Џьанашьиа имҩаду аҿы "Аԥаҭыркалтә мҩаду" аиҿкааразы аицлабраҿы аиааира згаз еилкаахеит
14:59 05.11.2025 (ирҿыцуп: 15:15 05.11.2025)
© telegram sputnik_apsny_info
/ Анапаҵаҩра
АҞӘА, абҵара 5 - Sputnik. Аҟәа ақалақь Џьанашьиа имҩаду аҿы "Аԥаҭыркалтә мҩаду" аконцепциа аус адулараз аицлабраҿы аиааира згаз еилкаахеит.
Аҟәа ақалақь архитектор хада Бислан Багаҭелиа иажәақәа рыла, алахәылацәа апроектқәа маҷымкәа ирыдыргалеит. Ақалақьҿиара ахеилак аҿы иреиӷьу хԥа алырхит, анаҩс жьҭаара 29 инаркны абҵара 5 рҟынӡа ауааԥсыра иргәыԥхаз апроект азы рыбжьы арҭон.
"Архитекторцәа Олег Ҷедиеи Наала Ламиаԥҳеи русеицумҭа алхын. Сара сгәанала, уи даара иаԥсо усумҭоуп. Апроект макьана аконцепциатә етап аҿы иҟоуп, инагӡаны аус адулам", — иҳәеит Багаҭелиа.
Иара иҳәеит Џьанашьиа имҩа аҭагылазаашьа шыбзиоу, аха ашьаҟауаа рымҩеи аинфраструктуреи реиҭашьақәыргылара зҭаху ахәҭа шыҟоу.
"Ҳара уажәы ари аҭыԥ аиҿкаара ҳгәы иҭоуп, уи аан иаиааз апроект шьаҭас иахҭоит", — иҳәеит иара.
Аицлабра еиҿыркааит аҳҭнықалақь ахадареи, ААУ-и, апроект "Аԥсны акоманда " апроект "Аманшәалареи ашәарҭадареи".
Аҟәа ақалақь архитектор хада Бислан Багаҭелиа иажәақәа рыла, алахәылацәа апроектқәа маҷымкәа ирыдыргалеит. Ақалақьҿиара ахеилак аҿы иреиӷьу хԥа алырхит, анаҩс жьҭаара 29 инаркны абҵара 5 рҟынӡа ауааԥсыра иргәыԥхаз апроект азы рыбжьы арҭон.
"Архитекторцәа Олег Ҷедиеи Наала Ламиаԥҳеи русеицумҭа алхын. Сара сгәанала, уи даара иаԥсо усумҭоуп. Апроект макьана аконцепциатә етап аҿы иҟоуп, инагӡаны аус адулам", — иҳәеит Багаҭелиа.
Иара иҳәеит Џьанашьиа имҩа аҭагылазаашьа шыбзиоу, аха ашьаҟауаа рымҩеи аинфраструктуреи реиҭашьақәыргылара зҭаху ахәҭа шыҟоу.
"Ҳара уажәы ари аҭыԥ аиҿкаара ҳгәы иҭоуп, уи аан иаиааз апроект шьаҭас иахҭоит", — иҳәеит иара.
Аицлабра еиҿыркааит аҳҭнықалақь ахадареи, ААУ-и, апроект "Аԥсны акоманда " апроект "Аманшәалареи ашәарҭадареи".
