Путин: Урыстәыла ықәгылоит адунеизегьы аҟны аҭынчра аиҿкааразы
10:34 19.06.2025 (ирҿыцуп: 11:59 19.06.2025)
© Sputnik / Александр Демьянчук/POOL
/ Анапаҵаҩра
АҞӘА, рашәара 18 - Sputnik. Урыстәыла ахада Владимир Путин ПЖәАФ-2025 аҳәаақәа ирҭагӡаны адунеизегьтәи АИХ-қәа рнапхгаҩцәеи иареи реиԥылараҿы иҟаиҵаз ихадоу аҳәамҭақәа:
Путин иҳәамҭа хада:
Урыстәыла ықәгылоит адунеизегьы аҟны аҭынчра аиҿкааразы, иара убас аибашьра алахәаахәҭреи аԥкрақәеи ирҿагылоит. Хықәкыс иҟоу ҳаицхырааны урҭ ауадаҩрақәа риааиразы амҩақәа рыԥшаара ауп.
Путин дазхиоуп аҭынчра аҵыхәтәантәи ашьаҿаҿы Зеленскии иареи реиԥылара, аха Киев ахьӡала аусшәҟәқәа рнапы рыҵазҩуада ҳәа азҵаара ықәгылоуп, изакәандароу арежим инамаданы.
Урыстәылеи Украинеи реиҿцәажәаратә гәыԥқәа аимадара рымоуп, иахьа Медински Киевынтәи ипартниор диацәажәеит, рашәара 22 ашьҭахь анаҩстәи араунд амҩаԥгара иалацәажәоит.
Урыстәыла Украинатәи аиҿагылара иаарласны ахыркәшара аҭахуп, еиҳа еиӷьуп ҭынч мҩала.
Зегьы реиҳа иузеилымкаауа амц — Урыстәыла НАТО иақәлар аҭахуп ҳәа ирҳәо.
НАТО-и ҳареи ҳаизыҟазаашьақәа рҿы иҟоу акризис алагеит 2014 шықәсазы, аха уадаҩрас иҟоу Ҟрым Урыстәыла адлара акәӡам Мраҭашәара Украина аҳәынҭқар иахҳәара ацхраара шарҭаз ауп.
Ирани Израили ринтересқәа рыхьчара зылшо аӡбара аԥшаара алшоит.
Иран адгьылҵаҟатәи азауадқәа иахьагьы иҟоуп, урҭ акгьы рмыхьӡеит.
Уажәазы Иран АЕС аргыларҭаҿы 200-ҩык инареиҳаны урыстәылатәи аҟазацәа аус руеит. Урыстәылеи Израили урҭ ршәарҭадара аиқәыршәаразы аиқәшаҳаҭра рыбжьарҵеит.
