https://sputnik-abkhazia.info/20240210/auadaraei-aiaraei-gagrati-aeilyshrat-shkol-iazkny-1050035209.html
"Ауадаҩрақәеи ақәҿиарақәеи": Гагратәи аҳәеилышьратә школ иазкны
"Ауадаҩрақәеи ақәҿиарақәеи": Гагратәи аҳәеилышьратә школ иазкны
Sputnik Аҧсны
Бжьышықәса раахыс Гагра араион аҟны ашьаҭа акуп аҳәеилышьратә школ. Уи азыҟаҵаҩ, аҳәеилышьразы СССР аспорт азҟазарахь акандидат, 1982-1983 шықәсқәа рзы... 10.02.2024, Sputnik Аҧсны
2024-02-10T15:50+0300
2024-02-10T15:50+0300
2024-02-10T16:03+0300
аԥсны
аналитикеи аиҿцәажәарақәеи
аспорт
https://cdnn1.img.sputnik-abkhazia.info/img/07e8/02/0a/1050114194_0:62:1196:735_1920x0_80_0_0_afc457a56fb2b0262d1dd17509bae4a8.jpg
Бжьышықәса раахыс Гагра араион аҟны ашьаҭа акуп аҳәеилышьратә школ. Уи азыҟаҵаҩ, аҳәеилышьразы СССР аспорт азҟазарахь акандидат, 1982-1983 шықәсқәа рзы Аԥснытәи Еизгоу акоманда азыҟаҵаҩс иҟаз, иахьа еиҵагыло абиԥара ҿа ари аспорт хкы агәыбылра дзыркуа Иури Орлов арҭ ашықәсқәа ирылагӡаны иааӡамҭацәа Аԥсни Урыстәылеи имҩаԥысуа аицлабрақәа ирылаирхәхьеит, имаҷҩым алҵшәа бзиақәагьы аазырԥшхьоу. Гагратәи аҳәеилышьратә школ аԥсҭазаашьа анаҩстәи анҵамҭаҿы.Саида Жьиԥҳа, SputnikИахьа Гагратәи аҳәеилышьратә школ ахь иныҟәоит аашықәса зхыҵуа инадыркны жәиԥшь шықәсанӡа зхыҵуа 15-ҩык ахәыҷқәа. Азыҟаҵаҩ Иури Орлов иажәақәа рыла, есышықәса аспортсменцәа ҿарацәа аԥышәа рҳаны алҵшәа бзиақәа аадырԥшуеит. Аиҳарак Краснодар атәылаҿацә имҩаԥысуа аицлабрақәа рахь ауп ааԥхьара ахьрырҭо. 2022 шықәсазы Аԥсны аҳәеилышьразы Афедерациа анышьақәгыла ашьҭахь, ҳтәыла аҩнуҵҟагьы еиҿыркаауа иалагеит аицлабрақәа.Иури Орлов иазгәеиҭеит, аҳәаанхыҵ аицлабрақәа рахь ианцо, афинанстә цхыраара шроуа Гагра араион Ахадара абаҩрҵәыратә культуреи, аспорти аҿар русқәеи рзы Ахеилак аҟнытә. Аха аспорттә маҭәарқәа рзы ауадаҩрақәа рымоуп. Урҭ раахәараҿы аиҳарак аҭаацәра роуп ахарџь зхахьы изго."Аформақәеи, аспорттә маҭәахәқәеи рыхә еиҳа иахьылаҟәу аитернет ала иԥшааны иҿаҳҵоит. Аҳәынҭқарратә спорттә комитет аҟнытә ҳара иҳаухьоу аҿыбџьарқәа роуп. Урҭ цырак ҩ-нызқь мааҭ иаԥсоуп. Ажәакала аҳәеилышьра ари зыхә ҳаракыу спорттә хкуп. Ашкол ишахәҭоу аус ауларц азы хымԥада ахарџь маҷымкәа иақәырӡтәхоит. Макьана уи аҩыза алшара ыҟамзар акәхап", - иҳәоит Иури Орлов.Мчыбжьқәак раԥхьа, Адлер аҳабла Сириус аҟны имҩаԥысуаз аицлабраҟны, актәи аҭыԥ ааникылеит Гагратәи аҳәеилышьҩы қәыԥш Илиа Колесников. Иара аҳәеилышьратә школ ахь дныҟәоижьҭеи ԥшьышықәса ҵуеит."Аԥхьанатә Илиа абокс ахь дсышьҭит, аха иҟазшьа џьбарахошәа, илеишәа аҽеиҭанакуашәа анызба, исыӡбеит уи аԥхьаҟа зыӡбахә саҳахьаз аҳәеилышьратә спорт ахь ишьҭра. Аристократиатә спорттә хкы даамысҭашәнатәуеит, дҭышәыннартәалоит ҳәа иԥхьаӡаны. Аиашазы ус иагьыҟалеит. Раԥхьа Илиа иҽирххозҭгьы, иахьа игәы иаахәаны аҳәеилышьратә школ ахь дныҟәоит. Ааигәагьы аицлабраҟны актәи аҭыԥ ааникылеит. Аҭагылазаашьа схы иархәаны иҭабуп ҳәа иасҳәар сҭахуп азыҟаҵаҩ Иури Орлов ҳхәыҷқәа ирыдибало аџьабаазы", - лҳәоит аспортсмен қәыԥш Илиа Колесников иан Ирина.Ахәыҷы ихаҭагьы иааирԥшыз алҵшәақәа дҳараркын, еиҳау аҩаӡарақәа дрызхьаԥшуа далагеит.13 шықәса зхыҵуа Ерик Минасиан хәышықәса раахыс дныҟәоит аҳәеилышьратә школ ахь. Аԥхьанатә ари аспорт хказы аҽазыҟаҵарақәа мҩаԥысуан Гагратәи абжьаратә школ №2 ахыбраҟны, уаҟа машәыршақә аҳәеилышьратә школ аҿарацәа шандакылоз ала алаҳәара иаԥхьаз ахәыҷы агәаҳәара аарԥшны днеит."Сара ианакщызаалак сазҿлымҳан иапониатәи аспорт хкы аҳәеиҿакшара. Ашкол аҿы алаҳәара санаԥхьа, аинтернет аҟны игәасҭеит аҳәеилышьра заку. Аиашазы, даара исгәаԥхеит. Аҳәеи, аҳәаԥсеи, аҳәаҵәи рхархәара сҵар сҭаххеит. Ус сааит ари аҳәеилышьратә школ ахь. Ҵыԥх Аҟәа имҩаԥысуаз аицлабраҟны ақәратә гәыԥқәа ҩба рҟны х-ҭыԥк ааныскылеит, актәи, аҩбатәи, ахԥатәи. Аҳәаҵәы ахырхарҭала – актәи аҭыԥ, аҳәа ахырхарҭала – актәии аҩбатәии. Сеихьӡарақәа зегьы зыбзоуроу сазыҟаҵаҩ Иури Орлов иҭабуп ҳәа иасҳәар сҭахуп. Иҳадибало аџьабаа ҳаҭыр дула ҳазыҟоуп иҵаҩцәа", - инаҵишьит Ерик Минасиан.Жәеиза шықәса зхыҵуа Диана Аҭеиԥҳа ҩышықәса раахыс х-еицлабрак лхы рылалырхәхьеит. Аӡӷаб хәыҷы аибашьыга хкқәа интересс икноуп дышныҟәо."Сара макьаназы знык ауп аԥхьахә анызгахьа. Урыстәыла ахԥатәи аҭыԥ саԥсахеит. Аҳәеилышьратә спорт ԥхьаҟа иацысҵарц сгәиҭоуп, еиҳау аҩаӡарақәа срыԥсахарц азы", - лҳәоит Диана.Аҳәеилышьра Аԥсны алаҵәара аиуит аекранқәа рахь акиносахьа "Дартаниани хҩык амушкетиорцәеи" анцәырҵ ашьҭахь. Имаҷҩым хьӡи-ԥшеи СССР атәылақәа рҟны изырҳахьоу аԥсуа спортсменцәа. Гагра атәы уҳәозар, деицырдыруа дыҟан аспорт жәларбжьаратәи акласс азҟаза Џьамал Анқәаб. Иара изаамҭанымкәа идунеи иԥсахит, аха игәалашәара анаунагӡатәразы Гагра иаарту аҳәеилышьратә школ ихьӡ ахҵоуп. Иури Орлов иажәақәа рыла, ааигәа Џьамал Анқәаб игәалашәара иазкны аицлабра амҩаԥгара ргәиҭоуп.Иахьатәи аамҭазы, аҳәеилышьратә школ мчыбжьык хынтә азыҟаҵарақәа мҩаԥнагоит Гагратәи абжьаратә школ №1 аспорттә зал аҟны.
https://sputnik-abkhazia.info/20200108/Aa-eilyrshit-Gagraa-aristokratiat-olimpiat-sport-khky-asy-sharaz-1029090891.html
Sputnik Аҧсны
media@sputniknews.com
+74956456601
MIA „Rosiya Segodnya“
2024
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
аналитикеи аиҿцәажәарақәеи, аспорт
аналитикеи аиҿцәажәарақәеи, аспорт
Бжьышықәса раахыс Гагра араион аҟны ашьаҭа акуп аҳәеилышьратә школ. Уи азыҟаҵаҩ, аҳәеилышьразы СССР аспорт азҟазарахь акандидат, 1982-1983 шықәсқәа рзы Аԥснытәи Еизгоу акоманда азыҟаҵаҩс иҟаз, иахьа еиҵагыло абиԥара ҿа ари аспорт хкы агәыбылра дзыркуа Иури Орлов арҭ ашықәсқәа ирылагӡаны иааӡамҭацәа Аԥсни Урыстәылеи имҩаԥысуа аицлабрақәа ирылаирхәхьеит, имаҷҩым алҵшәа бзиақәагьы аазырԥшхьоу. Гагратәи аҳәеилышьратә школ аԥсҭазаашьа анаҩстәи анҵамҭаҿы.
Иахьа Гагратәи аҳәеилышьратә школ ахь иныҟәоит аашықәса зхыҵуа инадыркны жәиԥшь шықәсанӡа зхыҵуа 15-ҩык ахәыҷқәа. Азыҟаҵаҩ Иури Орлов иажәақәа рыла, есышықәса аспортсменцәа ҿарацәа аԥышәа рҳаны алҵшәа бзиақәа аадырԥшуеит. Аиҳарак Краснодар атәылаҿацә имҩаԥысуа аицлабрақәа рахь ауп ааԥхьара ахьрырҭо. 2022 шықәсазы Аԥсны аҳәеилышьразы Афедерациа анышьақәгыла ашьҭахь, ҳтәыла аҩнуҵҟагьы еиҿыркаауа иалагеит аицлабрақәа.
"2022 шықәсазы аҳәеилышьразы олимпиатә чемпион Александр Ширшов идгыларала ҳтәылаҟны ишьақәгылеит аҳәеилышьразы Афедерациа, уи хадасгьы дамоуп аамҭала аҳәеилышьра аспорт хкаҿы аихьӡарақәа змаз Нана Қапԥҳа. Уи нахыс ареспубликатә еицлабра ашьаҭа акит. Аҳәеилышьразы Аҟәеи Гагреи рышколқәа рыбжьара, иҳаҩсыз ашықәс азы имҩаԥган Аԥсны Аџьынџьтәылатәи аибашьраҟны игоу Аиааира 30 шықәса ахыҵра аҳаҭыр азы аицлабра. Уи иалахәыз аспортсменцәа хәыҷқәа наҟ-наҟ урықәгәыӷратәы ҭакԥхықәрала рхы аадырԥшит. Аҳәынҭқарраҟнытә иҵегь адгылара ҳаур, агәыӷра сымоуп, ҳақәҿиарақәа еиҳагьы ишеиҳахо", - еиҭеиҳәоит азыҟаҵаю.
Иури Орлов иазгәеиҭеит, аҳәаанхыҵ аицлабрақәа рахь ианцо, афинанстә цхыраара шроуа Гагра араион Ахадара абаҩрҵәыратә культуреи, аспорти аҿар русқәеи рзы Ахеилак аҟнытә. Аха аспорттә маҭәарқәа рзы ауадаҩрақәа рымоуп. Урҭ раахәараҿы аиҳарак аҭаацәра роуп ахарџь зхахьы изго.
"Аформақәеи, аспорттә маҭәахәқәеи рыхә еиҳа иахьылаҟәу аитернет ала иԥшааны иҿаҳҵоит. Аҳәынҭқарратә спорттә комитет аҟнытә ҳара иҳаухьоу аҿыбџьарқәа роуп. Урҭ цырак ҩ-нызқь мааҭ иаԥсоуп. Ажәакала аҳәеилышьра ари зыхә ҳаракыу спорттә хкуп. Ашкол ишахәҭоу аус ауларц азы хымԥада ахарџь маҷымкәа иақәырӡтәхоит. Макьана уи аҩыза алшара ыҟамзар акәхап", - иҳәоит Иури Орлов.
Мчыбжьқәак раԥхьа, Адлер аҳабла Сириус аҟны имҩаԥысуаз аицлабраҟны, актәи аҭыԥ ааникылеит Гагратәи аҳәеилышьҩы қәыԥш Илиа Колесников. Иара аҳәеилышьратә школ ахь дныҟәоижьҭеи ԥшьышықәса ҵуеит.
"Аԥхьанатә Илиа абокс ахь дсышьҭит, аха иҟазшьа џьбарахошәа, илеишәа аҽеиҭанакуашәа анызба, исыӡбеит уи аԥхьаҟа зыӡбахә саҳахьаз аҳәеилышьратә спорт ахь ишьҭра. Аристократиатә спорттә хкы даамысҭашәнатәуеит, дҭышәыннартәалоит ҳәа иԥхьаӡаны. Аиашазы ус иагьыҟалеит. Раԥхьа Илиа иҽирххозҭгьы, иахьа игәы иаахәаны аҳәеилышьратә школ ахь дныҟәоит. Ааигәагьы аицлабраҟны актәи аҭыԥ ааникылеит. Аҭагылазаашьа схы иархәаны иҭабуп ҳәа иасҳәар сҭахуп азыҟаҵаҩ Иури Орлов ҳхәыҷқәа ирыдибало аџьабаазы", - лҳәоит аспортсмен қәыԥш Илиа Колесников иан Ирина.
Ахәыҷы ихаҭагьы иааирԥшыз алҵшәақәа дҳараркын, еиҳау аҩаӡарақәа дрызхьаԥшуа далагеит.
13 шықәса зхыҵуа Ерик Минасиан хәышықәса раахыс дныҟәоит аҳәеилышьратә школ ахь. Аԥхьанатә ари аспорт хказы аҽазыҟаҵарақәа мҩаԥысуан Гагратәи абжьаратә школ №2 ахыбраҟны, уаҟа машәыршақә аҳәеилышьратә школ аҿарацәа шандакылоз ала алаҳәара иаԥхьаз ахәыҷы агәаҳәара аарԥшны днеит.
"Сара ианакщызаалак сазҿлымҳан иапониатәи аспорт хкы аҳәеиҿакшара. Ашкол аҿы алаҳәара санаԥхьа, аинтернет аҟны игәасҭеит аҳәеилышьра заку. Аиашазы, даара исгәаԥхеит. Аҳәеи, аҳәаԥсеи, аҳәаҵәи рхархәара сҵар сҭаххеит. Ус сааит ари аҳәеилышьратә школ ахь. Ҵыԥх Аҟәа имҩаԥысуаз аицлабраҟны ақәратә гәыԥқәа ҩба рҟны х-ҭыԥк ааныскылеит, актәи, аҩбатәи, ахԥатәи. Аҳәаҵәы ахырхарҭала – актәи аҭыԥ, аҳәа ахырхарҭала – актәии аҩбатәии. Сеихьӡарақәа зегьы зыбзоуроу сазыҟаҵаҩ Иури Орлов иҭабуп ҳәа иасҳәар сҭахуп. Иҳадибало аџьабаа ҳаҭыр дула ҳазыҟоуп иҵаҩцәа", - инаҵишьит Ерик Минасиан.
Жәеиза шықәса зхыҵуа Диана Аҭеиԥҳа ҩышықәса раахыс х-еицлабрак лхы рылалырхәхьеит. Аӡӷаб хәыҷы аибашьыга хкқәа интересс икноуп дышныҟәо.
"Сара макьаназы знык ауп аԥхьахә анызгахьа. Урыстәыла ахԥатәи аҭыԥ саԥсахеит. Аҳәеилышьратә спорт ԥхьаҟа иацысҵарц сгәиҭоуп, еиҳау аҩаӡарақәа срыԥсахарц азы", - лҳәоит Диана.
Аҳәеилышьразы азыҟаҵаҩ Иури Орлов ихықәкы хадақәа иреиуоуп ахәыҷқәа аҵара инаваргыланы аспортгьы иазкызарц. Аҳәеилышьра – иаамысҭашәоу, иԥшӡоу олимпиатә спорт хкуп. Ажәытәӡатәи аибашьыгатә ҟазароуп. Иахьа Гагра араион аҟны изызҳауа абиԥара ирымоуп алшара, ари аспорт хкы аҭҵаареи аҽазыҟаҵареи рзы. Аҳәеилышьра - ахәыҷқәа махашьахалатәи рыҿиара иацхраауеит. Иднарҵоит аҭагылазаашьа азҿлымҳашьа, ахшыҩзышьҭшьа, иццакны аӡбашьа.
Аҳәеилышьра Аԥсны алаҵәара аиуит аекранқәа рахь акиносахьа "Дартаниани хҩык амушкетиорцәеи" анцәырҵ ашьҭахь. Имаҷҩым хьӡи-ԥшеи СССР атәылақәа рҟны изырҳахьоу аԥсуа спортсменцәа. Гагра атәы уҳәозар, деицырдыруа дыҟан аспорт жәларбжьаратәи акласс азҟаза Џьамал Анқәаб. Иара изаамҭанымкәа идунеи иԥсахит, аха игәалашәара анаунагӡатәразы Гагра иаарту аҳәеилышьратә школ ихьӡ ахҵоуп. Иури Орлов иажәақәа рыла, ааигәа Џьамал Анқәаб игәалашәара иазкны аицлабра амҩаԥгара ргәиҭоуп.
Иахьатәи аамҭазы, аҳәеилышьратә школ мчыбжьык хынтә азыҟаҵарақәа мҩаԥнагоит Гагратәи абжьаратә школ №1 аспорттә зал аҟны.
