https://sputnik-abkhazia.info/20231222/ayntylat-eibashra-du-aveteran-alysa-shonia-isazaara-dalit--1049550764.html
Аџьынџьтәылатә еибашьра Ду аветеран Алықьса Шьониа иԥсҭазаара далҵит
Аџьынџьтәылатә еибашьра Ду аветеран Алықьса Шьониа иԥсҭазаара далҵит
Sputnik Аҧсны
Алықьса Шьониа дрылахәын Донбасс, Ҟрым, Керч, Ростовтәи уҳәа рҭарцәра. Иара убасгьы далахәын Аԥсны жәлар Рџьынџьтәылатә еибашьра. 22.12.2023, Sputnik Аҧсны
2023-12-22T11:00+0300
2023-12-22T11:00+0300
2023-12-22T14:51+0300
аԥсны
аԥсны
ажәабжьқәа
https://cdnn1.img.sputnik-abkhazia.info/img/07e7/05/08/1045704304_0:160:3072:1888_1920x0_80_0_0_dc6233059d1d941fd33db0275f923a4c.jpg
АҞӘА, ԥхынҷкәын 22 - Sputnik. Аџьынџьтәылатә еибашьра Ду аветеран Алықьса Шьониа иԥсҭазаара далҵит ԥхынҷкәын 22 рзы. Алықьса Шьониа Краснодар иҟаз апулемиоттә-минаршәратә арратә ҵараиурҭа далгеит 1942 шықәсазы. Иара убри ашықәс азы Краснодар, Бақәа, Қарҭ, Биуинакск иҟаз арратә ҵараиурҭақәа роушьҭымҭацәа ақалақь Зверево, Ростовтәи аобласт ахь инашьҭын, Шьониа апулимиоттә взвод акомандаҟаҵаҩ ихаҭыԥуаҩыс даҭан, аамҭақәак рышьҭахь аԥшыхәратә баталион ахь диаган. Ростов аԥхьатәи ахәра иоуит, анаҩс – Киев. Ихәра анӷьа ашьҭахь Уралтәи арратә о иалыдмыршеит аибашьра ацҵара. 1944 шықәсазы Аԥсныҟа дхынҳәит. Ҩышықәса аус иуит Кәтолтәи абжьаратә школ аҿы. 1946 - 1992 шықәсқәа рзы Тҟәарчалтәи ашахтаҿы аус иуан. 1992 шықәсазы Аԥсны Аџьынџьтәылатә еибашьра ианалага абџьар шьҭихит. Тҟәарчалҟа инеиуаз амҩақәеи ацҳақәеи аминақәа рыҵеиҵон. Ақалақь ианалахысуаз инапы ахәра аиуит. Алықьса Шьониа ианашьоуп "Аеҵәа ҟаԥшь" аорден, "Аџьынџьтәылатә еибашьра Ду" актәии аҩбатәии аҩаӡара змоу аорденқәа, "Ахьӡ-аԥш" аорден аҩбатәи аҩаӡара. Зынӡа ианашьоуп 42 ҳамҭа. Урҭ рхыԥхьаӡараҿы иҟоуп, Аԥсны аџьынџьтәылатә еибашьраан иаҭәашьаз "Агәымшәаразы" амедалгьы. Алықьса Шьониа иааӡеит хҩык аԥацәа. Урҭ иахьа рыԥсҭазаара иалҵхьеит. Быжьҩык амоҭацәеи, урҭ ирыхшаз быжьҩык ахшареи имоуп.
https://sputnik-abkhazia.info/20150403/1014314220.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
Аџьынџьтәылатә еибашьра Ду аветеран Алықьса Шьониа иԥсҭазаара далҵит
11:00 22.12.2023 (ирҿыцуп: 14:51 22.12.2023) Алықьса Шьониа дрылахәын Донбасс, Ҟрым, Керч, Ростовтәи уҳәа рҭарцәра. Иара убасгьы далахәын Аԥсны жәлар Рџьынџьтәылатә еибашьра.
АҞӘА, ԥхынҷкәын 22 - Sputnik. Аџьынџьтәылатә еибашьра Ду аветеран Алықьса Шьониа иԥсҭазаара далҵит ԥхынҷкәын 22 рзы.
Шьониа сынтәа иара 101 шықәса ихыҵра азгәеиҭеит.
Алықьса Шьониа Краснодар иҟаз апулемиоттә-минаршәратә арратә ҵараиурҭа далгеит 1942 шықәсазы. Иара убри ашықәс азы Краснодар, Бақәа, Қарҭ, Биуинакск иҟаз арратә ҵараиурҭақәа роушьҭымҭацәа ақалақь Зверево, Ростовтәи аобласт ахь инашьҭын, Шьониа апулимиоттә взвод акомандаҟаҵаҩ ихаҭыԥуаҩыс даҭан, аамҭақәак рышьҭахь аԥшыхәратә баталион ахь диаган.
Ростов аԥхьатәи ахәра иоуит, анаҩс – Киев. Ихәра анӷьа ашьҭахь Уралтәи арратә о иалыдмыршеит аибашьра ацҵара. 1944 шықәсазы Аԥсныҟа дхынҳәит.
Ҩышықәса аус иуит Кәтолтәи абжьаратә школ аҿы. 1946 - 1992 шықәсқәа рзы Тҟәарчалтәи ашахтаҿы аус иуан.
1992 шықәсазы Аԥсны Аџьынџьтәылатә еибашьра ианалага абџьар шьҭихит. Тҟәарчалҟа инеиуаз амҩақәеи ацҳақәеи аминақәа рыҵеиҵон. Ақалақь ианалахысуаз инапы ахәра аиуит.
Алықьса Шьониа ианашьоуп "Аеҵәа ҟаԥшь" аорден, "Аџьынџьтәылатә еибашьра Ду" актәии аҩбатәии аҩаӡара змоу аорденқәа, "Ахьӡ-аԥш" аорден аҩбатәи аҩаӡара. Зынӡа ианашьоуп 42 ҳамҭа. Урҭ рхыԥхьаӡараҿы иҟоуп, Аԥсны аџьынџьтәылатә еибашьраан иаҭәашьаз "Агәымшәаразы" амедалгьы.
Алықьса Шьониа иааӡеит хҩык аԥацәа. Урҭ иахьа рыԥсҭазаара иалҵхьеит. Быжьҩык амоҭацәеи, урҭ ирыхшаз быжьҩык ахшареи имоуп.
