https://sputnik-abkhazia.info/20240318/eitsyrdyrua-akhya-glia-aekonomist-zaur-shalashaa-izkny-1050508387.html
Еицырдыруа ахьыӡқәа: Гәлиа аекономист Заур Шьалашьаа изкны
Еицырдыруа ахьыӡқәа: Гәлиа аекономист Заур Шьалашьаа изкны
Sputnik Аҧсны
Аекономикатә ҭҵаарадыррақәа рдоктор, апрофессор, академик, Аекономикеи азинҭҵаареи ринститут аиҳабы, Аԥсны жәлар Рџьынџьтәылатә еибашьра аветеран, "Агәымшәараз... 18.03.2024, Sputnik Аҧсны
2024-03-18T21:00+0300
2024-03-18T21:00+0300
2024-03-18T22:46+0300
арадио
аԥсны
аподкаст
https://cdnn1.img.sputnik-abkhazia.info/img/07e8/03/12/1050508516_0:0:1280:721_1920x0_80_0_0_1dd3a4469700c3935417c2a8c08aa16a.jpg
Еицырдыруа ахьыӡқәа: Гәылиа аекономист Заур Шьалашьаа изкны
Sputnik Аҧсны
Еицырдыруа ахьыӡқәа: Гәылиа аекономист Заур Шьалашьаа изкны
Аекономикатә ҭҵаарадыррақәа рдоктор, апрофессор, академик, Аекономикеи азинҭҵаареи ринститут аиҳабы, Аԥсны жәлар Рџьынџьтәылатә еибашьра аветеран, "Агәымшәараз амедал" занашьаз Заур Шьалашьаа хәажәкыра 17 рзы иаалырҟьаны иԥсҭазаара далҵит. Хәажәкыра 19 рзы аҵарауаҩ иҭоубыҭ ықәыргылахоит Аҟәа "Арҵаҩы иҩнаҿы" асааҭ 11 инаркны 14 рҟынӡа. Заур Иван-иԥа Шьалашьаа анышә дамардоит хәажәкыра 21 рзы иқыҭа гәакьа Ҷлоу.Аҵарауаҩ акыр шықәса аус ицзухьаз, иааигәаны дыздыруаз Аекономикеи азини ринститут аҭҵаарадырратә усзуҩ Александр Гәлиа арадио Sputnik аефир аҟны далацәажәеит уи илагала аԥсуа ҭҵаарадырраҿ, аҳәынҭқарра аекономикеи ашәахтәшәареи рышьақәыргылараҿ, азакәанԥҵараҿ, иуаҩышьа, иҟазшьа."Дуаҩын, дҩыза бзиан. Ауаа зны-зынла ажәақәа еимаркуеит, иара еснагь амҩақәа иԥшаауан убри арҽеиразы. Еиҿаӷыӷны ианеицәажәоз, идыруан иҟаиҵоз, даргьы азхәыцуан… Заур иҟаиҵоз иуадаҩуп анагӡара", - ҳәа азгәеиҭеит Гәлиа.Аицәажәара инеиҵыхны ишәаҳар шәылшоит аудиофаил аҟны хыхь.Заур Шьалашьаа ибзиаӡаны далгеит Лулумба ихьӡ зху Ажәларқәа реиҩызара ауниверситет (уажәы Урыстәылатәи ажәларқәа реиҩызара ауниверситет) "аекономикеи жәлар рынхамҩа апланркреи" азанааҭҵарала аекономикеи азини рфакультет. Иара убасгьы аиспан бызшәа аҟынтәи аиҭагаҩ-ареферент ҳәа аҩбатәи адиплом иоуит. Заур Шьалашьаа Аԥсны Жәлар Реизара аҩбатәи ааԥхьара адепутатс дыҟан, абиуџьети аекономикатә политикеи рзы аилак напхгара аиҭон. Иара дравторуп хыԥхьаӡара рацәала азакәан апроектқәа, далахәын Аԥсны асоциал-економикатә ҿиара аконцепциеи "Ареспублика Аԥсны 2025 шықәсанӡа асоциал-економикатә ҿиара астратегиеи" рзы аусутә гәыԥ. Уи ашьҭахь Ауаажәларратә палата далахәылан, аекономика аҿиаразы акомиссиа деиҳабын. Заур Шьалашьаа - Аҟәатәи иаарту аинститут ашьаҭыркҩцәа дыруаӡәкуп, аҭҵаарадырратә усумҭақәа 120 дравторуп.
Sputnik Аҧсны
media@sputniknews.com
+74956456601
MIA „Rossiya Segodnya“
2024
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, аподкаст, аудио
Аекономикатә ҭҵаарадыррақәа рдоктор, апрофессор, академик, Аекономикеи азинҭҵаареи ринститут аиҳабы, Аԥсны жәлар Рџьынџьтәылатә еибашьра аветеран, "Агәымшәараз амедал" занашьаз Заур Шьалашьаа хәажәкыра 17 рзы иаалырҟьаны иԥсҭазаара далҵит. Хәажәкыра 19 рзы аҵарауаҩ иҭоубыҭ ықәыргылахоит Аҟәа "Арҵаҩы иҩнаҿы" асааҭ 11 инаркны 14 рҟынӡа. Заур Иван-иԥа Шьалашьаа анышә дамардоит хәажәкыра 21 рзы иқыҭа гәакьа Ҷлоу.
Аҵарауаҩ акыр шықәса аус ицзухьаз, иааигәаны дыздыруаз Аекономикеи азини ринститут аҭҵаарадырратә усзуҩ Александр Гәлиа
арадио Sputnik аефир аҟны далацәажәеит уи илагала аԥсуа ҭҵаарадырраҿ, аҳәынҭқарра аекономикеи ашәахтәшәареи рышьақәыргылараҿ, азакәанԥҵараҿ, иуаҩышьа, иҟазшьа.
"Дуаҩын, дҩыза бзиан. Ауаа зны-зынла ажәақәа еимаркуеит, иара еснагь амҩақәа иԥшаауан убри арҽеиразы. Еиҿаӷыӷны ианеицәажәоз, идыруан иҟаиҵоз, даргьы азхәыцуан… Заур иҟаиҵоз иуадаҩуп анагӡара", - ҳәа азгәеиҭеит Гәлиа.
Аицәажәара инеиҵыхны ишәаҳар шәылшоит аудиофаил аҟны хыхь.
Заур Шьалашьаа ибзиаӡаны далгеит Лулумба ихьӡ зху Ажәларқәа реиҩызара ауниверситет (уажәы Урыстәылатәи ажәларқәа реиҩызара ауниверситет) "аекономикеи жәлар рынхамҩа апланркреи" азанааҭҵарала аекономикеи азини рфакультет. Иара убасгьы аиспан бызшәа аҟынтәи аиҭагаҩ-ареферент ҳәа аҩбатәи адиплом иоуит. Заур Шьалашьаа Аԥсны Жәлар Реизара аҩбатәи ааԥхьара адепутатс дыҟан, абиуџьети аекономикатә политикеи рзы аилак напхгара аиҭон. Иара дравторуп хыԥхьаӡара рацәала азакәан апроектқәа, далахәын Аԥсны асоциал-економикатә ҿиара аконцепциеи "Ареспублика Аԥсны 2025 шықәсанӡа асоциал-економикатә ҿиара астратегиеи" рзы аусутә гәыԥ. Уи ашьҭахь Ауаажәларратә палата далахәылан, аекономика аҿиаразы акомиссиа деиҳабын. Заур Шьалашьаа - Аҟәатәи иаарту аинститут ашьаҭыркҩцәа дыруаӡәкуп, аҭҵаарадырратә усумҭақәа 120 дравторуп.
