ПСБ аҿы еиҭарҳәеит аӷьычцәа рҟынтә ахыхьчара шауа
10:15 05.08.2025 (ирҿыцуп: 13:38 05.08.2025)
© Sputnik / Томас Тхайцук
Анапаҵаҩра
АҞӘА, нанҳәа 5 - Sputnik. ПСБ аҿы еиҭарҳәеит аӷьычцәа рҟынтә ахыхьчара шауа.
Аӷьычцәа рхықәкы – изакәантәым аусқәа рымҩаԥгаразы атәымуаа рдыррақәа роура, ма ауаҩы ихаҭа иԥара риҭартә аҟаҵара.
Шәрымжьарц азы иаҭахуп:
Ацифратә хыхьчара. Аофициалтә саитқәа рҟынтә мацара ацҵақәа рҭагалара. Аелектронтә шәҟәқәеи асаитқәеи рҭыӡҭаҭыԥқәа ргәаҭара, антивирусқәа рырҿыцра, аԥара мариала ишәоуеит ҳәа зҳәо акциақәеи аҭҵаарақәеи аҽрыламырхәра.
Иарбанзаалак аинформациа агәаҭара. Ишәзымдыруа аномерқәа рҟынтәи аҭел иасуа рыгәрамгара. Абанкқәеи, амобилтә операторқәеи, аҳәынҭқарратә усбарҭақәеи асоциалтә еимадарақәеи амессенџьерқәеи рҟынтә аҭел иасӡом. Шәдыр аԥара шәымԥсахра даҳәозар, уи иара шиакәҵәҟьоу еилышәкаа.
Ахатә дыррақәа рыхьчара. Адокументқәеи абанктә картақәеи рдыррақәа рыхкьыԥхьаақәа амессенџерқәа рыла ишәмышьҭлан, аҭел ала шәеицәажәараан ишәымҳәан, ахԥатәи аган иатәу аиҿкаарақәеи ахаҿқәеи ранкетақәа хашәмырҭәаалан. Ҩ-факторк змоу аутентификациа шәхы иашәырхәала.
ПСБ ишәгәаланаршәоит, шәыԥхьаӡамҭақәа рганахьала афинанстә операциақәа рзы адыррақәа абри аномер 4444 ала игәашәҭар шшәылшо.
