Путини Трампи реиҿцәажәарақәа х-сааҭк инарзынаԥшуа ицон: ихадоу
04:50 16.08.2025 (ирҿыцуп: 05:12 16.08.2025)
© POOL
/ Анапаҵаҩра
АҞӘА, нанҳәа 16 - Sputnik. Владимир Путини Дональд Трампи Алиаска имҩаԥысыз реиҿцәажәарақәа 2 сааҭки 45 минуҭи ицон. Ихадоу.
Урыстәыла ахада Владимир Путин:
Аиҿцәажәарақәа мҩаԥысит аконструктивтәи аҳаҭырқәҵаратәи аҭагылазаашьаҿы. Аҩганкгьы алҵшәа иазыхиан. Урыстәыла иабоит Трамп иусбарҭа Украинатәи акризис аӡбараҿы ацхыраараз агәазыҳәара шамоу.
Урыстәылеи Америкеи — еизааигәоу гәылацәоуп, океанла ишеиҟәыҭхоугьы. Москвеи Вашингтони рзы акырӡа аҵанакуеит аусеицура аиҭашьақәыргылара. Аҩ-ҳәынҭқаррак еицырзеиԥшу аусуразы аинтерес зҵоу ахырхарҭақәа рацәоуп.
Урыстәыла гәык-ԥсык ала аинтерес амоуп Украинатәи аиҿагылара хара имгакәа аӡбара. Москва ақәшаҳаҭуп Украина ашәарҭадара аиқәыршәара, убри аҟнытә аусура иазхиоуп. Убри аана, Урыстәыла ақәгәыӷуеит Киев аԥырхагахарым ҳәа аҭышәнартәалараз иҟало аиҭакрақәа рзы.
Аусбарҭа ҿыц ааижьҭеи Урыстәылатәи Америкеи рыбжьара атауареиқәыршара 20% рыла еизҳаит.
Америка ахада Дональд Трамп:
Аиԥылара даара алҵшәа бзиа аман, "аҿиара дуқәа" ҟалеит. Трамп иҳәеит, Украина азы Путини иареи "акыр ахәҭақәа" рықәшаҳаҭхара шилшаз. Аха урҭ рҟынтә макьана аиқәшаҳаҭрақәа ыҟаӡам.
Украина иазку аиқәшаҳаҭрақәа рҟны "зегь реиҳа ихадоу ахәҭа" азы Урыстәылеи ҳареи ҳаиқәшаҳаҭымхаӡацт, аха аганқәа аиқәшаҳаҭра рыбжьаҵаразы "ашьаҿа бзиақәа" ыҟоуп.
Трамп Путин анаҩстәи иԥылара Москва амҩаԥгаразы иҟаиҵаз ажәалагала аинтерес аҵоуп ҳәа иҳәеит. Уи иазгәеиҭеит, иаарласны Урыстәыла ахада иацәажәара "иаарласны дшақәгәыӷо".
Трамп иҳәеит Зеленски, НАТО, егьырҭгьы аҭел дшырзасо Путини иареи реиԥылара алҵшәақәа рзеиҭеиҳәарц.
