https://sputnik-abkhazia.info/20231208/asny-adar-usaid-inagany-ma-akhakakh-ala-aara-zzounazhua-aproekta-adnakylom-1049362631.html
Аԥсны АдәАР USAID инагӡаны ма ахәҭакахь ала аԥара ззоунажьуа апроектқәа аднакылом
Аԥсны АдәАР USAID инагӡаны ма ахәҭакахь ала аԥара ззоунажьуа апроектқәа аднакылом
Sputnik Аҧсны
Аԥсны адәныҟатәи аусқәа рминистрра аус рыднауылеит Аԥсны иҟоу жәларбжьаратәи еиҳабыратәым аиҿкаарақәеи ЕАР амаҵзурақәеи иареи реинырра азнеишьа ҿыцқәа. 08.12.2023, Sputnik Аҧсны
2023-12-08T09:00+0300
2023-12-08T09:00+0300
2023-12-08T09:00+0300
аԥсны
ажәабжьқәа
инал арӡынба
https://cdnn1.img.sputnik-abkhazia.info/img/07e7/09/16/1048137947_0:160:3072:1888_1920x0_80_0_0_8962b3b3a4d1b919f33ff2e7dad05e80.jpg
АҞӘА, ԥхынҷкәын 8 - Sputnik. Аԥсны адәныҟатәи аусқәа рминистрра USAID инагӡаны ма ахәҭакахь ала аԥара ззоунажьуа апроектқәа асертификациа рнаҭом ҳәа иҳәеит аусбарҭа ахада Инал Арӡынба. Уи адагьы USAID Кавказ иҟоу арегионалтә напхгаҩы Џьон Пеннел Аԥсны персона нон грата ҳәа дшьоуп. Ареспубликаҿ иара убасгьы рзин ҟаҵахом Аԥсни Қырҭтәылеи ртәылауаа рыбжьара аимадарақәа рышьақәыргылара иазырхо апректқәа рынагӡара. Аԥсны аусура мҩаԥызго ЕАР амаҵзурақәа АдәАР имҩаԥырго апроектқәа рганахь ала аиаша арҳәом, Қырҭтәыла аполитика Аԥсны амҩаԥагразы аҭагылазаашьақәа раԥҵаразы. Арӡынба ишазгәеиҭаз ала ари шьақәнарӷәӷәоит амаҵзура асаит аҿы икьыԥхьу USAID аофициалтә стратегиа. Аԥсны ари адокумент аҿы "аоккупациа зызуу Қырҭтәыла ахәҭоуп" ҳәа ауп ишазгәаҭо. ПРООН, ФАО, ИуНИСЕФ, ИуНФПА, аилазаара "ЕАР- аҳәса" Аԥсны аекономикатәии аполитикатәии ҿиара актуалтә тенденциақәа рганахь аоа аинформациа анализ ҟарҵоит. Арӡынба инаҵшьны иазгәеиҭеит ЕАА аҳәынҭқарратә мчра USAID ЕАР аофициалтә ҟәша UNDP Аԥсны аҵакыраҿы имҩаԥнаго аусура алегализациа азуразы ахы ианархәоит ҳәа. ЕАР аҿиара апрограмма аԥара рзоунажьуеит аԥснытәи еиҳабыратәым аиҿкаарақәа миллион долларла ҳәа иҳәеит аминистр. Аминистр иажәақәа рыла USAID амеханизмқәа рхархәарала Украина арбџьар мчқәа рзы аԥаразоужьра мҩаԥысуеит. Ари Аԥсны аҩыза-тәыла Урыстәыла иаҿагылоит, арратә операциа ҷыда иалахәу аԥсныуаа ирҿагылоит. Убри аан арҭ мраҭашәаратәи аилазаарақәа Аԥсны агуманитартә проектқәа нарыгӡошәа рхы аадырԥшуеит ҳәа иҳәеит Арӡынба.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, инал арӡынба
Аԥсны АдәАР USAID инагӡаны ма ахәҭакахь ала аԥара ззоунажьуа апроектқәа аднакылом
Аԥсны адәныҟатәи аусқәа рминистрра аус рыднауылеит Аԥсны иҟоу жәларбжьаратәи еиҳабыратәым аиҿкаарақәеи ЕАР амаҵзурақәеи иареи реинырра азнеишьа ҿыцқәа.
АҞӘА, ԥхынҷкәын 8 - Sputnik. Аԥсны адәныҟатәи аусқәа рминистрра USAID инагӡаны ма ахәҭакахь ала аԥара ззоунажьуа апроектқәа асертификациа рнаҭом ҳәа иҳәеит аусбарҭа ахада Инал Арӡынба.
Уи адагьы USAID Кавказ иҟоу арегионалтә напхгаҩы Џьон Пеннел Аԥсны персона нон грата ҳәа дшьоуп.
Ареспубликаҿ иара убасгьы рзин ҟаҵахом Аԥсни Қырҭтәылеи ртәылауаа рыбжьара аимадарақәа рышьақәыргылара иазырхо апректқәа рынагӡара. Аԥсны аусура мҩаԥызго ЕАР амаҵзурақәа АдәАР имҩаԥырго апроектқәа рганахь ала аиаша арҳәом, Қырҭтәыла аполитика Аԥсны амҩаԥагразы аҭагылазаашьақәа раԥҵаразы.
Арӡынба ишазгәеиҭаз ала ари шьақәнарӷәӷәоит амаҵзура асаит аҿы икьыԥхьу USAID аофициалтә стратегиа. Аԥсны ари адокумент аҿы "аоккупациа зызуу Қырҭтәыла ахәҭоуп" ҳәа ауп ишазгәаҭо. ПРООН, ФАО, ИуНИСЕФ, ИуНФПА, аилазаара "ЕАР- аҳәса" Аԥсны аекономикатәии аполитикатәии ҿиара актуалтә тенденциақәа рганахь аоа аинформациа анализ ҟарҵоит.
Арӡынба инаҵшьны иазгәеиҭеит ЕАА аҳәынҭқарратә мчра USAID ЕАР аофициалтә ҟәша UNDP Аԥсны аҵакыраҿы имҩаԥнаго аусура алегализациа азуразы ахы ианархәоит ҳәа. ЕАР аҿиара апрограмма аԥара рзоунажьуеит аԥснытәи еиҳабыратәым аиҿкаарақәа миллион долларла ҳәа иҳәеит аминистр.
Аминистр иажәақәа рыла USAID амеханизмқәа рхархәарала Украина арбџьар мчқәа рзы аԥаразоужьра мҩаԥысуеит. Ари Аԥсны аҩыза-тәыла Урыстәыла иаҿагылоит, арратә операциа ҷыда иалахәу аԥсныуаа ирҿагылоит. Убри аан арҭ мраҭашәаратәи аилазаарақәа Аԥсны агуманитартә проектқәа нарыгӡошәа рхы аадырԥшуеит ҳәа иҳәеит Арӡынба.
