Аԥснынтәи анҭыҵҟа идәықәырҵо ашәырқәа рзы афитосанитартә сертификатқәа ԥшь-ҭыԥк рҿы
17:20 05.11.2025 (ирҿыцуп: 17:44 05.11.2025)
© Sputnik / Рамиль Ситдиков
/ Анапаҵаҩра
АҞӘА, абҵара 5 - Sputnik. Аԥснынтәи анҭыҵҟа идәықәырҵо ашәырқәа рзы афитосанитартә сертификатқәа ԥшь-ҭыԥк рҿы иуоур улшоит, абри атәы Sputnik иазеиҭеиҳәеит аҵиаақәа ркарантин азы Аҳәынҭқарратә инспекциа анапхгаҩы ихаҭыԥуаҩ Руслан Смыр.
"Асертификат аиура алшоит: Аҟәа, аинспекциа ахадаратә аппарат аҿы, Цандрыԥшьтәи аихамҩатә ҭыԥ аҿы, аӡиас Ԥсоу иаваршәны иҟоу аҳәааҿы, иара убас Аҟәатәи аҳаирбаӷәазаҿы. Апроцедура 3-5 минуҭ уадхалоит, ахәԥса 60 мааҭ ыҟоуп", — иҳәеит Смыр.
Иара убасгьы иациҵеит ари аԥҟара ацитрустә шәырқәа рзы мацара акәымкәа, асубтропикатә культурақәа зегьы— афеихоа, ахәырма, алаҳа, уҳәа убас егьырҭгьы ишрызку. Апунктқәа уахи-ҽни аус руеит.
Аҳәынҭқарратә ҳазалхратә еилакы уаанӡа агәҽанҵара ҟанаҵахьан 5 кьылак рҟынӡа ацитрустә шәырқәа Урыстәылаҟа ҳазашәарадеи документдеи ргара шалшо. 5-25 кьыла рҟынӡа иҟоу апартиазы афитосанитартә сертификат аҭахуп, 25 кьыла инареиҳау апартиазы хымԥадатәи адекларациеи аҳазатә шәарақәеи аҭахуп.
"Асертификат аиура алшоит: Аҟәа, аинспекциа ахадаратә аппарат аҿы, Цандрыԥшьтәи аихамҩатә ҭыԥ аҿы, аӡиас Ԥсоу иаваршәны иҟоу аҳәааҿы, иара убас Аҟәатәи аҳаирбаӷәазаҿы. Апроцедура 3-5 минуҭ уадхалоит, ахәԥса 60 мааҭ ыҟоуп", — иҳәеит Смыр.
Иара убасгьы иациҵеит ари аԥҟара ацитрустә шәырқәа рзы мацара акәымкәа, асубтропикатә культурақәа зегьы— афеихоа, ахәырма, алаҳа, уҳәа убас егьырҭгьы ишрызку. Апунктқәа уахи-ҽни аус руеит.
Аҳәынҭқарратә ҳазалхратә еилакы уаанӡа агәҽанҵара ҟанаҵахьан 5 кьылак рҟынӡа ацитрустә шәырқәа Урыстәылаҟа ҳазашәарадеи документдеи ргара шалшо. 5-25 кьыла рҟынӡа иҟоу апартиазы афитосанитартә сертификат аҭахуп, 25 кьыла инареиҳау апартиазы хымԥадатәи адекларациеи аҳазатә шәарақәеи аҭахуп.
