https://sputnik-abkhazia.info/20240114/ueikhyyr-uzymgyua-ama-uoueit-ashakha-akharkharei-akhya-ry-akys-iamoui-1049591488.html
"Уеиԥхыӡыр, узқәымгәыӷуа амҩа уоуеит": ашаха ахархәареи аԥхыӡқәа рҿы ҵакыс иамоуи
"Уеиԥхыӡыр, узқәымгәыӷуа амҩа уоуеит": ашаха ахархәареи аԥхыӡқәа рҿы ҵакыс иамоуи
Sputnik Аҧсны
Ашаха иазкны аматериал ҳзеиқәлыршәеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа. 14.01.2024, Sputnik Аҧсны
2024-01-14T09:20+0300
2024-01-14T09:20+0300
2024-01-14T09:20+0300
аԥсны
жәлар рдоуҳа
аԥсны
аналитикеи аиҿцәажәарақәеи
https://cdnn1.img.sputnik-abkhazia.info/img/07e8/01/0b/1049800268_0:0:3077:1731_1920x0_80_0_0_6dfc3cf28af8461824f20f5346faa12f.jpg
Абзазараҿы ахархәара ҭбаа змоу амаҭәарқәа ирыҵанакуеит – ашаха (урысшәала "веревка"). Анхараҿы ицхыраагӡоу ашаха иаҿырԥшны аԥсуаа идырҿиаз ажәаԥҟақәоуп: "Ашаха иазҿамҳәаз - ажәа иҿанаҳәоит", "Ашаха аузар, ажәа кьаҿзароуп", "Ашаха - аузароуп, иӷәӷәазароуп, ажәа - кьаҿзароуп, иҟәышзароуп", "Ашаха бзиоуп иаузар, ажәа кьаҿзар".Ашаха злырхуазҲазҭагылоу аамҭазы ашаха ааухәар улшоит уназыдгыло, зхыԥхьаӡара рацәоу абзазаратә дәқьанқәа рҟны. Амала есымша ус иҟамызт. Акыр шықәсақәа раԥхьа аԥсуаа ашаха рнапала иҟарҵон.Аԥсуаа ажәытәан аныцә аарыхны зхаҭабзиара ҳаракыз ашахақәа, аҷапырхәақәа, ашашәақәа алырхуан.Аныцә ашаха шалырхуаз атәы далацәажәо Ӡаӡ Дарсалиа иавтобиографиатә повест "Аԥсҭазаара аҟнытә" аҿы иҩуан: "Изазо ана-ара еилагылан ипеихәа-пеихәаӡа иҟаз аныцә. Аныцә ацәа шаханы аршара здыруаз ираҳҭон бжала, ма ҳара ҳзы амала ашаха дыршарц".Ашахеи ацәеиАԥсуа жәлар рмифологиа данубаалоит ацәа анцәахәы Цәаблаҟы. Лара ауаҩы даныцәоу игәы дықәтәаны, ихәда кны дылхәаҽырц далагоит, мамзаргьы иблақәа лкуеит, дааԥшыр луӡом. Убри инаҿырԥшны ашьыжь агылара зцәыуадаҩу, лассы изымгыло изы ирҳәоит "Цәаблаҟы дылкит (дыхҭалкит)" ҳәа.Цәаблаҟы ауаҩы дихаԥазар, ицәа ҭынчымхо, ма дзалымҵуа далагазар, ихчы аӷәра, ма ашаха аҵарҵон. Анцәахәы уи дацәшәаны дцоит, уаҳа имԥан дықәлаӡом, ауаҩгьы ихы дақәиҭхоит ҳәа азгәарҭон.Ашаха аԥхыӡқәа рҿыАбзазараҿы имаҭәахәу ашаха аԥхыӡқәа рыҟны иҳанаҳәо маҷым. Иаагозар:
https://sputnik-abkhazia.info/20180528/ziablaki-napkilzei-apsua-mifologiachi-auayi-iza-anzahkua-1024070773.html
https://sputnik-abkhazia.info/20210117/Ay-tsa-ukhyshylozar---azhabzh-bzia-iatup-akhya-irydalou-azhlar-razgaaraa-1031583074.html
Sputnik Аҧсны
media@sputniknews.com
+74956456601
MIA „Rossiya Segodnya“
2024
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
жәлар рдоуҳа, аԥсны, аналитикеи аиҿцәажәарақәеи
жәлар рдоуҳа, аԥсны, аналитикеи аиҿцәажәарақәеи
"Уеиԥхыӡыр, узқәымгәыӷуа амҩа уоуеит": ашаха ахархәареи аԥхыӡқәа рҿы ҵакыс иамоуи
Сусанна Ҭаниаԥҳа
Аԥсуаҭҵааратә институт афольклортә лабораториа аусзуҩ
Ашаха иазкны аматериал ҳзеиқәлыршәеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Абзазараҿы ахархәара ҭбаа змоу амаҭәарқәа ирыҵанакуеит – ашаха (урысшәала "веревка"). Анхараҿы ицхыраагӡоу ашаха иаҿырԥшны аԥсуаа идырҿиаз ажәаԥҟақәоуп: "Ашаха иазҿамҳәаз - ажәа иҿанаҳәоит", "Ашаха аузар, ажәа кьаҿзароуп", "Ашаха - аузароуп, иӷәӷәазароуп, ажәа - кьаҿзароуп, иҟәышзароуп", "Ашаха бзиоуп иаузар, ажәа кьаҿзар".
Ҳазҭагылоу аамҭазы ашаха ааухәар улшоит уназыдгыло, зхыԥхьаӡара рацәоу абзазаратә дәқьанқәа рҟны. Амала есымша ус иҟамызт. Акыр шықәсақәа раԥхьа аԥсуаа ашаха рнапала иҟарҵон.
Аныцә (азгә. "конопля посевная") – зыжәла азеҭ злыҵуа, зцәа ашаха алырхуаз, шықәсык нызҵуа иҳараку ҳаскьынжәлоуп. Ауаҩы дҵызшәаауа, ԥсабарала иалоу анаркотикатә маҭәашьарқәа аҵырдыраанӡа аус бзиақәа ирызкын.
Аԥсуаа ажәытәан аныцә аарыхны зхаҭабзиара ҳаракыз ашахақәа, аҷапырхәақәа, ашашәақәа алырхуан.
Аныцә ашаха шалырхуаз атәы далацәажәо Ӡаӡ Дарсалиа иавтобиографиатә повест "Аԥсҭазаара аҟнытә" аҿы иҩуан: "Изазо ана-ара еилагылан ипеихәа-пеихәаӡа иҟаз аныцә. Аныцә ацәа шаханы аршара здыруаз ираҳҭон бжала, ма ҳара ҳзы амала ашаха дыршарц".
Аԥсуа жәлар рмифологиа данубаалоит ацәа анцәахәы Цәаблаҟы. Лара ауаҩы даныцәоу игәы дықәтәаны, ихәда кны дылхәаҽырц далагоит, мамзаргьы иблақәа лкуеит, дааԥшыр луӡом. Убри инаҿырԥшны ашьыжь агылара зцәыуадаҩу, лассы изымгыло изы ирҳәоит "Цәаблаҟы дылкит (дыхҭалкит)" ҳәа.
Цәаблаҟы ауаҩы дихаԥазар, ицәа ҭынчымхо, ма дзалымҵуа далагазар, ихчы аӷәра, ма ашаха аҵарҵон. Анцәахәы уи дацәшәаны дцоит, уаҳа имԥан дықәлаӡом, ауаҩгьы ихы дақәиҭхоит ҳәа азгәарҭон.
Абзазараҿы имаҭәахәу ашаха аԥхыӡқәа рыҟны иҳанаҳәо маҷым. Иаагозар:
Ашаха удыркуа уеиԥхыӡызар – узқәымгәыӷуа амҩа уоуеит.
Ашаха шьҭухуа убар – узқәымгәыӷуа мҩа бзиак алухуеит.
Ашаха еиларшә аиԥхыӡра – аныҳәараз амҩа ақәлара иазҳәоуп.
Ашаха аӡиас ахыршәлара – ахҵәара, аџьынџь ахыҵра иазҳәоуп.
Ашаха аиԥхыӡра – амҩа ақәлара иазҳәоуп.
Ашаха ҩбаны аидыхра уеиԥхыӡыр – иухугахьоу ҩ-уск еиҭа еилыргатәхоит.
17 Ажьырныҳәа 2021, 19:05
