https://sputnik-abkhazia.info/20250309/atylauai-aiabyrei-bargania-aibashra-ialakhyz-yrkhaa-rbaa-arytsra-iazkny-1054041650.html
Атәылауаҩи аиҳабыреи: Барганџьиа аибашьра иалахәыз Џьырхәаа рбаҟа арҿыцра иазкны
Атәылауаҩи аиҳабыреи: Барганџьиа аибашьра иалахәыз Џьырхәаа рбаҟа арҿыцра иазкны
Sputnik Аҧсны
Џьырхәа игылоу ҩ-еибашьрак ирызку абаҟа аиҭашьақәыргыларас иаҭаху, Урыстәыла ахада игрант ала иазоужьхо миллион мааҭ аԥара азхома арҽеиратә усқәа рымҩаԥгаразы... 09.03.2025, Sputnik Аҧсны
2025-03-09T09:00+0300
2025-03-09T09:00+0300
2025-03-09T09:00+0300
арадио
аԥсны
аподкаст
атәылауаҩи аиҳабыреи
https://cdnn1.img.sputnik-abkhazia.info/img/07e9/03/06/1054042876_0:0:1280:720_1920x0_80_0_0_a7cb1f3fd82af2218c4719dbe622e167.jpg
Атәылауаҩи аиҳабыреи: Барганџьиа аибашьра иалахәыз Џьырхәаа рбаҟа арҿыцра иазкны
Sputnik Аҧсны
Атәылауаҩи аиҳабыреи: Барганџьиа аибашьра иалахәыз Џьырхәаа рбаҟа арҿыцра иазкны
Џьырхәа игылоу ҩ-еибашьрак ирызку абаҟа аиҭашьақәыргыларас иаҭаху, Урыстәыла ахада игрант ала иазоужьхо миллион мааҭ аԥара азхома арҽеиратә усқәа рымҩаԥгаразы, арадио Sputnik аефир аҟны еиҭеиҳәеит ақыҭа ахада Алхас Барганџьиа.Аџьынџьтәылатә еибашьра Ду аҟны Аиааира агара 80 шықәса ахыҵра инамаданы Урыстәыла ацхраауеит афырхацәа ргәалашәара иазку Аԥсны амемориалқәа зегьы реиҭашьақәыргылара. Урыстәыла ахада Владимир Путин хаҭала иҟаиҵаз адҵала уи аус аԥара азоужьуп. Аԥсны иҟоу Аџьынџьтәылатә еибашьра Дуӡӡаан игаз Аиааира иазку абаҟақәа реиҭашьақәыргыларазы Урыстәыла Ахада игрантқәа рфонд ахь арзаҳалқәа 62 аларҵахьеит, урҭ рахьтә 24 ирзыразхахьеит.Џьырхәантә 260-ҩык Аџьынџьтәылатә еибашьра дуӡӡа иалахәын, урҭ рахьынтә шәи аӡәы ҭахеит, иҟоуп ажәлақәа 4-5 рҟынӡа аишьцәа ахьҭахаз, агәараҭақәа зышәқәа акыз, иҳәеит ақыҭа ахада. Џьырхәа ақыҭа иалҵыз иоуп Асовет Еидгыла афырхаҵа ҳәа ахьӡ ҳаракы иаԥсахаз Владимир Ҳаразиа.Аџьынџьтәылатә еибашьра ду аҿы иара убас Аԥсны жәлар Рџьынџьтәылатә еибашьраҟны иҭахаз Џьырхәаа рҵеицәа рбаҟа акны иҟоуп."Иҳарҭо миллионк мааҭ рҟынӡа уи цхыраара дууп, аха иаазымхаратә иҟоуп, ахәқәа иахьа акалашәа иҟалеит. Убасҟак арҿыцра аҭахуп. Ҳаибашьра ашьҭахь Назырбеи Габниа ашкол аҿы аус иуан, иҩызцәеи иареи еицхырааны еибырҭаз ауп абаҟа. Уажәы алшара аныҟала, ианҳацхраа, шьҭа ҳаналага ирҿыцны ишахәҭоу иҟаҵатәуп", - иҳәеит Барганџьиа.Аицәажәара инеиҵыхны ишәаҳар шәылшоит аудиофаил аҟны хыхь.
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, аподкаст, атәылауаҩи аиҳабыреи, аудио
аԥсны, аподкаст, атәылауаҩи аиҳабыреи, аудио
Џьырхәа игылоу ҩ-еибашьрак ирызку абаҟа аиҭашьақәыргыларас иаҭаху, Урыстәыла ахада игрант ала иазоужьхо миллион мааҭ аԥара азхома арҽеиратә усқәа рымҩаԥгаразы, арадио Sputnik аефир аҟны еиҭеиҳәеит ақыҭа ахада Алхас Барганџьиа.
Аџьынџьтәылатә еибашьра Ду аҟны Аиааира агара 80 шықәса ахыҵра инамаданы Урыстәыла ацхраауеит афырхацәа ргәалашәара иазку Аԥсны амемориалқәа зегьы реиҭашьақәыргылара. Урыстәыла ахада Владимир Путин хаҭала иҟаиҵаз адҵала уи аус аԥара азоужьуп. Аԥсны иҟоу Аџьынџьтәылатә еибашьра Дуӡӡаан игаз Аиааира иазку абаҟақәа реиҭашьақәыргыларазы Урыстәыла Ахада игрантқәа рфонд ахь арзаҳалқәа 62 аларҵахьеит, урҭ рахьтә 24 ирзыразхахьеит.
Џьырхәантә 260-ҩык Аџьынџьтәылатә еибашьра дуӡӡа иалахәын, урҭ рахьынтә шәи аӡәы ҭахеит, иҟоуп ажәлақәа 4-5 рҟынӡа аишьцәа ахьҭахаз, агәараҭақәа зышәқәа акыз, иҳәеит ақыҭа ахада. Џьырхәа ақыҭа иалҵыз иоуп Асовет Еидгыла афырхаҵа ҳәа ахьӡ ҳаракы иаԥсахаз Владимир Ҳаразиа.
Аџьынџьтәылатә еибашьра ду аҿы иара убас Аԥсны жәлар Рџьынџьтәылатә еибашьраҟны иҭахаз Џьырхәаа рҵеицәа рбаҟа акны иҟоуп.
"Иҳарҭо миллионк мааҭ рҟынӡа уи цхыраара дууп, аха иаазымхаратә иҟоуп, ахәқәа иахьа акалашәа иҟалеит. Убасҟак арҿыцра аҭахуп. Ҳаибашьра ашьҭахь Назырбеи Габниа ашкол аҿы аус иуан, иҩызцәеи иареи еицхырааны еибырҭаз ауп абаҟа. Уажәы алшара аныҟала, ианҳацхраа, шьҭа ҳаналага ирҿыцны ишахәҭоу иҟаҵатәуп", - иҳәеит Барганџьиа.
Аицәажәара инеиҵыхны ишәаҳар шәылшоит аудиофаил аҟны хыхь.
