https://sputnik-abkhazia.info/20231008/agyblaa-akhnyga-alagan-nas-akasy-izhytu-ashaaara-aabz-iazkny-1048520143.html
Агәыблаа, аԥхныга, алагьан, нас акасы: ижәытәу аԥшаҿаҳәара ақьабз иазкны
Агәыблаа, аԥхныга, алагьан, нас акасы: ижәытәу аԥшаҿаҳәара ақьабз иазкны
Sputnik Аҧсны
Аԥша ӷәӷәа асра аанкылараз ажәытәан аԥсуаа ҳҟны имҩаԥыргоз ақьабз "аԥшаҿаҳәара" дазааҭгылоит Аԥсуаҭҵааратә институт афольклортә лабораториа аусзуҩ Сусанна... 08.10.2023, Sputnik Аҧсны
2023-10-08T17:10+0300
2023-10-08T17:10+0300
2023-10-08T17:33+0300
аԥсны
жәлар рдоуҳа
https://cdnn1.img.sputnik-abkhazia.info/img/102833/77/1028337790_0:1:3072:1729_1920x0_80_0_0_dafa6d22867d6d2cbfa35305901faeaa.jpg
Аԥсуаа жәытәла имҩаԥыргоз аритуалқәа рҿы инарылукаартә иҟоуп ҷыдала аԥсабаратә цәырҵрақәа рырҭынчра, рҭышәныртәалара иазку. Иаагозар, аԥшасра ианалага, шьҭа иханарҟьацәоума уҳәо ианыҟало арҭынчразы имҩаԥыргоз аритуал иахьӡын "аԥшаҿаҳәара". Аԥсуаа агәра ргон, аԥша ӷәӷәа асра иалагазар, уи артәара, аанкылара "аԥша аҿаҳәара" залыршахоит ҳәа.Аԥшаҿаҳәара ус имариамызт, уи "аиааира", мамзаргьы "анапахьы аагара" зылшоз зықәрахь инеихьаз аԥҳәыс цқьа лакәын.Аԥшаҿаҳәара ахкқәа еиуеиԥшым. Ари аритуал амҩаԥгараан рхы иадырхәо маҭәарқәоуп: акасы, агәыблаа, аџьаз лагьан, аԥхныга.Афольклорист Цира Габниаԥҳа лыстатиа "Аԥсуа ҵасқәеи ақьабзқәеи изызкуи ирымҩаԥгашьоуи рзы згәаҭарақәак" аҿы иалырбоит еиуеиԥшым ажәабжьҳәаҩцәа рҟнытә ианылҵаз аԥшаҿаҳәара ахкқәа хԥа рымҩаԥгашьа:Акасы ала аԥшаҿаҳәараАԥша ӷәӷәаны, аҵлақәа еиларгьежьуа, аҩны ахыбқәа ахыжәжәо, амш аҵх еиԥш ирлашьцо, аарыхра хыжәжәо ианасуа, ажәытәан аԥҳәыс цқьа акасы аашьҭыхны аҿаҳәара далагон, абас ҳәо: "Аԥша уҿасҳәоит, аԥша уҿасҳәоит, аԥша уҿасҳәоит" ҳәа, нас даагьежьны абас ацылҵон: "Аԥша тәеит, аԥша тәеит, аԥша тәеит" ҳәа. Иҿалҳәаз акасы ахчы, ма ахчныза иаҵалҵон. Аԥша анеиқәтәалак акасы ԥлыртлон.Аџьаз лагьан ала аԥшаҿаҳәараАԥша ԥшьаала ишасуаз, аҽарӷәӷәо мацара амашәыр ҟанаҵаратәы аҟынӡа аҽанарӷәӷәалак, аџьаз лагьан ԥшааны аԥшаҿаҳәара иалагон. Аџьаз лагьан ҿыцха иаашьҭаҵаны, алаба аанкыла, абас лҳәоит: "Абра уҵаскит! Утәа! Уҽеиқәкы!" ҳәа. Имтәошәа лбар, ллаба аџьаз лагьан ақәцә аҟәаҩ-аҟәаҩҳәа асра далагоит, абасгьы ҳәо: "Ухы ҭысҟьеит! Уааԥсеит! Ухы ҭысҟьеит! Уааԥсеит!" ҳәа.Маҷ-маҷ лыбжьи ллаба ашьҭыбжьи еиҵатәуа абасгьы нацылҵоит: "Уеиқәтәа! Уеиқәтәа! Уеиқәтәа!" Аԥшагьы ишазгәарҭоз ала аҽарҭынчуан.Аԥхныга ала аԥшаҿаҳәараАԥшәмаԥҳәыс лоуп иҟазҵо. Аԥхныга аашьҭыхны, "абас ухьанҭахааит" ҳәа хынтә илҳәоит, нас ахәшҭаара ааигәара џьара ишьҭалҵоит.Афольклорист Валентин Коӷониа ишәҟәы "Аԥсуаа рҿаԥыцтә поезиа аиҿартәышьа" аҟны иааигоит аԥшьбатәи, аҵыхәтәантәи аԥшаҿаҳәара ахкы "агәыблаа ала аԥшаҿаҳәара" аан ирҳәо ажәақәа:Агәыблаа ала аԥшаҿаҳәараАԥшаӷьы анасуа аԥҳәыс цқьа агәыблаа аашьҭыхны ҿыцха иаарҳәны ишьҭалҵоит. Ианышьҭалҵо: "Аԥша, абра уҵаскит! Аԥша, абра уҵаскит! Аԥша, абра уҵаскит!" ҳәа хынтә илҳәоит. Нас ларгьы ԥшьаала агәыблаа днаватәоит. Дантәалак, "Сара сыштәаз еиԥш уаргьы утәа! Уаргьы утәа! Утәа!" – лҳәоит, лнапы агәыблаа ахы иқәшьуа.Ажәытә ритуалқәа иреиуоу "аԥшаҿаҳәара" абас имҩаԥыргон. Иахьазы уи атәы здыруа, иҟазҵо атәы маҷӡоуп умҳәозар.
https://sputnik-abkhazia.info/20190616/Afy-usaait-adyd-amatsys-zaakhaz-rnyara-1027644708.html
https://sputnik-abkhazia.info/20200816/Amrei-amzei-akhyam-bzazara-yam-zhant-tsyrraa-iryzku-azhlar-razgaaraa-1030768541.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
жәлар рдоуҳа
Агәыблаа, аԥхныга, алагьан, нас акасы: ижәытәу аԥшаҿаҳәара ақьабз иазкны
17:10 08.10.2023 (ирҿыцуп: 17:33 08.10.2023) Сусанна Ҭаниаԥҳа
Аԥсуаҭҵааратә институт афольклортә лабораториа аусзуҩ
Аԥша ӷәӷәа асра аанкылараз ажәытәан аԥсуаа ҳҟны имҩаԥыргоз ақьабз "аԥшаҿаҳәара" дазааҭгылоит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Аԥсуаа жәытәла имҩаԥыргоз аритуалқәа рҿы инарылукаартә иҟоуп ҷыдала аԥсабаратә цәырҵрақәа рырҭынчра, рҭышәныртәалара иазку. Иаагозар, аԥшасра ианалага, шьҭа иханарҟьацәоума уҳәо ианыҟало арҭынчразы имҩаԥыргоз аритуал иахьӡын "аԥшаҿаҳәара". Аԥсуаа агәра ргон, аԥша ӷәӷәа асра иалагазар, уи артәара, аанкылара "аԥша аҿаҳәара" залыршахоит ҳәа.
Аԥшаҿаҳәара ус имариамызт, уи "аиааира", мамзаргьы "анапахьы аагара" зылшоз зықәрахь инеихьаз аԥҳәыс цқьа лакәын.
Аԥшаҿаҳәара ахкқәа еиуеиԥшым. Ари аритуал амҩаԥгараан рхы иадырхәо маҭәарқәоуп: акасы, агәыблаа, аџьаз лагьан, аԥхныга.
Афольклорист Цира Габниаԥҳа лыстатиа "Аԥсуа ҵасқәеи ақьабзқәеи изызкуи ирымҩаԥгашьоуи рзы згәаҭарақәак" аҿы иалырбоит еиуеиԥшым ажәабжьҳәаҩцәа рҟнытә ианылҵаз аԥшаҿаҳәара ахкқәа хԥа рымҩаԥгашьа:
Аԥша ӷәӷәаны, аҵлақәа еиларгьежьуа, аҩны ахыбқәа ахыжәжәо, амш аҵх еиԥш ирлашьцо, аарыхра хыжәжәо ианасуа, ажәытәан аԥҳәыс цқьа акасы аашьҭыхны аҿаҳәара далагон, абас ҳәо: "Аԥша уҿасҳәоит, аԥша уҿасҳәоит, аԥша уҿасҳәоит" ҳәа, нас даагьежьны абас ацылҵон: "Аԥша тәеит, аԥша тәеит, аԥша тәеит" ҳәа. Иҿалҳәаз акасы ахчы, ма ахчныза иаҵалҵон. Аԥша анеиқәтәалак акасы ԥлыртлон.
Аџьаз лагьан ала аԥшаҿаҳәара
Аԥша ԥшьаала ишасуаз, аҽарӷәӷәо мацара амашәыр ҟанаҵаратәы аҟынӡа аҽанарӷәӷәалак, аџьаз лагьан ԥшааны аԥшаҿаҳәара иалагон. Аџьаз лагьан ҿыцха иаашьҭаҵаны, алаба аанкыла, абас лҳәоит: "Абра уҵаскит! Утәа! Уҽеиқәкы!" ҳәа. Имтәошәа лбар, ллаба аџьаз лагьан ақәцә аҟәаҩ-аҟәаҩҳәа асра далагоит, абасгьы ҳәо: "Ухы ҭысҟьеит! Уааԥсеит! Ухы ҭысҟьеит! Уааԥсеит!" ҳәа.
Маҷ-маҷ лыбжьи ллаба ашьҭыбжьи еиҵатәуа абасгьы нацылҵоит: "Уеиқәтәа! Уеиқәтәа! Уеиқәтәа!" Аԥшагьы ишазгәарҭоз ала аҽарҭынчуан.
Аԥшәмаԥҳәыс лоуп иҟазҵо. Аԥхныга аашьҭыхны, "абас ухьанҭахааит" ҳәа хынтә илҳәоит, нас ахәшҭаара ааигәара џьара ишьҭалҵоит.
Афольклорист Валентин Коӷониа ишәҟәы "Аԥсуаа рҿаԥыцтә поезиа аиҿартәышьа" аҟны иааигоит аԥшьбатәи, аҵыхәтәантәи аԥшаҿаҳәара ахкы "агәыблаа ала аԥшаҿаҳәара" аан ирҳәо ажәақәа:
Аԥшаӷьы анасуа аԥҳәыс цқьа агәыблаа аашьҭыхны ҿыцха иаарҳәны ишьҭалҵоит. Ианышьҭалҵо: "Аԥша, абра уҵаскит! Аԥша, абра уҵаскит! Аԥша, абра уҵаскит!" ҳәа хынтә илҳәоит. Нас ларгьы ԥшьаала агәыблаа днаватәоит. Дантәалак, "Сара сыштәаз еиԥш уаргьы утәа! Уаргьы утәа! Утәа!" – лҳәоит, лнапы агәыблаа ахы иқәшьуа.
Ажәытә ритуалқәа иреиуоу "аԥшаҿаҳәара" абас имҩаԥыргон. Иахьазы уи атәы здыруа, иҟазҵо атәы маҷӡоуп умҳәозар.
