Аԥсны Амилаҭтә банк иҭнажьит агәаларшәагатә банкнотқәа
09:00 11.06.2024 (ирҿыцуп: 18:19 11.06.2024)
© Sputnik Нацбанк Абхазии
![Нацбанк Абхазии Нацбанк Абхазии - Sputnik Аҧсны, 1920, 11.06.2024](https://cdnn1.img.sputnik-abkhazia.info/img/07e7/0a/1f/1048865849_0:160:3072:1888_1920x0_80_0_0_14a9ea6c2fb203c3d892386b2ceee49c.jpg)
© Sputnik
Анапаҵаҩра
АҞӘА, рашәара 11 — Sputnik. Аԥсны Амилаҭтә банк иҭнажьит агәаларшәагатә банкнотқәа "Алышькьынтыри" "Кавказтәи абынҽацәи". Абри атәы аанацҳауеит Аԥсны абанк асаит.
Абанкнот "Алышькьынтыр" ахәԥсацәҟьа — 10 аԥсарк, атираж 500 нызқь цыра. Абанкнот аҿра аҟны иануп кавказтәи алышькьынтыри иџьоуҳарԥсароу ажәытәтәи аџьазтә еихеи. Иаарҳәны — аихеи аԥсуа лабашьа хыхьтәи ахәҭеи.
Абанкнот "Кавказтәи абынҽацә" ахәԥсацәҟьа — 100 аԥсарк, атираж 10 нызқь цыра. Абанкнот аҿра аҟны иануп абынҽацә ашьха алаԥшҳәааҿы, иара убас аԥса амахә ардәына еиқәаҵәа ықәтәаны. Иаарҳәны — археологцәа Аԥсны ирԥшаахьоу ажәытәтәи аџьаз лыхқәеи, акромлехи, адольмени.
Абанкнот адизаин — асахьаҭыхҩы Баҭал Џьапуа.