳәынҭқарра зҽаҧсазтәыз арҵаҩы" ҳәа аҳаҭыртә хьыӡқәа рыхҵоуп жәҩык аԥснытәи арҵаҩцәа ҳәа аанацҳауеит ахада ипресс-маҵзура.
Аусҧҟа инақәыршәаны, арҵаҩратә усураҟны рлагалеи, арҵареи, еизҳауа абиҧара реиҵааӡареи рзы аҳаҭыртә хьӡқәа рыхҵоуп:
Гриценко Светлана - Аҟәа ақ. Иу.Н. Воронов ихьӡ зху ашкол №3 агеографиа арҵаҩы;
Делԥҳа Нонна - Аҟәа ақ. Б. У. Шьынқәба ихьӡ зху актәи абжьаратәи ашкол №1 адиректор;
Конџьариаԥҳа Нелли - К. Инал-иҧа ихьӡ зху Бзыҧтәи абжьаратәи ашкол №2 аматематика арҵаҩы;
Кошель Вера - Аҟәа ақ. А. С. Пушкин ихьӡ зху №2 абжьаратәи ашкол аиҵбыратәи аклассқәа рырҵаҩы;
Лакәаԥҳа Аида - Н. А. Лакоба ихьӡ зху Гәдоуҭатәи абжьаратәи ашкол № 1 аурыс бызшәеи алитературеи рырҵаҩы;
Топчиан Лиана - Аҟәа ақ. К. В. Ковач ихьӡ зху Ахәыҷтәы ҟазара ашкол №1 афортепиано акласс арҵаҩы;
Уридиаԥҳа Нана - Аҟәа ақ. ацхыраагӡатә школ ԥасатәи адиректор;
Ҳагԥҳа Елеонора - В. К. Аргәын ихьӡ зху Гәдоуҭатәи абжьаратәи ашкол №2 аматематика арҵаҩы;
Шамԥҳа Хьыбла - Д. И. Гәлиа ихьӡ зху Аҟәатәи абжьаратәи ашкол №4 аиҵбыратә классқәа рырҵаҩы;
Амҷба Вахтанг – Очамчыра араион ахадара аҵара аҟәша аиҳабы ихаҭыԥуаҩ;
Зақараиаԥҳа Емма – Дырмит Гәлиа ихьӡ зху Тамшьтәи абжьаратә школ адиректор.
