РУСДРАМ аҟны аспектакль "Абацәеи аԥацәеи" аԥхьарбара дырбахоит
20:25 02.11.2024 (ирҿыцуп: 20:27 02.11.2024)
© Sputnik / Леон Адлейба
Анапаҵаҩра
АҞӘА, абҵара 2 - Sputnik. РУСДРАМ аҟны аҽазыҟаҵарақәа цоит Тургенев иҩымҭала аспектакль "Абацәеи аԥацәеи" аԥхьарбаразы. Абри атәы Sputnik иазеиҭеиҳәеит атеатр анапхгаҩы Иракли Хынҭәба.
Иара иажәақәа рыла, Аԥсны атеатр аҭоурых аҟны раԥхьаӡа акәны Тургенев иҩымҭала аспектакль ықәыргылахоит. РУСДРАМ ашьаҭа акит ароман "Абацәеи аԥацәеи" ала апиеса зҩыз, иналукааша арежиссиор Адольф Шапиро иқәыргыламҭа.
"Абацәеи аԥацәеи" — арежиссиор, ақәыргыларатә гәыԥ, актиорцәа рзы аинтереси ауадаҩрақәеи зҵоу усуп, избан акәзар Тургенев — аурыс бызшәа мацара акәымкәан, узыршанхо сиужетуп. Иахьатәи аамҭазы иактуалу темоуп, иҵаулоу хәыцроуп. Ҳара еизаҳгеит иӷәӷәоу ақәыргыларатә гәыԥ. Арежиссиорс дыҟоуп Егор Равински, иара Москва иреиӷьу атеатрқәа рҿы аспектакльқәа ықәиргылоит, аклассика даара иҵауланы аус адиулоит", — иҳәеит Хынҭәба.
Аԥсуа хәаԥшцәа ирызԥшуп ииашоу апсихологиатә театр аклассикатә қәыргыламҭала ҳәа инаҵшьны иазгәеиҭеит иара.
Аспектакль "Абацәеи аԥацәеи" аԥхьарбара ҟалоит РУСДРАМ аҿы абҵарамза 8-9 рзы.
