https://sputnik-abkhazia.info/20231018/askulptor-gennadi-lakoba-itsyrgaa-moskva-imagakhoit-1048665370.html
Аскульптор Геннади Лакоба ицәыргақәҵа Москва имҩаԥгахоит
Аскульптор Геннади Лакоба ицәыргақәҵа Москва имҩаԥгахоит
Sputnik Аҧсны
Геннади Лакоба – аԥсуа скульптор, асахьаҭыхыҩ, ИуНЕСКО асахьаҭыхыҩцәа Жәларбжьаратәи рассоциациа алахәыла. 18.10.2023, Sputnik Аҧсны
2023-10-18T17:37+0300
2023-10-18T17:37+0300
2023-10-18T17:37+0300
аԥсны
ажәабжьқәа
акультура
https://cdnn1.img.sputnik-abkhazia.info/img/101877/01/1018770135_0:160:3076:1890_1920x0_80_0_0_e39cf0bc9dd845fa58a1d6b33f312ebb.jpg
АҞӘА, жьҭаара 18 – Sputnik, Асмаҭ Ҵәыџьԥҳа. Аскульптор Геннади Лакоба ицәыргақәҵа Москва, арт-ҵакыра Rasario аҿы жьҭаара 19 рзы имҩаԥгахоит ҳәа Sputnik иазеиҭалҳәеит адизаинер, абренд Rasario ахатәтәҩы Расида Лакәаԥҳа.Лара лажәақәа рыла, Геннади Лакобеи лареи реиԥылароуп лгәы азҭазҵаз абутик Rasario арт-ҵакыраны аҟаҵаразы.Ацәыргақәҵахь инагахоит аџьази амармалташьи ирылху иусумҭақәа. Урҭ аԥҳәыс лҭеиҭыԥши лдоуҳаи рыԥшӡара ашәа азырҳәоит. Ари афилософиа абренд Rasario иазааигәоу акоуп."Ҳәашьа змам агәахәара сызцәырнагоит раԥхьаӡа акәны имҩаԥааго арт-уснагӡатә асеиԥш аҟазшьа ҷыда ахьамоу, асимволра ахьаныԥшуа. Геннадии ҳареи ҳзы ацәыргақәҵа ацәыргақәҵара адагьы аҟазарахь абзиабара иасимволуп", - лҳәеит Расида.Аԥсуа скульптор Геннади Лакоба – Қарҭтәи асахьаҭыхратә академиеи Санкт-Петербург аҟазара академиеи дроушьҭымҭоуп. Иусумҭақәа адунеи еиуеиԥшым агалереақәеи ахатә коллекциақәеи рҿы иҟоуп. Иара убасгьы Аҟәа игылоу Амҳаџьырқәа рбаҟагьы зымпыҵыҵыз Лакоба иоуп.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, акультура
Аскульптор Геннади Лакоба ицәыргақәҵа Москва имҩаԥгахоит
Геннади Лакоба – аԥсуа скульптор, асахьаҭыхыҩ, ИуНЕСКО асахьаҭыхыҩцәа Жәларбжьаратәи рассоциациа алахәыла.
АҞӘА, жьҭаара 18 – Sputnik, Асмаҭ Ҵәыџьԥҳа. Аскульптор Геннади Лакоба ицәыргақәҵа Москва, арт-ҵакыра Rasario аҿы жьҭаара 19 рзы имҩаԥгахоит ҳәа Sputnik иазеиҭалҳәеит адизаинер, абренд Rasario ахатәтәҩы Расида Лакәаԥҳа.
Лара лажәақәа рыла, Геннади Лакобеи лареи реиԥылароуп лгәы азҭазҵаз абутик Rasario арт-ҵакыраны аҟаҵаразы.
"Ҳшеижәлантәугьы, хаҭала ҳаибадыруамызт. Уи иагьџьашьатәӡам. Геннади Лакоба — иҳараку арҿиаратә дунеи дацкаруп. Аха аҭагылазаашьақәа убас еиқәшәеит, ари ауаҩы ссир дыздырит, иагьысыӡбеит ирҿиаратә цәыргақәҵа еиҿыскаарц", – лҳәеит лара.
Ацәыргақәҵахь инагахоит аџьази амармалташьи ирылху иусумҭақәа. Урҭ аԥҳәыс лҭеиҭыԥши лдоуҳаи рыԥшӡара ашәа азырҳәоит. Ари афилософиа абренд Rasario иазааигәоу акоуп.
"Ҳәашьа змам агәахәара сызцәырнагоит раԥхьаӡа акәны имҩаԥааго арт-уснагӡатә асеиԥш аҟазшьа ҷыда ахьамоу, асимволра ахьаныԥшуа. Геннадии ҳареи ҳзы ацәыргақәҵа ацәыргақәҵара адагьы аҟазарахь абзиабара иасимволуп", - лҳәеит Расида.
Аԥсуа скульптор Геннади Лакоба – Қарҭтәи асахьаҭыхратә академиеи Санкт-Петербург аҟазара академиеи дроушьҭымҭоуп. Иусумҭақәа адунеи еиуеиԥшым агалереақәеи ахатә коллекциақәеи рҿы иҟоуп. Иара убасгьы Аҟәа игылоу Амҳаџьырқәа рбаҟагьы зымпыҵыҵыз Лакоба иоуп.
