https://sputnik-abkhazia.info/20231118/aayn-myshky-iuua-agalan-imzany-iuyloit-akhy-agalani-akhyei-1049119316.html
"Ааԥын мышкы иууа, ҭагалан имзаны иуԥылоит": ахьы ҭагалани аԥхыӡқәеи
"Ааԥын мышкы иууа, ҭагалан имзаны иуԥылоит": ахьы ҭагалани аԥхыӡқәеи
Sputnik Аҧсны
Ҭагалан иадҳәалоу аԥхыӡқәа ирыҵоу амаӡа еилышәкаарц шәылшоит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа лматериал аҟны. 18.11.2023, Sputnik Аҧсны
2023-11-18T16:20+0300
2023-11-18T16:20+0300
2023-11-19T12:37+0300
аԥсны
жәлар рдоуҳа
https://cdnn1.img.sputnik-abkhazia.info/img/07e5/0b/1d/1036521580_0:100:1920:1180_1920x0_80_0_0_bdc9e0b172e1e694b8c9843c60dc5279.jpg
Ахьы ҭагалан ҳҭоуп сасра -Иарҭәырц ҳцақәа, иарԥхарц ҳагәқәа.Аӡынра ашьҭахь ааԥынроуп. Усҟан зҽааиҵызхуа аҵлақәа риаҵәареи аҵар рыҷырҷырреи ирылыҩуеит ахандеиҩцәа рыбжьы. Дара еилашыҩкны ицәаӷәоит, илаҵоит. Аҳәса кәыкәыцыкәуа руҭрақәа ак рыгрыжьуам. Ааԥын мышкы иууа, ҭагалан имзаны иуԥылоит ҳәа ззырҳәо аамҭоуп.Уажәы ахьы ҭагалан аҵыхәтәантәи амза ҳҭагылоуп, ус анакәха, аарыхра алҵшәақәа реихшьаалара иаамҭоуп. Сынтәатәи ҭагалан даара игәыбзыӷын. Зны-зынла ашьхарахьтә иҿыхьшәашәааӡа ԥшак нас-ҩасуан акәымзар, ҽынла еиҳарак иԥхарран, уимоу, иаалырҟьаны ԥхынгәы азы ишыҟоу еиԥшҵәҟьа амра анкацеиуазгьы ыҟан. Ааԥын мышкы иуцәахыԥо, ҭагалан имзаны иуԥылоит ҳәа рҳәозар, ҭагалан мышкы иуцәахыԥо – ишықәсханы ауп ишыҟало. Адгьыл иқәаарыхуа реиԥш уи бзианы издыруа дарбану.Ҭагалани аԥхыӡқәеиҬагалан анхацәа тәамҩахә рымам. Хәыҷла-дула шьыжьы инаркны алашьцара иаарымнахаанӡа рымхырҭақәа ирҭоуп. Алшықәсанык ԥхӡашала иаадрыхыз рҽаҩра амш еиҭашәаанӡа аҭагалара рҽазыршәоит. Рҿаҵахәы амш иԥхасҭанатәаанӡа аԥхьакра рхәыцра иалоуп, рыԥхыӡ иалоуп.Даҽа азгәаҭарақәакАӡынра хьшәашәа аҿаԥхьа уӷәӷәазарц, аҿамаҿеиԥш амҿы-амца еидгаланы иумазар ахәҭоуп. Ахәышҭаарамца угәыдыԥхало уҟаларазы ианаамҭоу амҿы азырхиатәуп. Ԥаса абнахьтә амҿы аҩныҟа излааргоз ацәқәа зҵаҳәоу уардынла акәын. Иҟоуп агәаанагара:/Астатиа аиқәыршәараҿы хархәара азун Витали Ҳараниа ишәҟәы "Ашацәа рылԥха"/.
https://sputnik-abkhazia.info/20231112/achuan-iou-ama-iadyrueit-akhyei-zhlar-razgaaraei-rakht-1049019428.html
https://sputnik-abkhazia.info/20230610/alaei-ur-ryntsakhei-2-1045527104.html
https://sputnik-abkhazia.info/20231015/aamtah-mamsargi-sinta-hasmadou-suura-tasgalas-imyapirgos-akyabs-1025572374.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
жәлар рдоуҳа
"Ааԥын мышкы иууа, ҭагалан имзаны иуԥылоит": ахьы ҭагалани аԥхыӡқәеи
16:20 18.11.2023 (ирҿыцуп: 12:37 19.11.2023) Сусанна Ҭаниаԥҳа
Аԥсуаҭҵааратә институт афольклортә лабораториа аусзуҩ
Ҭагалан иадҳәалоу аԥхыӡқәа ирыҵоу амаӡа еилышәкаарц шәылшоит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа лматериал аҟны.
Ахьы ҭагалан ҳҭоуп сасра -
Иарҭәырц ҳцақәа, иарԥхарц ҳагәқәа.
Аӡынра ашьҭахь ааԥынроуп. Усҟан зҽааиҵызхуа аҵлақәа риаҵәареи аҵар рыҷырҷырреи ирылыҩуеит ахандеиҩцәа рыбжьы. Дара еилашыҩкны ицәаӷәоит, илаҵоит. Аҳәса кәыкәыцыкәуа руҭрақәа ак рыгрыжьуам. Ааԥын мышкы иууа, ҭагалан имзаны иуԥылоит ҳәа ззырҳәо аамҭоуп.
Уажәы ахьы ҭагалан аҵыхәтәантәи амза ҳҭагылоуп, ус анакәха, аарыхра алҵшәақәа реихшьаалара иаамҭоуп. Сынтәатәи ҭагалан даара игәыбзыӷын. Зны-зынла ашьхарахьтә иҿыхьшәашәааӡа ԥшак нас-ҩасуан акәымзар, ҽынла еиҳарак иԥхарран, уимоу, иаалырҟьаны ԥхынгәы азы ишыҟоу еиԥшҵәҟьа амра анкацеиуазгьы ыҟан. Ааԥын мышкы иуцәахыԥо, ҭагалан имзаны иуԥылоит ҳәа рҳәозар, ҭагалан мышкы иуцәахыԥо – ишықәсханы ауп ишыҟало. Адгьыл иқәаарыхуа реиԥш уи бзианы издыруа дарбану.
Ҭагалан анхацәа тәамҩахә рымам. Хәыҷла-дула шьыжьы инаркны алашьцара иаарымнахаанӡа рымхырҭақәа ирҭоуп. Алшықәсанык ԥхӡашала иаадрыхыз рҽаҩра амш еиҭашәаанӡа аҭагалара рҽазыршәоит. Рҿаҵахәы амш иԥхасҭанатәаанӡа аԥхьакра рхәыцра иалоуп, рыԥхыӡ иалоуп.
Амшә амхырҭаҿы иҟоушәа аиԥхыӡра – аарыхра, аҽаҩра аҟалара иамааноуп.
Ԥхыӡла акалаҭи амҵәышәи раахәара – аҽаҩра ду аҟалара иадыргоуп.
Лаҵан аԥшыжәла ааухәауа ԥхыӡла иубар – ҭагалан аҽаҩра маҷ иазҳәоуп.
Акалаҭ кылҵәа уеиԥхыӡыр – амцҳәаҩ уалҳәара дузаауеит.
Иажәу акалаҭ шьҭухуа уеиԥхыӡыр – уаарыхра аԥхасҭа аиуеит.
Аԥҳә, аԥш ԥхыӡрыла рбылра – ажәлар рҿаҵахәы аӡра иазҳәоуп.
Узқәаарыхуа адгьыл ҭабго ԥхыӡла иубар – узқәымгәыӷуа гәалсрак уақәшәоит.
Быӷькаԥсан аԥхыӡ мцуп, егьаздыруам рҳәоит.
Аӡынра хьшәашәа аҿаԥхьа уӷәӷәазарц, аҿамаҿеиԥш амҿы-амца еидгаланы иумазар ахәҭоуп. Ахәышҭаарамца угәыдыԥхало уҟаларазы ианаамҭоу амҿы азырхиатәуп. Ԥаса абнахьтә амҿы аҩныҟа излааргоз ацәқәа зҵаҳәоу уардынла акәын. Иҟоуп агәаанагара:
Ауардын аиԥхыӡра – агәамҵра, ауадаҩра иамааноуп ҳәа.
Уардынла ишауу ақыдқәа раагара – аҭаацәа ргәалсра (реилаҩынтрак) иазҳәоуп.
/Астатиа аиқәыршәараҿы хархәара азун Витали Ҳараниа ишәҟәы "Ашацәа рылԥха"/.
