Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Урыстәыла Аԥсны ашәарҭадара аганахьала ганрацәалатәи ацхыраара анаҭалоит

© Sputnik / Томас ТхайцукФлаги России и Абхазии
Флаги России и Абхазии - Sputnik Аҧсны, 1920, 03.03.2025
Анапаҵаҩра
АҞӘА, хәажәкыра 3 - Sputnik. Урыстәыла аринахысгьы Аԥсны ацхыраара анаҭоит амилаҭтә шәарҭадара, асоциал-економикатә ҿиара, жәларбжьаратәи аизыҟазаашьақәа рырҭбаара ахырхарҭақәа рыла ҳәа лҳәеит Урыстәыла Адәныҟатәи аусқәа рминистрра ахаҭарнак ҷыда Мариа Захарова.
"Аԥсны анапхгара ҿыц рҿаԥхьа иқәгылоуп ганрацәала ареспублика ашьҭыхразы хра злоу ауснагӡатә дуқәа. Абри апроцесс аҿы акыр зҵазкуа аҭыԥ ааннакыларц ааԥхьара ҟаҵоуп иахәҭоу аурыс-аԥсуа еиқәшаҳаҭрақәа рынагӡара", — ҳәа азгәалҭеит атәыла ахада иалхрақәа рылҵшәақәа ахҳәаа рыҭо.
Захарова инаҵшьны иазгәалҭеит, Урыстәылеи жәларбжьаратәи анаԥшцәеи иҟарҵаз ахәшьарақәа рыла, алхрақәеи абыжьқәа рыԥхьаӡареи ишьақәыргылаз аусмҩаԥгатәқәа инарықәыршәаны ишымҩаԥгаз.
Хәажәкыра аказы Аԥсны имҩаԥысит атәыла ахада иалхрақәа аҩбатәи атур. Атәыла ахадарахьы иқәгылан, жәабран 15 рзы имҩаԥысыз алхрақәа актәи атур аан еиҳаны абыжьқәа зауз акандидатцәа Бадра Гәынбеи Адгәыр Арӡынбеи.
Хәажәкыра 3 рзы Аԥсны АКХ ишьақәнарӷәӷәеит алхрақәа аҵыхәтәантәи алҵшәақәа. Бадра Гәынба 54,73% абыжьқәа риурала атәыла ахадас далхуп. Иара иоппонент Адгәыр Арӡынба - 41,54%. Урыстәыла ахада Владимир Путин Бадра Гәынба изааишьҭыз адныҳәаларатә шәҟәы аҟны агәрагара ааирԥшит аҩтәылак рыбжьара аиҩызаратәи аусеицуратәи еизыҟазаашьақәа аԥхьаҟагьы ишдырӷәӷәало аҩжәларык ирзеиӷьу аԥеиԥш азы.
Ажәабжьқәа зегьы
0