https://sputnik-abkhazia.info/20231209/kya-byra-asyuoup-a-ansaroz-asny-daara-sgy-ialsuan-1049332253.html
Кәыџԥҳа: бҭырқәа-аԥсыуоуп ҳәа ансарҳәоз Аԥсны, даара сгәы иалсуан
Кәыџԥҳа: бҭырқәа-аԥсыуоуп ҳәа ансарҳәоз Аԥсны, даара сгәы иалсуан
Sputnik Аҧсны
Адырраҭара “Зхьышьҭра змырӡыз” аҳәаақәа ирҭагӡаны зҭоурыхтә ԥсадгьыл ахь ихынҳәыз ҳџьынџьуаа рҭоурыхқәа еилаҳкаауеит. Урҭ рабацәеи рабдуцәеи знысыз амҩеи иахьа... 09.12.2023, Sputnik Аҧсны
2023-12-09T13:40+0300
2023-12-09T13:40+0300
2023-12-09T13:40+0300
арадио
аԥсны
аподкаст
https://cdnn1.img.sputnik-abkhazia.info/img/07e7/0c/05/1049332371_0:286:852:765_1920x0_80_0_0_786c025b7dacb0c416ae5b7ae6641859.jpg
Зхьышьҭра змырӡыз: Қәеиза Кәыџԥҳа
Sputnik Аҧсны
Зхьышьҭра змырӡыз: Қәеиза Кәыџԥҳа
Қәеиза Кәыџԥҳа лҭаацәа Аԥсныҟа нхара ианиасуаз бжьышықәса лхыҵуан. Лаб иабдуцәа Аибӷантәи Ҭырқәтәылаҟа ахҵәара зықәшәаз иреиуоуп, лан Аԥсны диит, дааӡеит. Қәеиза Урыстәыла МГИМО аҟны жәларбжьаратәи азин аганахьала аҵара лҵеит, анаҩс ҩышықәса лҵара иацылҵеит Франциа, иахьа аус луеит Москва даҽа занааҭк ала."Ҭырқәтәыла саныҟаз ахәыҷқәа "са сҭырқәаӡам, саԥсыуоуп" ҳәа анрасҳәоз, дара "мамоу, бара баҭырқәоуп, акгьы быздырӡом, аԥсуара захьӡи?" рҳәон. Сара урҭ акгьы рыздыруам, аха Аԥсны саннеилак, сшаԥсыуоу рдыруеит ҳәа сгәы иҭысҳәаауан. Аԥсныҟа санаа, сара саԥсыуоуп ҳәа ауаа ианрасҳәоз, "ааи, баԥсыуоуп, аха бҭырқәа-аԥсыуоуп" ҳәа ансарҳәоз, даара сгәы иалсуан, шьҭа ус сыхьуам, еилыскаауеит уи ала ирҳәарц ирҭахыз", - лҳәеит Кәыџԥҳа.Лара лгәаанагарала, атәым ҳәынҭқаррақәа рҟны инхо аԥсуа ҿар иахьа рҭоурыхтә ԥсадгьыл ахь рырхынҳәра ауадаҩрақәа ацуп. Лара лажәақәа рыла, дшыхәыҷыз лхы иҭаргалон лҭаацәа дшаԥсыуоу, Аԥсны дшынхаша, аха иахьа Ҭырқәтәыла инхо ахәыҷқәа аԥсҭазаара бзиа рымоуп, рҭоурыхтә ԥсадгьыл аҟны акәзар аԥсҭазаара еиӷьтәтәуп."Зҭоурыхтә ԥсадгьыл ахь ихынҳәыз адаптациа иҭахуп. Саныхәыҷыз сышкол аҟны днанагеит Ҭырқәтәылантәи иааз даҽа хәыҷык. Сара аԥсшәа здыруан азы иаҳа сманшәалахеит, аха иара издыруамызт. Ус еиԥш ахәыҷқәа аҩызцәа рырҳара рцәыуадаҩуп", - лҳәеит Кәыџԥҳа.Убасгьы лара иазгәалҭеит Аԥсны анҭыҵ аҵара зҵаз аҿарацәа усурҭа ҭыԥла реиқәыршәаразы ауадаҩрақәа шыҟоу рыԥсадгьыл аҟны."Ишыҟазаалакгьы, Аԥсны аԥсҭазаара сацныҟәар сҭахуп, уа сыҟазар сҭахуп. Хымԥада, Аԥсны са сыԥсадгьыл ауп, сахьцалакгьы уи сазхәыцуеит", - лҳәеит Кәыџԥҳа.Аицәажәара инеиҵыхны ишәаҳар шәылшоит аудиофаил аҟны хыхь.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, аподкаст, аудио
Кәыџԥҳа: бҭырқәа-аԥсыуоуп ҳәа ансарҳәоз Аԥсны, даара сгәы иалсуан
Адырраҭара “Зхьышьҭра змырӡыз” аҳәаақәа ирҭагӡаны зҭоурыхтә ԥсадгьыл ахь ихынҳәыз ҳџьынџьуаа рҭоурыхқәа еилаҳкаауеит. Урҭ рабацәеи рабдуцәеи знысыз амҩеи иахьа ирыԥсҭазаашьоу атәы еиҭарҳәоит арадио Sputnik аефир аҟны.
Қәеиза Кәыџԥҳа лҭаацәа Аԥсныҟа нхара ианиасуаз бжьышықәса лхыҵуан. Лаб иабдуцәа Аибӷантәи Ҭырқәтәылаҟа ахҵәара зықәшәаз иреиуоуп, лан Аԥсны диит, дааӡеит. Қәеиза Урыстәыла МГИМО аҟны жәларбжьаратәи азин аганахьала аҵара лҵеит, анаҩс ҩышықәса лҵара иацылҵеит Франциа, иахьа аус луеит Москва даҽа занааҭк ала.
"Ҭырқәтәыла саныҟаз ахәыҷқәа "са сҭырқәаӡам, саԥсыуоуп" ҳәа анрасҳәоз, дара "мамоу, бара баҭырқәоуп, акгьы быздырӡом, аԥсуара захьӡи?" рҳәон. Сара урҭ акгьы рыздыруам, аха Аԥсны саннеилак, сшаԥсыуоу рдыруеит ҳәа сгәы иҭысҳәаауан. Аԥсныҟа санаа, сара саԥсыуоуп ҳәа ауаа ианрасҳәоз, "ааи, баԥсыуоуп, аха бҭырқәа-аԥсыуоуп" ҳәа ансарҳәоз, даара сгәы иалсуан, шьҭа ус сыхьуам, еилыскаауеит уи ала ирҳәарц ирҭахыз", - лҳәеит Кәыџԥҳа.
Лара лгәаанагарала, атәым ҳәынҭқаррақәа рҟны инхо аԥсуа ҿар иахьа рҭоурыхтә ԥсадгьыл ахь рырхынҳәра ауадаҩрақәа ацуп. Лара лажәақәа рыла, дшыхәыҷыз лхы иҭаргалон лҭаацәа дшаԥсыуоу, Аԥсны дшынхаша, аха иахьа Ҭырқәтәыла инхо ахәыҷқәа аԥсҭазаара бзиа рымоуп, рҭоурыхтә ԥсадгьыл аҟны акәзар аԥсҭазаара еиӷьтәтәуп.
"Зҭоурыхтә ԥсадгьыл ахь ихынҳәыз адаптациа иҭахуп. Саныхәыҷыз сышкол аҟны днанагеит Ҭырқәтәылантәи иааз даҽа хәыҷык. Сара аԥсшәа здыруан азы иаҳа сманшәалахеит, аха иара издыруамызт. Ус еиԥш ахәыҷқәа аҩызцәа рырҳара рцәыуадаҩуп", - лҳәеит Кәыџԥҳа.
Убасгьы лара иазгәалҭеит Аԥсны анҭыҵ аҵара зҵаз аҿарацәа усурҭа ҭыԥла реиқәыршәаразы ауадаҩрақәа шыҟоу рыԥсадгьыл аҟны.
"Ишыҟазаалакгьы, Аԥсны аԥсҭазаара сацныҟәар сҭахуп, уа сыҟазар сҭахуп. Хымԥада, Аԥсны са сыԥсадгьыл ауп, сахьцалакгьы уи сазхәыцуеит", - лҳәеит Кәыџԥҳа.
Аицәажәара инеиҵыхны ишәаҳар шәылшоит аудиофаил аҟны хыхь.
