https://sputnik-abkhazia.info/20250922/sputnik-amchybzh-stanislav-lakoba-iakhara-aakhy-uastyla-aaara-afestival-asny-1057692272.html
Sputnik Амчыбжь: Станислав Лакоба иҭахара, Аахыҵ Уаԥстәыла аҭаара, афестиваль "Аԥсны"
Sputnik Амчыбжь: Станислав Лакоба иҭахара, Аахыҵ Уаԥстәыла аҭаара, афестиваль "Аԥсны"
Sputnik Аҧсны
Аинформацитә маҵзура Sputnik Аԥсны иазнархиеит жьҭаара 15-21 рызтәи амчыбжь ахҭысқәа реихшьала. 22.09.2025, Sputnik Аҧсны
2025-09-22T09:00+0300
2025-09-22T09:00+0300
2025-09-22T09:00+0300
аԥсны
ажәабжьқәа
аԥсны
акультура
ауаажәларра
https://cdnn1.img.sputnik-abkhazia.info/img/07e9/09/15/1057695594_0:0:3006:1691_1920x0_80_0_0_bb7acf54f20f1f5f5c89a3db7372b663.jpg
Еицырдыруа аԥсуа ҵарауаҩ Станислав Лакоба дышҭахаз, ари арыцҳара иахҟьаны аҳәынҭқарра ахада Бадра Гәынба иусуратә аамҭеихшаҿ иҟаиҵаз аԥсахрақәа, иҳаҩсыз амчыбжь азы атәыла ахада имҩаԥигаз аилатәарақәеи атәыла анҭыҵ дызлахәызи аусмҩаԥгатәеи, Москва иаатыз V афестиваль "Аԥсны" шымҩаԥысызи ртәы, шәаԥхьа Sputnik аматериал аҿы. Аԥсны азы харҭәаашьа змам ацәыӡЦәыббра 20 ахәылбаҽха дҭахеит Аԥсны иналукааша аҭоурыхдырҩы, апрофессор, академик, ауаажәларратәи аполитикатәи аусзуҩ Станислав Лакоба.Аҵарауаҩ иԥшәмаԥҳәыси иареи амҩан амашәыр иақәшәеит. Ааха зауз Гәдоуҭатәи араионтә хәшәтәырҭа хадахьы инаргеит, аха Лакоба еиқәырхара залымшеит. Станислав Лакоба иҭахара инамаданы Аԥсны ахада Бадра Гәынба Цхьынвалынтәи Аҟәаҟа ахынҳәра иӡбеит.Атәыла ахада ипресс-маҵзура излаанацҳаз ала, Гәынба Москваҟа дцараны иазгәаҭан, цәыббра 21 рзы Урыстәыла аҳҭнықалақь аҿы иаатуаз ахәбатәи аиубилеитә фестиваль "Аԥсны" алахәхаразы.Ҭаҭарсҭан аус ацуразыИаҳхысыз амчыбжь азы аҳәынҭқарра ахада Бадра Гәынбеи Ҭаҭарсҭантәи аделегациеи акультуратә усеицура аҿиара азҵаарақәа ирылацәажәеит. Атәыла ахада инаҵшьны иазгәеиҭеит шықәсарацәалатәи аизыҟазаашьақәа рырӷәӷәара иамоу аҵакы, иҳәеит Аԥсны еснагь ишыргәалашәо аибашьреи аибашьра ашьҭахьтәи ашықәсқәеи раан Ҭаҭарсҭан иҟанаҵаз ацхыраара атәы.Ҭаҭарсҭан аԥыза-министр ихаҭыԥуаҩ Уасил Шаихразиев ҭабуп ҳәа реиҳәеит ирзыҟарҵаз адкылара бзиазы, иара убасгьы иазгәеиҭеит Ҭаҭарсҭан акультуратә усеицура аҿиареи, аҩ-республикак рҿы агастрольқәа реимдареи, афестивальқәеи афорумқәеи рымҩаԥгареи ишазҿлымҳау.Асанитар-епидемиологиатә маҵзура 100 шықәса ахыҵитЦәыббра 15 рзы Аԥсны Асанитар-епидемиологиатә маҵзура аԥҵуишьҭеи шәышықәса ҵит.Ари арыцхә инамаданы атәыла ахада Бадра Гәынба Аԥсны амедицинатә усзуҩцәа гәыԥҩык "Аԥсны аҳәынҭқарра зҽаԥсазтәыз аҳақьым", "Аԥсны аҳәынҭқарра зҽаԥсазтәыз амедицина аусзуҩ" ҳәа аҳаҭыртә хьӡқәа рхиҵеит."Амилаҭтә гәабзиарахьчараҿы алшамҭақәа рзы" амедал ланашьоуп ареспублика асанитартә ҳақьым хада Алла Белиаева.Аиашьаратә республика аҭаара Аҳәынҭқарра ахада Бадра Гәынба наԥхгара зиҭоз Аԥснытәи аделегациа Цхьынвал ақалақь аҟны Аахыҵ Уаԥстәыла 35 шықәса ахыҵара иазкны имҩаԥысуаз аусмҩаԥгатәқәа рхы аладырхәит.Аԥсны ахада диԥылеит Аахыҵ Уаԥстәыла аԥыза-министр Константин Џьуссоев. Дара традициала ишаԥу еиԥш асас иԥылеит амилаҭтә кәашарақәа рыла, рчеиџьыка арнапы иқәыргыланы.Аҳәынҭқарра ахада иара убас I Жәларбжьаратәи аекономикатә форум "Аахыҵ Уаԥстәыла: аинвестициатә ҳәаақәа" аҟны ажәахә ҟаиҵеит.Аҩ-республикак рыбжьара аусеицура аҿиараҿы хаҭала илагала ду азы Бадра Гәынба Аахыҵ Уаԥстәылатәи Ареспублика Аиҩызара аорден ианаршьеит.Аԥснытәи аделегациа Аԥсадгьыл ахьчаҩцәа рымемориал амҵан ашәҭшьыҵәрақәа шьҭарҵеит, иара убасгьы аетнографиатә фестиваль "Уаԥстәылатәи ашҭа-гәара" иаҭааит.Иара убас, хыԥхьаӡара рацәала аиԥыларақәа мҩаԥган. Аԥсны аԥыза-министр Владимир Делба Аахыҵ Уаԥстәылатәи иколлега Константин Џьуссоеви иареи русеицура азҵаарақәа ирылацәажәеит.Делба иазгәеиҭеит, Аԥснытәи аделегациа ааԥхьара ахьаиуз — Актәи Жәларбжьаратәи аекономикатә форум ахәаахәҭра-економикатә, асоциалтә, агуманитартә еимадарақәа рырҿиаразы ирымоу агәазыҳәара даҽазныкгьы ишьақәнарӷәӷәоит ҳәа. Делба ТАСС иеиҭаз аинтервиу аҿы инаҵшьны иазгәеиҭеит, Аԥсны шазхиоу Аахыҵ Уаԥстәылеи аус ацура атәылауаа рыбзазара аиӷьтәреи аусеицура аҿиареи ирызку аекономикатә проектқәа рынагӡараҿы.Иара убас, аусуратә ныҟәара аҳәаақәа ирҭагӡаны, аусшәҟәқәа жәпакы рнапы рыҵарҩит. Урҭ иреиуоуп атауарқәа рыхәаахәҭрази аинвестициатә усмҩаԥгатәқәа рҿы аусеицурази Аиқәшаҳаҭра, иара убас Аԥсны Амилаҭтә банки Аахыҵ Уаԥстәылатәи Амилаҭтә банки аусеицуразы Аиқәшаҳаҭра рыбжьарҵеит.Уи адагьы Аахыҵ Уаԥстәыла аҳҭнықалақь аҿы аиашьаратә қалақьқәа реизыҟазаашьақәеи аусеицуреи рышьақәыргыларазы Аиқәшаҳаҭра рнапы аҵарҩит.Афестиваль "Аԥсны"Цәыббра 21 рзы Москва "Ермитаж" абаҳчаҿы иаатит V Аԥсуа культура афестиваль "Аԥсны".Аԥсны ахада ихаҭыԥуаҩ Беслан Бигәаа афестиваль асасцәа бзиала шәаабеит ҳәа раҳәо, аҳәынҭқарра ахада Бадр Гәынба иҟаиҵаз адныҳәаларатә ажәахә даԥхьеит."Афестиваль "Аԥсны" — ари Аԥсны аӡыргаразы илшара бзиоуп. Уи иабзоураны ҳтәыла, иҷыдоу ҳкультуреи, ажәытәӡатәи ҳҵасқәеи ртәы еиҳа-еиҳа ирацәаҩны еилыркаауеит", — ҳәа азгәаҭан адныҳәаларатә шәҟәы аҿы.Сынтәатәи афестиваль апрограмма даара еиуеиԥшымызт, асасцәа рзы аинтерес зҵаз аҭыԥқәа рацәаны еиҿкаан.Аусеицуразы аиқәшаҳаҭраАԥсны аҵара аминистрреи Нхыҵ-Кавказтәи Афедералтә университети аусеицуразы аиқәшаҳаҭра рнапы аҵарҩит. Аусшәҟәы рнапы аҵарҩит ареспублика аҵара аминистр Хана Гәынԥҳаи Нхыҵ-Кавказтәи Афедералтә университет аректор инапынҵақәа назыгӡо Татиана Шабзыхәи. Аганқәа еицырзеиԥшу аусмҩаԥгатәқәа рзы амҩақәҵагатә хсаала иалацәажәеит. Гәынԥҳа иазгәалҭеит, ԥхьаҟатәи аусура амҽхак шдуу, ауниверситети аминистрреи еизааигәаны хра злоу аусеицура шымҩаԥырго азы агәыӷра шлымоу. Шабзыхә инаҵшьны иазгәалҭеит, акыршықәсатәи аусеицура уажәнатәгьы иубарҭоу алҵшәақәа шаанаго. Иара убас, аусеицуразы аиқәшаҳаҭра ҿыц рыбжьарҵеит Аԥснытәи Аҳәынҭқарратә универститети Нхыҵ-Кавказтәи Афедералтә университети.Аганқәа еицырзеиԥшу аҵареи аҭҵаарадыррақәеи рпроектқәа ирылацәажәеит, урҭ рхыԥхьаӡараҿы иҟоуп археологиатә ҭҵаарақәа рзы Жәларбжьаратәи аҭҵаарадырратә-аҭцааратә лабораториа аԥҵара, астудентцәеи арҵаҩцәеи реимдара, аконференциақәеи аҵарадырра аизырҳаратә программақәеи рылахәхара.Аҿар РеизараАԥснытәи аделегациа Нижни Новгород иаҭааит Адунеизегьтәи аҿар рфестиваль Аизара рҽаладырхәырц.Аделегациа аилазаараҿы иҟан 18 шықәса зхыҵуа инаиркны 35 шықәсанӡа зхыҵуа 40-ҩык, иара убас ҩыџьа зықәра намӡац. Агәыԥ наԥхгара аиҭон аԥыза-министр ихаҭыԥуаҩ, Аԥсны аҿари аспорти рзы Аҳәынҭеилакы ахантәаҩы инапынҵақәа назыгӡо Ҭарашь Ҳагба. Аҳәынҭқарра ахада иплатформа "Урыстәыла – алшарақәа ртәыла" акоманда Аԥснытәи аделегациа ҳамҭас ирырҭеит рнапала асахьақәа знырҵаз асамовар. Сынтәа афестиваль 2000-ҩык ауаа еиднакылеит, урҭ рҟынтәи 1000-ҩык аҳәаанырцәтәи атәылақәа рҟынтәи аделегатцәа ракәын. Афестиваль мҩаԥысуан цәыббра 17 инаркны 21 рҟынӡа. Ақәыршҩыи аӡхыҵреиАсабша, цәыббра 20 ахәылбыҽха Аҟәеи, Аҟәа араиони, Гәылрыԥшь араиони рҟны ақәаршҩы ӷәӷәа леит. Иҳаҩсыз амчыбжь азы ҩынтәны ақәаршҩы иахҟьаны амҩадуқәеи аҩнқәеи ӡыла иҭәит, аԥша иасыз афымцацәаҳәақәа канажьит, ҭыԥқәак рҿы аҵлақәа хыжәжәеит. Ақалақьтәи араионтәи акоммуналтә усбарҭақәа аҵх зегьы амшцәгьа ахҟьаԥҟьақәа ақәгара иаҿын. Амшцәгьаан аӡәгьы ааха имоуӡеит.
https://sputnik-abkhazia.info/20250920/mashyrla-dakheit-asny-inalukaasha-aourykhaay-auaazhlarrat-uszuy-stanislav-lakoba--1057680757.html
https://sputnik-abkhazia.info/20250917/gynbei-aarsanti-adelegatsiei-akulturat-useitsura-aiara-azaaraa-irylatsazheit-1057613881.html
https://sputnik-abkhazia.info/20250915/byba-asny-asanitar-epidemiologiat-mazura-ashagylara-shyshysa-akhyra-rydinyaleit-1057549730.html
https://sputnik-abkhazia.info/20250920/badra-gynbei-alan-gagloevi-eiyleit-1057671044.html
https://sputnik-abkhazia.info/20250920/aei-tskhynvali-aiasharat-alaany-ialeit--1057676721.html
https://sputnik-abkhazia.info/20250921/nizhni-novgorod-imaysuaz-aduneizegti-aar-rfestival-aizara-khyrkshakheit-1057684035.html
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аԥсны, акультура, ауаажәларра
ажәабжьқәа, аԥсны, акультура, ауаажәларра
Sputnik Амчыбжь: Станислав Лакоба иҭахара, Аахыҵ Уаԥстәыла аҭаара, афестиваль "Аԥсны"
Аинформацитә маҵзура Sputnik Аԥсны иазнархиеит жьҭаара 15-21 рызтәи амчыбжь ахҭысқәа реихшьала.
Еицырдыруа аԥсуа ҵарауаҩ Станислав Лакоба дышҭахаз, ари арыцҳара иахҟьаны аҳәынҭқарра ахада Бадра Гәынба иусуратә аамҭеихшаҿ иҟаиҵаз аԥсахрақәа, иҳаҩсыз амчыбжь азы атәыла ахада имҩаԥигаз аилатәарақәеи атәыла анҭыҵ дызлахәызи аусмҩаԥгатәеи, Москва иаатыз V афестиваль "Аԥсны" шымҩаԥысызи ртәы, шәаԥхьа Sputnik аматериал аҿы.
Аԥсны азы харҭәаашьа змам ацәыӡ
Цәыббра 20 ахәылбаҽха дҭахеит Аԥсны иналукааша аҭоурыхдырҩы, апрофессор, академик, ауаажәларратәи аполитикатәи аусзуҩ Станислав Лакоба.
Аҵарауаҩ иԥшәмаԥҳәыси иареи амҩан амашәыр иақәшәеит. Ааха зауз Гәдоуҭатәи араионтә хәшәтәырҭа хадахьы инаргеит, аха Лакоба еиқәырхара залымшеит.
Станислав Лакоба иҭахара инамаданы Аԥсны ахада Бадра Гәынба Цхьынвалынтәи Аҟәаҟа ахынҳәра иӡбеит.
Атәыла ахада ипресс-маҵзура излаанацҳаз ала, Гәынба Москваҟа дцараны иазгәаҭан, цәыббра 21 рзы Урыстәыла аҳҭнықалақь аҿы иаатуаз ахәбатәи аиубилеитә фестиваль "Аԥсны" алахәхаразы.
Иаҳхысыз амчыбжь азы аҳәынҭқарра ахада Бадра Гәынбеи Ҭаҭарсҭантәи аделегациеи акультуратә усеицура аҿиара азҵаарақәа ирылацәажәеит.
Атәыла ахада инаҵшьны иазгәеиҭеит шықәсарацәалатәи аизыҟазаашьақәа рырӷәӷәара иамоу аҵакы, иҳәеит Аԥсны еснагь ишыргәалашәо аибашьреи аибашьра ашьҭахьтәи ашықәсқәеи раан Ҭаҭарсҭан иҟанаҵаз ацхыраара атәы.
Ҭаҭарсҭан аԥыза-министр ихаҭыԥуаҩ Уасил Шаихразиев ҭабуп ҳәа реиҳәеит ирзыҟарҵаз адкылара бзиазы, иара убасгьы иазгәеиҭеит Ҭаҭарсҭан акультуратә усеицура аҿиареи, аҩ-республикак рҿы агастрольқәа реимдареи, афестивальқәеи афорумқәеи рымҩаԥгареи ишазҿлымҳау.
Асанитар-епидемиологиатә маҵзура 100 шықәса ахыҵит
Цәыббра 15 рзы Аԥсны Асанитар-епидемиологиатә маҵзура аԥҵуишьҭеи шәышықәса ҵит.
Ари арыцхә инамаданы атәыла ахада Бадра Гәынба Аԥсны амедицинатә усзуҩцәа гәыԥҩык "Аԥсны аҳәынҭқарра зҽаԥсазтәыз аҳақьым", "Аԥсны аҳәынҭқарра зҽаԥсазтәыз амедицина аусзуҩ" ҳәа аҳаҭыртә хьӡқәа рхиҵеит.
"Амилаҭтә гәабзиарахьчараҿы алшамҭақәа рзы" амедал ланашьоуп ареспублика асанитартә ҳақьым хада Алла Белиаева.
Аиашьаратә республика аҭаара
Аҳәынҭқарра ахада Бадра Гәынба наԥхгара зиҭоз Аԥснытәи аделегациа Цхьынвал ақалақь аҟны Аахыҵ Уаԥстәыла 35 шықәса ахыҵара иазкны имҩаԥысуаз аусмҩаԥгатәқәа рхы аладырхәит.
Аԥсны ахада диԥылеит Аахыҵ Уаԥстәыла аԥыза-министр Константин Џьуссоев. Дара традициала ишаԥу еиԥш асас иԥылеит амилаҭтә кәашарақәа рыла, рчеиџьыка арнапы иқәыргыланы.
Аҳәынҭқарра ахада иара убас I Жәларбжьаратәи аекономикатә форум "Аахыҵ Уаԥстәыла: аинвестициатә ҳәаақәа" аҟны ажәахә ҟаиҵеит.
Аҩ-республикак рыбжьара аусеицура аҿиараҿы хаҭала илагала ду азы Бадра Гәынба Аахыҵ Уаԥстәылатәи Ареспублика Аиҩызара аорден ианаршьеит.
Аԥснытәи аделегациа Аԥсадгьыл ахьчаҩцәа рымемориал амҵан ашәҭшьыҵәрақәа шьҭарҵеит, иара убасгьы аетнографиатә фестиваль "Уаԥстәылатәи ашҭа-гәара" иаҭааит.
Иара убас, хыԥхьаӡара рацәала аиԥыларақәа мҩаԥган. Аԥсны аԥыза-министр Владимир Делба Аахыҵ Уаԥстәылатәи иколлега Константин Џьуссоеви иареи русеицура азҵаарақәа ирылацәажәеит.
Делба иазгәеиҭеит, Аԥснытәи аделегациа ааԥхьара ахьаиуз — Актәи Жәларбжьаратәи аекономикатә форум ахәаахәҭра-економикатә, асоциалтә, агуманитартә еимадарақәа рырҿиаразы ирымоу агәазыҳәара даҽазныкгьы ишьақәнарӷәӷәоит ҳәа.
Делба ТАСС иеиҭаз аинтервиу аҿы инаҵшьны иазгәеиҭеит, Аԥсны шазхиоу Аахыҵ Уаԥстәылеи аус ацура атәылауаа рыбзазара аиӷьтәреи аусеицура аҿиареи ирызку аекономикатә проектқәа рынагӡараҿы.
"Аинвесторцәа Аахыҵ Уаԥстәыла аекономика еиуеиԥшым ахырхарҭақәа ирызҿлымҳауп", - ҳәа иҳәеит иара.
Иара убас, аусуратә ныҟәара аҳәаақәа ирҭагӡаны, аусшәҟәқәа жәпакы рнапы рыҵарҩит. Урҭ иреиуоуп атауарқәа рыхәаахәҭрази аинвестициатә усмҩаԥгатәқәа рҿы аусеицурази Аиқәшаҳаҭра, иара убас Аԥсны Амилаҭтә банки Аахыҵ Уаԥстәылатәи Амилаҭтә банки аусеицуразы Аиқәшаҳаҭра рыбжьарҵеит.
Уи адагьы Аахыҵ Уаԥстәыла аҳҭнықалақь аҿы аиашьаратә қалақьқәа реизыҟазаашьақәеи аусеицуреи рышьақәыргыларазы Аиқәшаҳаҭра рнапы аҵарҩит.
Цәыббра 21 рзы Москва "Ермитаж" абаҳчаҿы иаатит V Аԥсуа культура афестиваль "Аԥсны".
Аԥсны ахада ихаҭыԥуаҩ Беслан Бигәаа афестиваль асасцәа бзиала шәаабеит ҳәа раҳәо, аҳәынҭқарра ахада Бадр Гәынба иҟаиҵаз адныҳәаларатә ажәахә даԥхьеит.
"Афестиваль "Аԥсны" — ари Аԥсны аӡыргаразы илшара бзиоуп. Уи иабзоураны ҳтәыла, иҷыдоу ҳкультуреи, ажәытәӡатәи ҳҵасқәеи ртәы еиҳа-еиҳа ирацәаҩны еилыркаауеит", — ҳәа азгәаҭан адныҳәаларатә шәҟәы аҿы.
Сынтәатәи афестиваль апрограмма даара еиуеиԥшымызт, асасцәа рзы аинтерес зҵаз аҭыԥқәа рацәаны еиҿкаан.
Аԥсны аҵара аминистрреи Нхыҵ-Кавказтәи Афедералтә университети аусеицуразы аиқәшаҳаҭра рнапы аҵарҩит.
Аусшәҟәы рнапы аҵарҩит ареспублика аҵара аминистр Хана Гәынԥҳаи Нхыҵ-Кавказтәи Афедералтә университет аректор инапынҵақәа назыгӡо Татиана Шабзыхәи. Аганқәа еицырзеиԥшу аусмҩаԥгатәқәа рзы амҩақәҵагатә хсаала иалацәажәеит.
Гәынԥҳа иазгәалҭеит, ԥхьаҟатәи аусура амҽхак шдуу, ауниверситети аминистрреи еизааигәаны хра злоу аусеицура шымҩаԥырго азы агәыӷра шлымоу.
Шабзыхә инаҵшьны иазгәалҭеит, акыршықәсатәи аусеицура уажәнатәгьы иубарҭоу алҵшәақәа шаанаго.
Иара убас, аусеицуразы аиқәшаҳаҭра ҿыц рыбжьарҵеит Аԥснытәи Аҳәынҭқарратә универститети Нхыҵ-Кавказтәи Афедералтә университети.
Аганқәа еицырзеиԥшу аҵареи аҭҵаарадыррақәеи рпроектқәа ирылацәажәеит, урҭ рхыԥхьаӡараҿы иҟоуп археологиатә ҭҵаарақәа рзы Жәларбжьаратәи аҭҵаарадырратә-аҭцааратә лабораториа аԥҵара, астудентцәеи арҵаҩцәеи реимдара, аконференциақәеи аҵарадырра аизырҳаратә программақәеи рылахәхара.
Аԥснытәи аделегациа Нижни Новгород иаҭааит Адунеизегьтәи аҿар рфестиваль Аизара рҽаладырхәырц.
Аделегациа аилазаараҿы иҟан 18 шықәса зхыҵуа инаиркны 35 шықәсанӡа зхыҵуа 40-ҩык, иара убас ҩыџьа зықәра намӡац. Агәыԥ наԥхгара аиҭон аԥыза-министр ихаҭыԥуаҩ, Аԥсны аҿари аспорти рзы Аҳәынҭеилакы ахантәаҩы инапынҵақәа назыгӡо Ҭарашь Ҳагба.
Аизара апрограмма аҿар рыҿиара ихадоу ахырхарҭақәа аҵанакуеит: амедиеи аԥҵаратә усхкқәеи, аҳәынҭқарратә напхгара, анаплакра, аспорт, аҭҵаареи аҵареи, аинформациатә технологиақәа.
Аҳәынҭқарра ахада иплатформа "Урыстәыла – алшарақәа ртәыла" акоманда Аԥснытәи аделегациа ҳамҭас ирырҭеит рнапала асахьақәа знырҵаз асамовар.
Сынтәа афестиваль 2000-ҩык ауаа еиднакылеит, урҭ рҟынтәи 1000-ҩык аҳәаанырцәтәи атәылақәа рҟынтәи аделегатцәа ракәын. Афестиваль мҩаԥысуан цәыббра 17 инаркны 21 рҟынӡа.
Асабша, цәыббра 20 ахәылбыҽха Аҟәеи, Аҟәа араиони, Гәылрыԥшь араиони рҟны ақәаршҩы ӷәӷәа леит. Иҳаҩсыз амчыбжь азы ҩынтәны ақәаршҩы иахҟьаны амҩадуқәеи аҩнқәеи ӡыла иҭәит, аԥша иасыз афымцацәаҳәақәа канажьит, ҭыԥқәак рҿы аҵлақәа хыжәжәеит.
Ақалақьтәи араионтәи акоммуналтә усбарҭақәа аҵх зегьы амшцәгьа ахҟьаԥҟьақәа ақәгара иаҿын. Амшцәгьаан аӡәгьы ааха имоуӡеит.
