https://sputnik-abkhazia.info/20240226/sputnik-amchybzh-aaanyrtsti-agenttsa-rzy-azakani-glia-ishysi-1050263759.html

Sputnik амчыбжь: аҳәаанырцәтәи агентцәа рзы азакәани Гәлиа ишықәси

Sputnik амчыбжь: аҳәаанырцәтәи агентцәа рзы азакәани Гәлиа ишықәси

Sputnik Аҧсны

Аинформациатә маҵзура Sputnik Аԥсны иазнархиеит жәабран 19-25 рзы ареспубликаҿы аҭыԥ змаз актуалтә хҭысқәа рыхҳәаа. 26.02.2024, Sputnik Аҧсны

2024-02-26T09:09+0300

2024-02-26T09:09+0300

2024-02-26T09:09+0300

аԥсны

аԥсны

ажәабжьқәа

https://cdnn1.img.sputnik-abkhazia.info/img/07e8/02/15/1050243149_0:3:1247:704_1920x0_80_0_0_74f8aae4cdfe7bad59a4bc877905b22e.jpg

Аҳаирбаӷәаза аргылараАҟәатәи аҳаирбаӷәазаҿы ахыбра ақәгара иалагоит. Аргыларатә техникеи аусуҩцәеи хара имгакәа ареспубликахь иаараны иҟоуп ҳәа атәыла ахада Аслан Бжьаниа иеиҳәеит аенергетикеи атранспорти рминистр Џьансыхә Нанба.Бжьаниа уи инапы ианиҵеит аргыларатә усурақәа реихшанҵа-ауснагӡа азирхиарц.Аҭоурых аиҭашьақәыргылараШьала-дала иаԥсуоу (абазақәа) аурыс-кавказтәи, аурыс-аҭырқәа еибашьрақәа рышьҭахь, иара убасгьы егьырҭ XIX ашәышықәсазтәи ахҭысқәа ирхырҟьаны зыдгьыл ааныжьны иахыҵыз раԥсуа жәлақәа еиҭашьақәдыргылар рылшоит. Абри атәы аанацҳауеит Апарламент апресс-маҵзура.Азакәанԥҵара ариашарақәа ирыхәаԥшраны иҟоуп Апарламент иааиуа аилатәараҿы.Аиноагентцәа рзы азакәанАиноагентцәа рзы азакәан апроект иалацәажәеит Аԥсны ахада Аслан Бжьаниа дызлахәыз Ауаажәларратә палата алахәылацәа.Аилатәара алахәылацәа ргәаанагара еибырҳәеит азакәан апроект азы. Апалата алахәылацәа азакәан ахықәкқәа, Аԥсны Аконституциа анормақәа иахьынӡарықәшәо ртәы иазҵааит. Азҵаарақәа рҭакқәа ҟарҵеит Ашәарҭадаратә хеилак амаӡаныҟәгаҩ Сергеи Шамба, аиустициа аминистр Анри Барцыц, адәныҟатәи аусқәа рминистр Инал Арынба, Аԥсны АШәМ ахантәаҩы Ҭемыр Ахьиба.Гәлиа ишықәсАԥсны ахада Аслан Бжьаниа 2024-тәи ашықәс Дырмит Гәлиа ишықәс ҳәа ақәҵара инапы аҵеиҩит.Аԥсуа литература ауасхыр азышьҭаҵаҩ Дырмит Гәлиа иира амш, жәабран 21 азы, дыргәаладыршәеит Аҟәа.Ацәгьоурақәеи атуристцәеиАԥсны атуристцәа рганахь ала ацәгьоурақәа рхыԥхьаӡара есышықәса иагхоит, 2023-шықәсазы ашәҟәы иҭагалаз 50 цәгьоура роуп ҳәа аанацҳауеит Аҩнуҵҟатәи аусқәа рминистрра апресс-маҵзура..Лаҵара 1 инаркны цәыббра 30 рҟынӡа аминистрра аилазаара ирӷәӷәоу аусуратә режим ахь ииагоуп. Аусуҩцәа уахи-ҽни хылаԥшра рырҭоит ауаажәларратә ҭыԥқәа, аԥсшьаратә зонақәа, атуристцәа рынхарҭақәа, атранспорт.Амҩатә ԥҟарақәа реилагара1479-ҩык амҩатә ԥҟарақәа еилазгаз аарԥшуп Аԥсны мчыбжьык аҩнуҵҟа. 47-ҩык амашьынарныҟәцаҩцәа административтә ҭакԥхықәра рыдҵоуп арыжәтә ыжәны ма анаркотикқәа рыдкыланы аԥсҟы ахьыркыз азы.Амилаҭтә галереиа аиҭашьақәыргылараАргылаҩцәа амчыбжь иалагӡаны Амилаҭтә галереиа ахыбра аҩбатәи аихагыла дрыцқьеит. Ҳазҭалаз амчыбжь азы аиҭашьақәыргыларатә усурақәа ирылагоит.Ашықәс нҵәаанӡа агалереиа аусуҩцәа рҭыԥқәеи амца иацәынхаз асахьақәа рыҵәахырҭеи ашьақәыргылара иалгоит.Абџьар аекспозициаАԥснытәи абџьарҟаҵаҩцәа Аҟәатәи абааҿы рхатәы експозициа цәырыргоит. Арахь иаагахоит ҳаамҭазтәи аусумҭақәа реиԥш ажәытә бџьар аҿырԥшқәагьы.Аусурақәа мҩаԥысуеит Аидгыла ахатә харџьқәа рыла.Аԥхьаҟатәи ахәмаррақәаАԥсны аҿари аспорти рзы Аҳәынҭеилакы ахантәаҩы Ҭарашь Ҳагба зхадараҿы дыҟоу аделегациа Казань иҟоуп. Аԥснытәи аспортсменцәа БРИКС ахәмаррақәа ирылахәхоит ареспублика ахьӡала ҳбираҟ иаҵагыланы.Иара убасгьы аусеицураз амеморандум рнапы аҵарыҩуеит Аԥсны аҿари аспорти рзы Аҳәынҭеилакы ахантәаҩы Ҭарашь Ҳагбеи Урыстәыла аспорт азы аминистр ихаҭыԥуаҩ Халил Шаихутдиновы.Аҿар рфестивальАԥсны раԥхьаӡа акәны Сириус аҿы имҩаԥысраны иҟоу Адунеизегьтәи аҿар рфестиваль иалахәхоит.Ареспублика ахьӡала уахь инеиуеит шәҩык аҿар ҳәа Sputnik иазеиҭеиҳәеит Аԥсны аҿари аспорти рзы Аҳәынҭеилакы аҿар рыҟәша аиҳабы Идрис Кара-Осман-оглы."Еиҿкаахоит еиуеиԥшым апрограммақәа, арҵаратә сегмент: асоциологиа, аполитика ирыдҳәалоу. Ҳҿар ироуеит алшара ишахәҭоу ахаарԥшразы", - иҳәеит иара.Кара-Осман-оглы иажәақәа рыла, афорум ашьҭахь Аԥснытәи аҿар ироуеит алшара урыстәылатәи ақалақьқәа ирҭаарц апрограмма "Регионы России" аҳәаақәа ирҭагӡаны.Амимоза аекспортЖәабран 21 рзтәи адыррақәа рыла Аԥсны иалыргахьеит 33 тонна амимоза.2023 шықәса абри аамҭазы 30 тонна алган, зынӡа – 270 тонна ҳәа Sputnik иазеиҭеиҳәеит Аҵиаақәа ркарантин аиҳабы и.н. Омар Ҵәыџьба.Акультура ацхыраараАахыҵ Уаԥстәыла акультура аминистрра Аԥсны амилаҭтә галереиа аԥхьаӡамҭа иахырыԥхьаӡалеит 145 нызқь мааҭ.Аминистр и.н Динара Смырԥҳа ҭабуп ҳәа лалҳәеит уаԥстәылатәи лколлега Рада Дзагоева."Аҽгәараз" аус аиҭагәаҭарахь инашьҭупАԥсны Иреиҳаӡоу аӡбарҭа апрезидиум иаԥнахит Аҟәатәи ақалақьтә ӡбарҭа ақәҵареи Ахашшааратә коллегиа аҳәаақәҵареи – АЦә "Аҽгәара" аиҭашьақәыргылараз аматериалқәа раахәараан иҟалар зылшоз аԥареимҵәаразы адырра агәаҭараан Апрокурор хада ихаҭыԥуаҩ Дамир Кәыҵниа иумҭақәа закәаным ҳәеит апрокурор хада Адгәыр Агрба ари аус иҽацәхьакреи аҭыԥ рыман ҳәа Адгәыр Арӡынба ишшыԥхьыӡ аганахь ала."Аҽгәараз" аус аиҭагәаҭарахь инашьҭуп. 2023 шықәса рашәара 23 рзы Аҟәатәи ақалақьтә ӡбарҭа иазханаҵеит ВЦә "Аҽгәара" аиҭашьақәыргылараз аматериалқәа раахәараан иҟалар зылшоз аԥареимҵәаразы адырра агәаҭараан апрокурор хада Адгәыр Агрба ари аус иҽацәхькра закәанмызт ҳәа. Апрокурор хада актәи ихаҭыԥуаҩ иганахь ала ашшыԥхьыӡ хәшьара арымҭеит.Ахашшааратә коллегиа 2023 шықәса рашәара 29 рзы Аҟәатәи ақалақьтә ӡбарҭа ақәҵара шыҟаз иааннажьит.

https://sputnik-abkhazia.info/20240222/aati-aashei-aaanyrts-agenttsa-iryzku-azakan-aproekt-1050248879.html

https://sputnik-abkhazia.info/20240224/saania-amilat-galereiay-iakhyz-ausumaa-eidyzkylo-akatalog-ayzhra-iazkny--1050219917.html

https://sputnik-abkhazia.info/20231226/asua-sportsmentsa-briks-akhmarraa-irylakhkhoit-arespublika-abira-iaagylany-1049618250.html

https://sputnik-abkhazia.info/20240222/asny-sirius-imagakho-aduneizegti-aar-rfestival-ialakhkhoit-1050244169.html

2024

Ажәабжьқәа

ab_AB

аԥсны, ажәабжьқәа