Микрофон  - Sputnik Аҧсны, 1920
Арадио

Хра злоу ахҭысқәа: Қәҭелиа ахәыҷқәа "Артекҟа" рцара иазкны

Хра злоу ахҭысқәа: Қәҭелиа ахәыҷқәа «Артекҟа» рцара иазкны
Анапаҵаҩра
Алагерь "Артек" ахь аԥсуа хәыҷқәа рзы сынтәатәи аквотақәа хынтә рыла еизырҳауп. Иаарласы уахь ицараны иҟоуп гәыԥҩык. Аԥсны аҵара аминистрра ауаажәларра рымадаразы аҟәша аиҳабы Аслан Қәҭелиа арадио Sputnik иазеиҭеиҳәеит ахәыҷқәа ралԥшаара шцо атәы.
10 шыкәса ҵуеит аԥсуа школхәыҷқәа Артекҟа ицоижьҭеи. Хәажәкыра 12 рзы араионқәа зегьы рҟынтә 110-ҩык ахәыҷқәа еиҭа идәықәҵахоит. Уажәы асиақәа реиқәыршәара иаҿуп министрраҿы.
"Ҟрымҟа ицоит аспорттә хәмаррақәа рҿы аиааира згақәаз ахәыҷқәа, аолимпиадақәа ирылахәу, ашколтә ԥсҭазаараҿы активла зхы аазырԥшуа. Ахәыҷқәа рзы аквотақәа ҳартеит хәыда-ԥсада, рышьҭра аҵара аминистрра ахахьы иагоит. Ахәыҷқа шьҭхоит дәыӷбала, ҩымчыбжь уа иҟазаауеит", - иҳәеит Қәҭелиа.
Инарҭбааны аицәажәара шәаҳар шәылшоит аудиофаил аҟны хыхь.
Ажәабжьқәа зегьы
0