https://sputnik-abkhazia.info/20240326/asny-aaaradyrraa-rakademia-rakhati-akhada-shoa-arsaa-isazaara-dalit-1050586477.html
Аԥсны аҭҵаарадыррақәа Ракадемиа раԥхьатәи ахада Шоҭа Арсҭаа иԥсҭазаара далҵит
Аԥсны аҭҵаарадыррақәа Ракадемиа раԥхьатәи ахада Шоҭа Арсҭаа иԥсҭазаара далҵит
Sputnik Аҧсны
АҞӘА, хәажәкыра 26 – Sputnik. Аҵарауаҩ ду, абызшәаҭҵааҩы, афилологиатә ҭҵаарадыррақәа рдоктор, апрофессор, академик, "Ахьӡ-Аԥша" аорден I аҩаӡара занашьоу Шоҭа... 26.03.2024, Sputnik Аҧсны
2024-03-26T12:58+0300
2024-03-26T12:58+0300
2024-03-27T13:34+0300
аԥсны
аԥсны
ажәабжьқәа
https://cdnn1.img.sputnik-abkhazia.info/img/102227/30/1022273062_0:0:1280:721_1920x0_80_0_0_5cdbcb403870f38fc10ff740907372af.jpg
АҞӘА, хәажәкыра 26 – Sputnik. Аҵарауаҩ ду, абызшәаҭҵааҩы, афилологиатә ҭҵаарадыррақәа рдоктор, апрофессор, академик, "Ахьӡ-Аԥша" аорден I аҩаӡара занашьоу Шоҭа Арсҭаа иԥсҭазаара далҵит."Иахьа ашьыжьымҭан сгәы ҭызшьаарыз ажәабжь саҳаит. Шоҭа Ҟасҭеи-иԥа иқәра ыҟан ҳәара аҭахума, 95 шықәса март 10 рзы ихыҵит. Уи убриаҟара аԥсуаҭҵааразы, аԥсуа бызшәа иадҳәалоу азҵаарақәа рзы, аҿар реиҵааӡаразы аџьабаа рацәаны ибахьан. Раԥхьа дҳарҵаҩын, аха нас даҳҩызахеит. Иара ҭаацәала акыр даҳзааигәан, сыԥшәма рҵаҩыс иара диман, сыԥҳа рҵаҩыс длыман", - лҳәеит академик, апрофессор, афилологиатә ҭҵаарадыррақәа рдоктор Лили Ҳагԥҳа.Шоҭа Арсҭаа Аԥсуаҭҵааратә институт абызшәа аҟәша дахагылан, уи аԥхьа ауниверситет аҟны аԥсуа кафедра деиҳабын, афилологиатә факультет аҟны деканс дыҟан.Арсҭаа – Аԥсны аҭҵаарадыррақәа Ракадемиа раԥхьатәи ахада, иара аҭҵаарадырраҿы илшамҭақәа рзы ахьтәы медал ианашьан."Аԥсуа-адыга бызшәақәа рыҭҵаараҿы аԥхьа ддыргылон. Иара зерь раԥхьа иргылон ауаҩра, адырра. Ацәгьа аҟны, абзиа аҟны дҩыза бзиан, акырынтә аконференциақәа рахь ҳаиццахьан Аԥсны анҭыҵ. Аламыси, апатуи, адырра бзиеи, узҿу аус дырны, абри иваҟәыло дабаҟоу ҳәа узырҳәар иҭахын. Сара сзы Шоҭа Ҟасҭеи-иԥа иԥсҭазаара иалҵра - ицәыӡ дууп. Иахьатәи аамҭазы сахьынаԥшааԥшуа иара аӡә иваргылара даара исцәыуадаҩуп", - лҳәеит аҵарауаҩ.Шоҭа Ҟасҭеи-иԥа ишәҟәы "Аԥсуа бызшәа аграмматика" азы ианашьоуп Гьаргь Ӡиӡариа ихьӡ зху аҳәынҭқарратә премиа. Аҵарауаҩ икьыԥхьхьеит 40 инареиҳаны аҭҵаарадырратә усумҭақәа, урҭ рхыԥхьаӡараҿы амонографиақәагьы. Дравторуп аԥсуа ҵараиурҭақәа рзы иҭыжьу аԥсуа бызшәа арҵага шәҟәқәеи ацхыраагӡақәеи.
https://sputnik-abkhazia.info/20240310/asua-arauaa-rakhagyla-shoa-arsaa-95-shysa-ikhyit-1050399337.html
Sputnik Аҧсны
media@sputniknews.com
+74956456601
MIA „Rossiya Segodnya“
2024
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
АҞӘА, хәажәкыра 26 – Sputnik. Аҵарауаҩ ду, абызшәаҭҵааҩы, афилологиатә ҭҵаарадыррақәа рдоктор, апрофессор, академик, "Ахьӡ-Аԥша" аорден I аҩаӡара занашьоу Шоҭа Арсҭаа иԥсҭазаара далҵит.
"Иахьа ашьыжьымҭан сгәы ҭызшьаарыз ажәабжь саҳаит. Шоҭа Ҟасҭеи-иԥа иқәра ыҟан ҳәара аҭахума, 95 шықәса март 10 рзы ихыҵит. Уи убриаҟара аԥсуаҭҵааразы, аԥсуа бызшәа иадҳәалоу азҵаарақәа рзы, аҿар реиҵааӡаразы аџьабаа рацәаны ибахьан. Раԥхьа дҳарҵаҩын, аха нас даҳҩызахеит. Иара ҭаацәала акыр даҳзааигәан, сыԥшәма рҵаҩыс иара диман, сыԥҳа рҵаҩыс длыман", - лҳәеит академик, апрофессор, афилологиатә ҭҵаарадыррақәа рдоктор Лили Ҳагԥҳа.
Шоҭа Арсҭаа Аԥсуаҭҵааратә институт абызшәа аҟәша дахагылан, уи аԥхьа ауниверситет аҟны аԥсуа кафедра деиҳабын, афилологиатә факультет аҟны деканс дыҟан.
"Даара ихьӡ-иԥша ҳаракын, иаҳаҭыр ыҟан, аԥсуа-адыга бызшәақәа рыдагьы, кавказтәи абызшәақәа рыҟәша далгеит. Иара иреиӷьыз астудентцәеи аспирантцәеи дыруаӡәкын", - лҳәеит Ҳагԥҳа.
Арсҭаа – Аԥсны аҭҵаарадыррақәа Ракадемиа раԥхьатәи ахада, иара аҭҵаарадырраҿы илшамҭақәа рзы ахьтәы медал ианашьан.
"Аԥсуа-адыга бызшәақәа рыҭҵаараҿы аԥхьа ддыргылон. Иара зерь раԥхьа иргылон ауаҩра, адырра. Ацәгьа аҟны, абзиа аҟны дҩыза бзиан, акырынтә аконференциақәа рахь ҳаиццахьан Аԥсны анҭыҵ. Аламыси, апатуи, адырра бзиеи, узҿу аус дырны, абри иваҟәыло дабаҟоу ҳәа узырҳәар иҭахын. Сара сзы Шоҭа Ҟасҭеи-иԥа иԥсҭазаара иалҵра - ицәыӡ дууп. Иахьатәи аамҭазы сахьынаԥшааԥшуа иара аӡә иваргылара даара исцәыуадаҩуп", - лҳәеит аҵарауаҩ.
Шоҭа Ҟасҭеи-иԥа ишәҟәы "Аԥсуа бызшәа аграмматика" азы ианашьоуп Гьаргь Ӡиӡариа ихьӡ зху аҳәынҭқарратә премиа. Аҵарауаҩ икьыԥхьхьеит 40 инареиҳаны аҭҵаарадырратә усумҭақәа, урҭ рхыԥхьаӡараҿы амонографиақәагьы. Дравторуп аԥсуа ҵараиурҭақәа рзы иҭыжьу аԥсуа бызшәа арҵага шәҟәқәеи ацхыраагӡақәеи.
