https://sputnik-abkhazia.info/20240206/asha-a-iasyz-asny-araiona-aakha-rnaeit--1050067594.html
Аԥша ӷәӷәа иасыз Аԥсны араионқәа ааха рнаҭеит
Аԥша ӷәӷәа иасыз Аԥсны араионқәа ааха рнаҭеит
Sputnik Аҧсны
АҞӘА, жәабран 6 - Sputnik. Жәабран 5-6 руха аԥша ӷәӷәа иасыз Аԥсны араионқәа ааха рнаҭеит, абри атәы Sputnik иазеиҭарҳәеит аҭыԥантәи ахадарақәа. 06.02.2024, Sputnik Аҧсны
2024-02-06T14:37+0300
2024-02-06T14:37+0300
2024-02-06T14:48+0300
аԥсны
ажәабжьқәа
аԥсны
https://cdnn1.img.sputnik-abkhazia.info/img/07e8/02/06/1050066046_0:169:1620:1080_1920x0_80_0_0_b6e4ab36027d310045ef7ed4615b6ba9.jpg
АҞӘА, жәабран 6 - Sputnik. Жәабран 5-6 руха аԥша ӷәӷәа иасыз Аԥсны араионқәа ааха рнаҭеит, абри атәы Sputnik иазеиҭарҳәеит аҭыԥантәи ахадарақәа.Аҟәа аԥша аҵлакқәа ыҵнажәеит Синоп аҳабла, ААУ азааигәара, Ефрем Ешба ихьӡ зху апарки рыҟны.Икаҳаз аҵлақәа ааха рырҭеит афымцацәаҳәақәеи атроллеибустә цәаҳәақәеи, уаҟа аус руеит ақалақь акоммуналтә усбарҭақәеи Аԥсны АҶА-и русзуҩцәа.Очамчыра ақалақь аҟны ауадарацәа змоу аҩнеихагылак ахыб ахнашәеит, аҵлақәа ыҵнажәеит, уи иахҟьаны қыҭақәак рыҟны афымцацәаҳәақәа ааха роуит. Тҟәарчал араион аҿы аԥша аҵлақәа канажьит. Шьыжьнаҵы урҭ ықәыргеит, ақалақь аҿы аныҟәара аанкылам. Афымцацәаҳәақәа ахьԥыҵәҵәаз реиҭашьақәыргылара иаҿуп. Аҟармара иахьаҵанакуа авольтҳаракцәаҳәа каҳаит. Уи аҭыԥ ақәҵаразы амш иалагӡаны "Амшынеиқәафымцамч" аҟынтәи аҟазауаа ирзыԥшуп. Гал араион аҿы уадаҩрада еилгеит - хәбаҟа ҵла каҳаит, ақалақь аҿы аныҟәара ԥкым.Гәдоуҭа араион аҿы Лыхныҟа узлацо амҩаҿ аҵлақәа каҳаит. Жәандәрыԥшь ақыҭаҿы ацҳақәа хԥа хнагеит, ақыҭа анапхгара хара имгакәа уи аҭыԥ иқәырҵоит. Уи адагьы афымцацәаҳәақәа ахьԥыҵәҵәаз азы ақыҭауаа лашарада иҟоуп. Алашара ыҟам ақыҭақәа Хәаԥ, Џьырхәа, Лыхны. Афымцацәаҳәақәа ироуз аԥхасҭа иахҟьаны Гәылрыԥшь араион ахәҭак лашарада иҟоуп. Иара убас, аԥхасҭақәа ҟалеит Дранда, Бабышьра, Агәыӡера аҳаблан. Аҩнқәа рхыбқәа ԥырхага рымам, ӡхыҵра ҟамлеит. Иҟоу ахҟьаԥҟьақәа рҭыԥ иқәырҵоит.Афымцвцәаҳәақәа ахьԥҵәаз иахҟьаны гагра ахәҭак лашарада иаанхеит. Аҭыԥаҟны аус руеит ақалакь аусбарҭақәеи аенергетикцәеи.
Sputnik Аҧсны
media@sputniknews.com
+74956456601
MIA „Rossiya Segodnya“
2024
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аԥсны
АҞӘА, жәабран 6 - Sputnik. Жәабран 5-6 руха аԥша ӷәӷәа иасыз Аԥсны араионқәа ааха рнаҭеит, абри атәы Sputnik иазеиҭарҳәеит аҭыԥантәи ахадарақәа.
Аҟәа аԥша аҵлакқәа ыҵнажәеит Синоп аҳабла, ААУ азааигәара, Ефрем Ешба ихьӡ зху апарки рыҟны.
Икаҳаз аҵлақәа ааха рырҭеит афымцацәаҳәақәеи атроллеибустә цәаҳәақәеи, уаҟа аус руеит ақалақь акоммуналтә усбарҭақәеи Аԥсны АҶА-и русзуҩцәа.
Очамчыра ақалақь аҟны ауадарацәа змоу аҩнеихагылак ахыб ахнашәеит, аҵлақәа ыҵнажәеит, уи иахҟьаны қыҭақәак рыҟны афымцацәаҳәақәа ааха роуит.
Тҟәарчал араион аҿы аԥша аҵлақәа канажьит. Шьыжьнаҵы урҭ ықәыргеит, ақалақь аҿы аныҟәара аанкылам. Афымцацәаҳәақәа ахьԥыҵәҵәаз реиҭашьақәыргылара иаҿуп. Аҟармара иахьаҵанакуа авольтҳаракцәаҳәа каҳаит. Уи аҭыԥ ақәҵаразы амш иалагӡаны "Амшынеиқәафымцамч" аҟынтәи аҟазауаа ирзыԥшуп.
Гал араион аҿы уадаҩрада еилгеит - хәбаҟа ҵла каҳаит, ақалақь аҿы аныҟәара ԥкым.
Гәдоуҭа араион аҿы Лыхныҟа узлацо амҩаҿ аҵлақәа каҳаит. Жәандәрыԥшь ақыҭаҿы ацҳақәа хԥа хнагеит, ақыҭа анапхгара хара имгакәа уи аҭыԥ иқәырҵоит. Уи адагьы афымцацәаҳәақәа ахьԥыҵәҵәаз азы ақыҭауаа лашарада иҟоуп. Алашара ыҟам ақыҭақәа Хәаԥ, Џьырхәа, Лыхны.
Афымцацәаҳәақәа ироуз аԥхасҭа иахҟьаны Гәылрыԥшь араион ахәҭак лашарада иҟоуп. Иара убас, аԥхасҭақәа ҟалеит Дранда, Бабышьра, Агәыӡера аҳаблан. Аҩнқәа рхыбқәа ԥырхага рымам, ӡхыҵра ҟамлеит. Иҟоу ахҟьаԥҟьақәа рҭыԥ иқәырҵоит.
Афымцвцәаҳәақәа ахьԥҵәаз иахҟьаны гагра ахәҭак лашарада иаанхеит. Аҭыԥаҟны аус руеит ақалакь аусбарҭақәеи аенергетикцәеи.
