Ихадоу атемақәа

Ихадоу атемақәа
Анапаҵаҩра
Аҟәа аԥсуа ҵарауаҩ, аполитик Иури Воронов ибаҟа амҵан ашәҭқәа шьҭарҵеит. Уи рхы аладырхәит Аԥсны ахада ихаҭыԥуаҩ Беслан Бигәаа, аиҳабыра алахәылацәа, аҵарауаа. Иури Воронов диит лаҵара 8 1941 шықәсазы Ҵабал ақыҭан, аурыс ҭауадцәа рҭаацәараҿы. Иара аԥсуа жәлар рмилаҭ-хақәиҭратә ҵысраҿы илагала дууп. 1990-1995 шықәсқәа рзы Воронов Аԥсны Иреиҳаӡоу Асовет адепутатс дыҟан. Аԥсны Жәлар Рџьынџьтәылатә еибашьраан Аԥсны аинтересқәа рыхьчаразы аинформациатә қәԥара мҩаԥигон, аиҿцәажәаратә процесс далахәын.
Аԥсны ахада Бадра Гәынба Аиааира 80 шықәса ахыҵра идиныҳәалеит Аџьынџьтәылатә еибашьра Дуӡӡа аветеран Алықьса Лашәриа. "Ҳаҭыр ду зқәу ҳветеранцәа, ҳгәы шәыладууп. Шәара шәгәымшәара ҿырԥшыгоуп. Аиааиразы, иҭабуп", — иҳәеит Гәынба. 1945 ашықәсазы Алықьса Лашәриа Берлиннӡа днаӡеит, иара Реихстаг аҭӡамц аҿы аҩыра аанижьит. Ҳазҭоу ашықәс жәабранмзазы иара 100 шықәса ихыҵит.
Гәдоуҭа араиони Иарославльтәи аобласт Иарославльтәи араиони рхадарақәа Гәдоуҭа ақалақь аҿы асовет ԥрыҩцәа рбаҟа еиҭашьақәдыргылоит. Лаҵарамза 7 рзы абаҟа амҵан ашәҭқәа рышьҭаҵара мҩаԥысит, уи рхы аладырхәит Гәдоуҭа араион ахада Валери Аҩӡба, Иарославльтәи араион ахада Николаи Золотников, Араионтә еизара адепутатцәа, Аԥсуа аруаа, Урыстәылатәи арратә база аруаа. "Аусурақәа хыркәшахоит ма рашәарамза 22 рзы, мамзаргьы цәыббрамза 30 рзы", — иҳәеит Аҩӡба.
Аҟәа ақалақь ахадара атуристтә аамҭахәҭа аҽазыҟаҵара иадҳәаланы еиҭаҵуа агәамсам зҭарԥсо аконтеинер ҿыцқәа 110 аанахәеит. Агәамсам еизгаразы аиқәыршәагақәеи иҵегьы еиҳаны аконтеинерқәеи раахәара азԥхьагәаҭаны иҟоуп ҳәа иҳәеит ақалақь ахада ицхырааҩ Константин Ҭарба.
Ажәабжьқәа зегьы
0