https://sputnik-abkhazia.info/20241207/adyrgan-aararbzhy-zkhylua-amifologiat-atribut-1053009380.html
Адырган: аӷьарӷьарбжьы зхылҵуа амифологиатә атрибут
Адырган: аӷьарӷьарбжьы зхылҵуа амифологиатә атрибут
Sputnik Аҧсны
Аԥсуаа ашықәс ҿыц анааигәахо аламҭалаз имҩаԥыргоз қьабзқәак дырзааҭгылоит Нарҭдырреи адәынтәи афольклорҭҵаареи рцентр аҭҵаарадырратә усзуҩ Есма Ҭодуаԥҳа... 07.12.2024, Sputnik Аҧсны
2024-12-07T18:15+0300
2024-12-07T18:15+0300
2024-12-07T18:15+0300
аԥсны
жәлар рдоуҳа
аԥсны
https://cdnn1.img.sputnik-abkhazia.info/img/07e8/0c/01/1053027264_0:159:3077:1889_1920x0_80_0_0_1e6fdbc1e8ad130cebc3198f959e3002.jpg
Аихалыхқәа - амца, ашыра зхылҵуа амаҭәарқәа рахь иаҵанакуеит. Аиха ацәырҵра аҵак ду аманы ишыҟаз ала, аихалыхқәагьы маҭәарк аҳасабала еиуеиԥшым аҵакқәа ныҟәыргоит. Иаҳҳәап: ақәаб, ачуан, адырган реиԥш иҟоу амаҵурҭа иадҳәалоу амаҭәарқәа атрадициатә қьабзқәа рҟны рхы иадырхәоит. Ачуани ақәаби ашьтәа зҭаржәуа маҭәарқәоуп. Урҭ ахылаԥшра ҷыдагьы рымоуп. Иҟоуп ацуҭа ирзеиланы ирымоу ақәаб, ма ачуан дуқәа, еиуеиԥшым аныҳәақәа раан инеимырда-ааимырдоит. Ақәаб иазкны хазы аныҳәара мҩаԥызго ыҟоуп "ақәаб акныхра" ҳәа – аҭаацәара иаҵанакуа зегьы еицымҩаԥыргоит ари аныҳәара. Ашықәс ҿыц анааигәахо акәзар, доусы аҩны ирымоу аихатәы маҭәарқәа дырӷьарӷьаруан аиха-агәгәа рыхго – уи алагьы Ашықәс ҿыц анааигәахо ицәырҵуа амч лашьцақәа дыршәоит, иԥхарҵоит ҳәа иԥхьаӡан. Уи атрадициа аԥсуаа рҟны "қәаб-ӷьарӷьар" ҳәа хьӡыс ишьҭнахит.Абас еиԥш ақьабзқәа рҟны реиҳа имаҷны, аха уеизгьы ахархәара змоу аихатәы маҭәарқәа иреиуоуп адырган. Еиҳа иҷыданы ари амаҭәар ахархәара аманы иаҳбоит аишәаргыларақәеи аԥсра иазкуи ақьабзқәа рҟны. Адырган ахәышԥырӷқәа анҵаны аишәа иҵадыргылоит, уа асыкәмал хырҵоит.Адырган аԥҳәыс аҩнусқәа рҿы лхы иалырхәо амаҭәарқәа иреиуоуп. Иара амч лашьцақәа, аҩсҭаамусхқәа раҟәыблаара иатрибутуп. Уи ҳбоит аԥшрақәа рҟны. Иаҳҳәап, аԥшҩы, мамзаргьы адырҩы ачымазаҩ лара иҟалҵаз ахәшәқәа иҵылблаауеит адырган аҟны ианҵаны, убри ала аҩсҭаа дихылцоит. Иара убас, аҟәыдырԥаҩцәа аҟәыд дырԥоит адырган аҟны. Арҭ аҿырԥштәқәа рыла иаҳбоит адырган амч лашьцақәа зладыршәо маҭәарны ишыҟоу. Иҟалап машәыршақә ицәырымҵзар алаф "дырганла ихы лырԥхеит" ҳәа ирҳәо. Ишырҳәо еиԥш, алафгьы аҵабырг аҵоуп, уи аҵабырг ахьыҟоу узыԥшаар…Ирҳәоит, иара убасгьы, аҵеиџь аныржуаз аӡы ахьыҵыҵуа еилыркаарц азы раԥхьа адырган аарҳәны ишьҭарҵон ҳәа. Адырган аԥхӡы алҵны ирбар, убри аҭыԥ аҟны аӡы амоуп, аҵеиџь ужыр, аӡы аауеит ҳәа иԥхьаӡан.
https://sputnik-abkhazia.info/20181209/akuab-aknykhra-azhrachara-rhyhuara-1025915059.html
https://sputnik-abkhazia.info/20240225/aab-achara-zmamyz-ia-anabzy-lytsion-asuaa-rgyra-chchara-iagylaany-1050252350.html
https://sputnik-abkhazia.info/20231015/aamtah-mamsargi-sinta-hasmadou-suura-tasgalas-imyapirgos-akyabs-1025572374.html
Sputnik Аҧсны
media@sputniknews.com
+74956456601
MIA „Rossiya Segodnya“
2024
Есма Ҭодуаԥҳа
https://cdnn1.img.sputnik-abkhazia.info/img/102963/74/1029637432_634:0:1967:1333_100x100_80_0_0_6428449d26d913d4418a6902209f10ec.jpg
Есма Ҭодуаԥҳа
https://cdnn1.img.sputnik-abkhazia.info/img/102963/74/1029637432_634:0:1967:1333_100x100_80_0_0_6428449d26d913d4418a6902209f10ec.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Есма Ҭодуаԥҳа
https://cdnn1.img.sputnik-abkhazia.info/img/102963/74/1029637432_634:0:1967:1333_100x100_80_0_0_6428449d26d913d4418a6902209f10ec.jpg
жәлар рдоуҳа, аԥсны
Адырган: аӷьарӷьарбжьы зхылҵуа амифологиатә атрибут
Есма Ҭодуаԥҳа
НААР аҭҵаарадырратә усзуҩ
Аԥсуаа ашықәс ҿыц анааигәахо аламҭалаз имҩаԥыргоз қьабзқәак дырзааҭгылоит Нарҭдырреи адәынтәи афольклорҭҵаареи рцентр аҭҵаарадырратә усзуҩ Есма Ҭодуаԥҳа иахьатәи ланҵамҭаҿы.
Аихалыхқәа - амца, ашыра зхылҵуа амаҭәарқәа рахь иаҵанакуеит. Аиха ацәырҵра аҵак ду аманы ишыҟаз ала, аихалыхқәагьы маҭәарк аҳасабала еиуеиԥшым аҵакқәа ныҟәыргоит. Иаҳҳәап: ақәаб, ачуан, адырган реиԥш иҟоу амаҵурҭа иадҳәалоу амаҭәарқәа атрадициатә қьабзқәа рҟны рхы иадырхәоит.
Ачуани ақәаби ашьтәа зҭаржәуа маҭәарқәоуп. Урҭ ахылаԥшра ҷыдагьы рымоуп. Иҟоуп ацуҭа ирзеиланы ирымоу ақәаб, ма ачуан дуқәа, еиуеиԥшым аныҳәақәа раан инеимырда-ааимырдоит.
Ақәаб иазкны хазы аныҳәара мҩаԥызго ыҟоуп "ақәаб акныхра" ҳәа – аҭаацәара иаҵанакуа зегьы еицымҩаԥыргоит ари аныҳәара. Ашықәс ҿыц анааигәахо акәзар, доусы аҩны ирымоу аихатәы маҭәарқәа дырӷьарӷьаруан аиха-агәгәа рыхго – уи алагьы Ашықәс ҿыц анааигәахо ицәырҵуа амч лашьцақәа дыршәоит, иԥхарҵоит ҳәа иԥхьаӡан. Уи атрадициа аԥсуаа рҟны "қәаб-ӷьарӷьар" ҳәа хьӡыс ишьҭнахит.
Абас еиԥш ақьабзқәа рҟны реиҳа имаҷны, аха уеизгьы ахархәара змоу аихатәы маҭәарқәа иреиуоуп адырган. Еиҳа иҷыданы ари амаҭәар ахархәара аманы иаҳбоит аишәаргыларақәеи аԥсра иазкуи ақьабзқәа рҟны. Адырган ахәышԥырӷқәа анҵаны аишәа иҵадыргылоит, уа асыкәмал хырҵоит.
Адырган аԥҳәыс аҩнусқәа рҿы лхы иалырхәо амаҭәарқәа иреиуоуп. Иара амч лашьцақәа, аҩсҭаамусхқәа раҟәыблаара иатрибутуп. Уи ҳбоит аԥшрақәа рҟны. Иаҳҳәап, аԥшҩы, мамзаргьы адырҩы ачымазаҩ лара иҟалҵаз ахәшәқәа иҵылблаауеит адырган аҟны ианҵаны, убри ала аҩсҭаа дихылцоит. Иара убас, аҟәыдырԥаҩцәа аҟәыд дырԥоит адырган аҟны. Арҭ аҿырԥштәқәа рыла иаҳбоит адырган амч лашьцақәа зладыршәо маҭәарны ишыҟоу.
Иҟалап машәыршақә ицәырымҵзар алаф "дырганла ихы лырԥхеит" ҳәа ирҳәо. Ишырҳәо еиԥш, алафгьы аҵабырг аҵоуп, уи аҵабырг ахьыҟоу узыԥшаар…
Ирҳәоит, иара убасгьы, аҵеиџь аныржуаз аӡы ахьыҵыҵуа еилыркаарц азы раԥхьа адырган аарҳәны ишьҭарҵон ҳәа. Адырган аԥхӡы алҵны ирбар, убри аҭыԥ аҟны аӡы амоуп, аҵеиџь ужыр, аӡы аауеит ҳәа иԥхьаӡан.
