"Аԥсны акоманда" анапхгараҭаратә еицлабра аихшьаалақәа мҩаԥысит Аҟәа
22:00 13.04.2025 (ирҿыцуп: 10:08 14.04.2025)
© Sputnik / Томас Тхайцук
Анапаҵаҩра
"Аԥсны акоманда" аплатформа "Урыстәыла – алшарақәа ртәыла" адгыларала имҩаԥысуеит. Апроект жәабран 12 рзы ихацыркхеит, уи алахәхаразы х-нызқьҩык инареиҳаны арзаҳалқәа аларҵеит.
АҞӘА, мшаԥы 13 — Sputnik. Аҟәа "Аԥсны акоманда" анаԥхгараҭаратә еицлабра аихшьаалақәа ҟарҵеит.
Аусмҩаԥгатә рхы аладырхәит аҳәынҭқарра ахада Бадра Гәынба, уи ихаҭыԥуаҩ Беслан Бигәаа, аԥыза-министр Владимир Делба, Аԥсны ахада Иусбарҭа анаԥхгаҩы Беслан Ешба, ауаажәларратә проектқәа рзы Урыстәыла ахада Иусбарҭа анаԥхгаҩы Сергеи Новиков, Аԥсны иҟоу Урыстәыла ацҳаражәҳәаҩ Михаил Шургалин.
Иара иазгәеиҭеит, иреиӷьу ҩажәаҩык рхыԥхьаӡараҿы иҟалозаалакгьы алахәылацәа зегьы аԥхьахәгаҩцәаны ишыԥхьаӡоу.
"Сара акырӡа сақәгәыӷоит "Аԥсны акоманда" алахәылацәа ишәыбзоураны, шәдырреи шәԥышәеи шәхы иархәаны ҳҳәынҭқарра амаҵ азызуа, аԥеиԥш лаша азаазго шшәакәу", — ҳәа иҳәеит атәыла ахада.
Аханатә ишырҳәахьаз еиԥш 20-ҩык ракәымкәан 22-ы ыҟоуп. Уи зыхҟьаз хҿҩык абаллқәа еиҟараны ироуит.
Аиааира ргеит: Демид Ҳагба, Лаша Маршьан, Сергеи Сангәлиа, Нури Ҭарба, Саид Ҵнариа, Ҭеимураз Амқәаб, Роберт Минасиан, Анжелика Вартикиан, Георги Чапанӡе, Саид Ебжьноу, Виачеслав Попов, Саид Ашәба, Беслан Аршба, Едуард Гогиа, Иаҭыр Ажьиба, Анана Гогохиа, Маиа Цыбулевскаиа, Хамида Ӡиӡариа, Константин Аршба, Инал Хәытаба, Гьаргь Кәакәасқьыр, Анна Гәниа.
Бадра Гәынба гәыԥҩык алахәылацәеи аиҿкааҩцәеи аиҳабыратә маҵураҭыԥқәа рыдеигалеит.
Иаҭыр Ажьиба идигалеит Аминистрцәа реилазаара аппарат анапхгаҩ иҭыԥ, ️Баҭал Мышәба – атранспорти аенергетикеи рминистрс, Аԥсырҭ Ҵәыџьба – Афинансқәа рминистрра аказначеитә усбарҭа аиҳабыс.
Бадра Гәынба аицлабрақәа реиҿкааҩ, Аҳәынҭспортеилакы аиҳабы Ҭарашь Ҳагба идигалеит аԥыза-министр ихаҭыԥуаҩи иара убас аҿар рполитика хылаԥшра аҭареи.
"Аԥсны акоманда" аплатформа "Урыстәыла – алшарақәа ртәыла" адгыларала имҩаԥысуеит. Апроект жәабран 12 рзы ихацыркхеит, уи алахәхаразы 3-нызқьҩык инареиҳаны арзаҳалқәа аларҵеит.
