Герасимов: АОҶ аҵакыраҟны астратегиатә инициатива зегьы урыстәылатәи аруаа рнапаҿы иҟоуп
17:15 30.08.2025 (ирҿыцуп: 17:16 30.08.2025)
© Sputnik / Григорий Сысоев
/ Анапаҵаҩра
АҞӘА, нанҳәа 30 - Sputnik. Урыстәыла арратә операциа ҷыда аҵакыраҟны астратегиатә инициатива зегьы урыстәылатәи аруаа рнапаҿы иҟоуп, абас аҳәамҭа ҟаиҵеит Арбџьармчқәа Аштаб хада анапхгаҩы Валери Герасимов.
Герасимов ааԥын-аԥхын аамҭахәҭа аихшьаалақәа ҟаиҵеит:
Хәажәкырамза аахыс Урыстәылатәи аруаа 3,5 нызқь км² аҵакырақәеи 149 нхарҭа ҭыԥқәеи рхы иақәиҭыртәит.
ЛЖәР аҵакырақәа 99,7% рнапахьы иаагоуп, ДЖәР — 79%, Запорожиатәи аобласт — 74%, Харьковтәи аобласт — 76%.
Курсктәи аобласт аҿы ашәарҭадаратә зона аԥҵаразы аусурақәа мҩаԥысуеит, Сумсктәи аобласт аҵакыра — 210 нызқь км² урыстәылатәи аруаа рнапаҵаҟа иҟоуп.
Украина арратә хыбрақәеи арратә-ааглыхратә комплексқәеи реилаԥыххаара ишаҿыц иаҿуп, ааԥынра-аԥхынра аамҭазы иқәцҟьаан 76 хыбра.
Аҭҵаарақәа ишаадырԥшуа ала, Украинатәи Арбџьармчқәа ацәыӡ дуқәагьы шроуагьы, рымчқәа зегьы урыстәылатәи аруаа ржәылара аркәадара иазырхоуп.
