Аԥсны Жәлар Реизара-Апарламент анхарҭатә ҩнқәеи анхарҭатә хыбрақәеи инхарҭатәым астатус ахь риагара уақәиҭызымтәуа аԥҟара шьақәнаргылеит.
Аԥсны Жәлар Реизара-Апарламент анхарҭатә ҩнқәеи анхарҭатә хыбрақәеи инхарҭатәым астатус ахь риагара уақәиҭызымтәуа аԥҟара шьақәнаргылеит.
Аҩбатәи аԥхьараҿы анхарҭатә еизыҟазаашьақәа ирызку азакәанԥҵаратә актқәа рҿы аиҭакрақәа алагалоуп.
"Апрактика ишаҳнарбо ала, ақыҭақәа рҿы иҟоу, анхарҭаҩнқәа зтәу, анхарҭатә хыбрақәеи аҩнқәеи рыҭиразы инхарҭатәым астатус ахь ииаргоит", — ҳәа аҳәоит аилыркааратә шәҟәаҿы.
Аиҭакрақәа инарықәыршәаны, иалкаау аҭагылазаашьақәа раан акоммерциатә хархәаразы аҭыԥантәи аҳәынҭқарратә усбарҭақәа рыӡбарала инхарҭатәым астатус ахь аиагара имҩаԥгазар алшоит абарҭ рганахьала:
Ақалақьтә еиланхарҭақәа рҿы ауадарацәа змоу аҩнқәа актәи реихагылақәа рҿы иҟоу анхарҭа уадақәа,
Ақалақьтә еиланхарҭақәа рҿы ахатәыҩнқәа рҟны анхарҭатә уадақәа.
